نَاب الأفعُوان

الحَلقة 14

#نَاب_الأفعُوان
الكاتِبة راعـوث الأسـد

الحَلقة 14

- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5
..

ثلاث ايام الوضع هدوء وصرت نادرًا أطلع أمي بـ هَذي الأيام تدوخ ومرات تفقد الوعي أبوي يريد ياخذها للمُستشفى لكن ترفض وتكول فقط راسي يوجعني ألم عادي

الحد ما يوم فقدت الوعي ابوي أخذها غصبن عليها للمُستشفى ومِن رجعو أبوي ضايج وأستمر سبوعين هُوَ مقهور ويساعد أمي بشغل البيت وما يخليها تتعب

بقيت مُستمر أني يوم اطلع وعشرة لا الحد ما أبوي رفض ابقى هيج وأجاني للغرفة يحچي وياي :- أطلع شوف الناس العب ليش تبقى محبوس ترا الطفولة ما تتعوض ولو تبقى هيج من تكبر تندم وتتمنى ترجع صغير حتى تعيش طفولتك وما تخلي شي بخاطرك

سمعت كلام أبوي وصرت دائمًا أطلع صار عندي أصدقاء أكبر مني وبعمري صرت أنام من وقت بَس حتى أكعد واطلع العب وياهم علاقتي بأصدقائي صارت قوية وحتى أهلي يعرفوهم وأهلهم يعرفوني

صرت كُل سبوع لو هُمَ يجون عندي لو أني اروح عدهم ولو نلعب بالشارع ختيلان او طوبة او تحدي ركض هواي العاب نلعب ونتونس ونرجع للبيت فرحانين

ورا فترة أمي طلعت حامل فرحت وبقيت أحلم بالطفل وتمنيت يصير عندي أخت وبقيت كُل يوم أصلي وأني ماعرف شلون اصلي چنت ارفع ايدي للسماء أدعي يصير عندي أخت

بعد شهور أمي حللت وطلعت حامل ببنت فرحت وكلت الأصدقائي وخليتهم يفرحون وياي ، قبل ولاده أمي تذكرت صديقي عنده أخت ميتة أسمها مناجل ويتمنى تصير عنده أخت علمود يسموها مناجل رحت الأمي أركض أحچي وياها علمود تسميها مناجل وما كسرت خاطري مِن ولدت سمتها مناجل

الفرحة إللي صارت بگلبي محد يتوقعها صرت كُل يوم العب وياها ومن تبچي أبچي وياها ، يوم من الأيام امي بالمطبخ اصدقائي رادو يشوفوها شلتها وركضت اشوفهم مناجل وهُمَ بقوا يبوسون بيها وأمي لزمتني وأخذتها مني

بعد سنة أمي هم طلعت حامل ورجعت ادعي تصير عدنا بنت وصدك أمي ولدت ببنت وسموها غُباب طرت بيها طير وأمي كُل ما تختفي شوي اشيلها واركض بالشارع اشوفها الأصدقائي نبوس بيها الحد ما تبجي وأرجعها الأمي

بعد ما عمري صار 10 سنين  أصدقائي أتفقوا يروحوا البيت أعمام أحد أصدقائنا وجان بيتهم بعيد عن منطقتنا هواي كلت الأبوي رفض وأني بقيت أتوسل بي أروح وهُوَ رافض بچيت تاركه رايح الأمي أبچي حتى تقنع أبوي وبچيت أكثر من هيَ هم رفضت أروح

گعدت بالبيت أبچي ثاني يوم أصدقائي اجو علي ابوي رفض اطلع واروح وياهم هُمَ راحو وأني حبست نفسي بالغرفة أصيح وأبچي لأن ما خلوني الطلع

ثاني يوم ما أجو علي استغربت ومر أسبوع هُمَ ماكو گلبي يوجعني والليل گُله أبچي بدون سبب فجأة أفز من النوم أبچي وگعد ثاني يوم أگول ليش بچيت بَس بعدين اگول يمكن بسبب أخر حادث صار وياي