#نَاب_الأفعُوان
الكاتِبة راعـوث الأسـد
الحَلقة 12
- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5
..
الأدعج ركض عليها وهيَ تركض للدرج صار بينها وبين الأدعج شبر بس وثواني قليلة وشمرت نفسها من الطابق الثالث
رفعت أيدي أغمض عيوني أصرخ بفزع أسمع صرخة مناجل تصرخ من كُل گلبها والأدعچ يصيح مفرفح يصيح بأسم رافد درت ظهري أصرخ والطم على راسي أسمع أصريخهم وخطواتهم على الدرج
شلت أيدي من وجهي عيوني بالكاع الطم على رجلي مفرفحة أصيح بأسم العِكْرِشة ، فرفحت أبچي بصوت عالي بَس للحظات أسمع صرخة العِكْرِشة تصرخ أستدرتُ أشوف الأدعج ورافد مدنكين من السور لازمين أيد ومناجل واكفة تفرك بأيدها وتبچي
ركضت مفزوعة اشوف الأدعج ورافد لازمين أيد العِكْرِشة وهيَ تضحك وتصرخ مثل المجنونة الكُل تحت خايفين توكع ، اتقربت أشوفهم يسحبوها وكُل ما يسحبوها تضرب ايد الأدعج ورافد تريد يعوفوها
سحبوها الحد ما نرفعت ابتعد رافد حضنها الأدعج مخليها بالأرض حاضن راسها بقوة يحچي مفرفح :- گلبي مات من شمرتي نفسچ ليش تسوين هيچ يا بعد عيني والله اموت بدونچ أني
دفعت الأدعج تصرخ :- وخر أريد الدفتر مالتي
فرك وجهة الأدعچ ورافد غمها يحچي :- وگف گلبي أمداج
استدار الأدعج يناظر إله خازره ضحك يحچي :- لا تخزرني گلبي وكف مو بس گلبكم
تركنا يضحك ويغم العِكْرِشة إللي فرفحت تريد تكوم تگتلة ، شالها الأدعج وهيَ تصرخ :- نزلني أريد الدفتر وخر يا حقير أريد الدفتر جيب الدفتر
دخلها للغرفة وشمرها على السرير مالتها وكفت رافعة أصبعها تصرخ :- الله يطيح حظك وحظ حظك يا طايح الحظ يا ما عندك حظ جيب الدفتر يلا
فرك وجهة يهز رأسة يحچي :- بس تشوفي تعصبين
العِكْرِشة :- معليك
الأدعج :- أختج ما تقبل تنطيج الدفتر
صفنت علي ساكتة بعدها ناظرت السگف تحچي :- أني أحبها خلي تجيبة
حضن وجها يحچي :- أحچي وياها واشوف تجيبة لو لا
هزت راسها ناظرت إلنا خزرتنا وخزرت الأدعج تحچي :- أنت وياهم
بَس ذكرت هَذي الكلمتين صارت تبچي بصوت عالي وتحچي :- أختي وين؟
حضنها الأدعج وهيَ تضرب بي وصرخ باسم أختها ، أشر إلنا نطلع طلعنة وجوهنة صفرة من الخوف ، الثاني يوم گعدنا الأدعج مو بالبيت والعِكْرِشة بالغرفة والباب مقفول عليها ، أتصل أريب ركضت فاتحة الباب اشوفة واكف ينتظرني بَس شافني فتح باب السيارة مبتسم عيونة بالأرض
أنت تقرأ
نَاب الأفعُوان
Детектив / Триллерحقيقيـَة عُراقـية في غَيهَبـان السُجَون أَنعتـقَ منهُ ذلك المَبهـوم طورًا يكـون كالدفْن المطمور وفي طورًا كالفْدم المسحور :هوَّ عكازة العجوز مَكَّار يلعب لُعبـة المُحتال ; في حين اصحى من نَاجِع سفاح وفي حين مُختل سفاك لهُ لُعبة الدوار يُبهم لها...
