نَاب الأفعُوان

الحَلقة 16

#نَاب_الأفعُوان
الكاتِبة راعـوث الأسـد

الحَلقة 16

- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5

..

_ مُهِــيرة

فعلًا الحُب مؤذي وصعب خصيصًا الحُب مِن طرف واحد دمار نفسي ما چنت متوقعة يوم راح أحب أحد مثل أرِيب خلوق يخاف الله بيه ما فد يوم رفع عيونه علي وناظرني نظرة مو حلوة ويخلص الوقت وياي يكول "أخيتي ، أختي ، أخت العزيز" ما فد يوم كال كلمة زعجتني وينصحني لو شاف سويت شي غلط

أَرِيب :- مُهِيرة أنتِ بخير؟

رفعت راسي أمسح دموعي مجاوبة :- أيـي

أَرِيب :- ما جاي أشوف هيچ
مُهِيرة :- والله بخير بَس نفسيتي تعبانة
أَرِيب :- من شنو ؟
مُهِيرة  :- أرِيب رجاءً لا تسألني

سكت يناظرني بحيرة يريد يسألني بَس ما يگدر ، بچيت أكثر ودموعي رافضة توكف بسبب أتصالة وهُوَ يحچي ويَ بنت ويتغزل بيها بطريقة مُشفرة ويگول إلها "حبيبتي ، عيوني إلج"

رجعني للبيت وقبل لا أنزل حچيت بتوتر والدموع بعيوني :- رجاءً لا تكول للأدعج بچيت

هَزهَز رأسة يناظر الشارع وما يناظرني :- ماشي أخيتي براحتج

دخلت للبيت وصار بوجهي قسام عاگد حواچبة يحچي بغضب :- شبيچ ؟ ليش عيونج بيها دموع

مُهِيرة :- مريضة
قسام :- مريضة لو هَذا الزمال محاجيج

جحضت عيوني أريد اشرب مِن دمه :- لا تغلط علي لا اطيح حظك

قسام :- دمشي ولي طايحة الحظ إلا أكول الأبوي أخلي يحچي ويَ الأدعج حتى يبطلج

نزلت دمعتي مسحتها وضحكت بصوت عالي :- حتى عون يمسح الأرض بيك وبأبوك

تقرب يريد يضربني بَس توقف يقبض على أيده بقوة :- روحي لا أبتلي بيج

تركتة أمسح دموعي وأضحك بنفس الوقت،  سبحت وغيرت ملابسي وكعدت أصفن ومن تذكرت كلامة ويَ حبيبتة رجعت أبچي

ما چنت أدري مرتبط ولا أجه ببالي اسـألة وأصلًا شلون اسألة هَذا السؤال وهُوَ يروح ويچي يكول أخيتي ، بـ هَذا اليوم ما نمت بچيت الحد ما حسيت گلبي راح يطلع مِن صدري

سحبت تلفوني أشوف الساعة وچان المُنبة شوي ويدك ، گمت أمسح دموعي داخلة للحمام أسبح دموعي تختلط ويَ المي طلعت مُتقربة اخفي أنتفاخ عيوني بالمكياج رفعت راسي مِن أندك الباب خفيف :- أدخل

أنفتح الباب ودخل الأدعج يحچي :- صباح الخير حبيبتي  أجه أرِيب ...

توقف عن الكلام يناظرني عاگد حواجبة متقرب العندي يحچي بخوف :- شنو بيچ ليش عيونچ حمر ومنفوخة ليش وجهج تعبان ياروح الأدعج شنو صاير وياچ؟