نَاب الأفعُوان

الحَلقة الخامسة

#نَاب_الأفعُوان
الكاتِبة راعـوث الأسـد

الحَلقة الخامسة🪝

- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5

..
البدايـة..
فَاصْبِرْ صَبْرًا جَمِيلًا
..

حط أيده وره راسي ردت أبعد أيده بَس جمدت بمكاني أرجف أحس الدنيا فترت بيا مِن گال كلمات نزلوا على قلبي مثل الصاعقة :- القُصة إللي حچيتيها إلنا قصتچ أنتِ وأختچ ؟

دفعت أيده واكفة أريد أرجع أدخل للبيت ، كضب كتفي ساحبني مرجعني ، بلعت ريق أشهگ بقوة حاسه قلبي راح يطلع :- شيل أيدك عني

الأدعج :- مو قبل ما تجاوبيني
العِكْرِشة :- معليك بيا
الأدعج :- عليّ ونص
العِكْرِشة :- شعليك شعليك؟!

الأدعج :- عندي ثلاث أخوات أخاف عليهن منچ
العِكْرِشة :- أحبهن ويحبني
الأدعج :- ما مجبور أطمطم على جريمتچ علمود حُبهن إلچ

وسعت عيوني بغضب أصيح :- جريمة شنو؟ أنتَ فاهم أو لا؟ عن أي جريمة تحچي ؟! أني حچيت إلكم قُصة عادية تچي تگول إلي قصتچ أنتِ وأختچ ، أنتَ مخبل روح عالج نفسك تتهم الناس بلا سبب !!

دفعني على حايط بقوة خازرني :- لو ما متأكد ما أحچي ، والشيء إللي خلاني أتأكد رجفتچ ونظرات عيونچ إللي ما سيطرتي عليهم علمود ما تنكشف كذبتچ وجريمتچ

العِكْرِشة :- نذل
الأدعج :- حبل الكذب قصير واللّٰه يعلم بإلي راح يصير لو أنكشف الموضوع وظهرت دلائل تثبت جريمتچ

مناجل :- جريمة شنو؟

أبتعد عني يناظر مناجل ويناظرني مبتسم :- لا شيء حبيبتي فقط نتناقش بموضوع القُصة إللي حچتها

كمل جُملتة مبتسم داير وجهة ساحب أيد مناجل داخل للبيت ، مشيت وراهم أعدل شعري وأيدي ترجف ، دخلت وبدون ما أنطق بحرف سحبت دفتري كاعدة بعيده عنهم أمسح عيوني وأكتب وفكي يرجف :-

"حتَى الضوء الأبيض الذي أنار قلبي أصبح مُلطخ بـ سواد قُلوبهم"

سديت الدفتر مرجعة رفعت راسي أشوفة يناظرني ، أبتسمت تك خد مرجعة ظهري مخلية رجل على رجل أناظرة بتركيز وهُوَ أبتسم مرجع ظهرة يناظرني بنفس نظراتي

زحيت نظراتي عنه بعد ما غُبَاب صاحتني ، رحت دخلت للمطبخ يمها مكتفة أيدي :- ها

غُبَاب :- شوفي الدولمه جاي أغسل ماعين
العِكْرِشة :- من عيوني

أتقربت اشوف الدولمه تركتها أحچي :- مابقى شيء وتكمل

هَزت راسها ، تركتها أريد أطلع بَس توقفت عَن الحركة مِن حچت :- تحبي؟

أستدرتُ أناظرها مُستغربة :- منو ؟

غُبَاب:- الأدعج
العِكْرِشة :- شبي
غُبَاب:- تحبي؟
العِكْرِشة :- لا ، بَس ليش ؟