نَاب الأفعُوان

الحَلقة 13

#نَاب_الأفعُوان
الكاتِبة راعـوث الأسـد

الحَلقة 13

- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5

..

ركض للأدعج يحچي بصعوبة :- مُكافحة الارهاب كُلهم هنا جاين على العِكْرِشة

توقف الأدعج يناظر إلى غُرفة العِكْرِشة ، اشارلي أن أقفل غُرفتها سحبت المفتاح رايحة ركض أقفل غُرفتها ومناجل تفرك ايدها تركت الغرفة نازلة فقط طابق واحد أناظر المجموعة ضباط واكفين گدام الأدعج ورافد يتكلموا الحد ما أرتفعت اصواتهم ومِن بين صوتهم صوت الأدعج

ناظرت مناجل بتوتر وأنا اناظر الأدعچ يحچي بهدوء لكن واضح مِن صوتة هُوَ غاضب :- صار إلها سنتين بالمصح العقلي تتوقعون راح تطلع سليمة؟ على أي أساس تاخذوها للسجن للمرة الثانية ترا الحكم أنتهى وأوراقها صارت نظيفة وكُل شيء أتوضح أن جريمتها صارت دون وعي

أنهى الكلام رافع أصبعة يحچي بهدوء تام وهُوَ متأكد من كلامة  :- لا تنسون أن القاضي حكم عليها تنسجن فقط سنتين بالمصح العقلي ما گال تطلع وترجع للسجن !

صار نقاش حاد وأرتفعت الأصوات الضابط يحچي والأدعج يحچي الحد ما أنتهى النقاش وهُمَ ماخذين الأدعج وياهم للمركز لطمت مناجل تركض إلهم صرخ الأدعج وعيونة دم مو بس حمر :- مناجـــــل مكانچ لا تتقربين

صرخت مناجل مِن كُل گلبها :- خــوية عــــون

رافد أتقرب ساحب مناجل للغرفة وهيَ تلطم على راسها :- عـون لا ياخذو ماريد ياخذو

دفعها رافد للغرفة يصرخ :- چا تردين ياخذون العِكْرِشة

مناجل أنهارت والأدعج أخذو وراحو قفل الباب علينا رافد وراح ومناجل گعدت يم الباب تبچي بصوت عالي وتصرخ وتملخ بشعرها ، گعدت يمها أبچي خايفة على الأدعج دفعتني تملخ بشعرها كُل ما أحاول إلزم أيدها تدفعني تلطم على وجها

بچيت بصوت عالي ادور على تلفوني رفعت المخده ماكو تخبلت رجعت ادور وايدي تهتز  رفعت الغُطة وچان موجود سحبت التلفون رأسةً وكع مِن أيدي بسبب رجفتي القوية

رجعت أخذت تلفوني ورأسة دخلت على رقم أَرِيب أتصلت علي أفتر بالغرفة وصوت مناجل وصريخها رج البيت رج دخلت للحمام أول ما فتح خط اردفت وصوتي واضحة بي الرجفة :- أرِيب الضباط أخذوا أخوي للسجن

أردف بعلم :- أدري وهسة أني بطريقي للمركز

جاوبت بشهگة :- بَس تعرف شي گول إلي مو تسكت أختي والله دا تبچي تريد عـون 

جاوبني بنبرة حنينة خلتني أبچي :- لا تخافين خوية اليوم يرجع إلكم ومابي إلى العافية

نهيت الحديث وسديت الخط رايحة يم مناجل گاعده يمها أبچي على الأدعج وعليها ، أباوع عليها اشوفها تملخ بشعرها وتبچي بجنون وأنهيار وتتحسب على أعمام العِكْرِشة