مساء الورد والياسمين عليكم نجماتي 🌠🖤
قناديل العتمه
بقلم زهره
اللهم صل علئ محمد وال محمد
ممكن تعليق للفقرات وتصويت +متابعه
مشاهده ممتعه.
يعيش الإنسان طيب القلب حياته في الدنيا طيبًا مع كل الناس ويظل يعطي ويأخذ دون أن ينظر أن يأخذ من أحد شيء أكثر من المتوقع، فهو فقط يتمنى ابتسامة تسعد قلبه، يتمنى أن يتعامل بالمعاملة الحسنة والطيبة، ولكنه قد يقابل هذا كله بالعكس، فيجد المعاملة بجفاء وكأن ما يفعله هو واجب عليه وليس تكرمًا منه، وبذلك يكسر خاطر الإنسان ويحرم من الابتسامة، فالإنسان في لحظة حزنه وألمه يتمنى اليد التي لطالما مسحت دمع وجنته، لتخلصه من حزنه وآلامه فمابالك ينكسر من اقرب الناس اليه
دعوني أنقب عن بعض مظاهر القسوة التي أفصح بها بعض الفتيات بمرارة وحرقة من أفراد أسرهم وعلى قائمتهم الآباء. والامهات والإخوان ...
نبدي علئ بركة الله
بسم الله الرحمن الرحيم
................
:جنت راجعه من المدرسه فرحانه جايبه النتيجه
ناجحه وجان كلي أمل ابوي يخليني اكمل دراستي
من بعد ما نجحت من السادس ابتدائي
ماعدنه البنيه تكمل دراسه حته عمامي حدها
ابتدائيه تخلص وتكعد. بس انا اكول ابوي يحبنه بلكت
راح يخلينه نكمل مثل بنات عمي حامد دخلت لبيتنا محد جان موجود
أخواني جانو بلمدرسه مدرستهم متوسطه جانت بلولايه
موبالقريه الي احنا بيها القريه جانت بيها بس مدارس
ابتدائية ركضت لأمي الي تخبز بتنور الطين
ورده :يمه انا ناجحه عاينت عليه
ام ورده : خوش صلوات على محمد وآل محمد. روحي
ذبي هدومج وتعاي عاونيني على الشغل عدنه خطار
ورده: ياهو الخطار هاي يوميه خطار أنتم
ام ورده :ورده لسانج طولان اجيج اكصه الج عيب هذا الحجي وبعدين الخطار الجاي علينه صاحب ابوج ابو ناصر ولله لويسمعج ابوج تحجين هيج
انا ورده احنه من الريف ابويه جاسم. يشتغل فلاح. وامي ربت
بيت احنه ثنين ولد وثلاث بنات
اخواني اثنين اكبر مني. حازم ومصطفئ وانا
الثالثه خواتي ثنين ازغر مني فاطمه ومياسه احنه عايشين ابيت جدي
عندي 2 عمام عمي الجبير. حامد بعدني ماجايه لدنيا عايف اهله وعايش ابغداد
عنده ثنين ولد وثلاث بنات يجينه كل فتره كلش يحبنه
بس زوجته متجي ولا احد من أولاده اذكر بس من ماتو جدو وبيبي اجو
عمي الثاني الي هوه جابر كاعدين بصف بيتنه
...
سكتت شويه
ورده: زين شنو الغده عود
ام ورده: دجاج شوي بالتنور ابوج كال وهسه ابوج على جيه راح للولايه يجيب مسواك لان كلشي ماعدنه بلبيت.
أنت تقرأ
قناديل العتمه (مكتمله )
ChickLitبحكم عاداتـهم وتقاليدهم ضْلمت وردة، هـل سيجبر الله قلبـها بما كُتب لها، سنشاهد ونعـيش مع ابطال قصتي "ورده"و "سلام " قريباً
