قناديل العتمه (مكتمله )

البارت السابع

مساء الورد والياسمين عليكم نجماتي 🌠🖤

قناديل العتمه

اللهم صل علئ محمد وال محمد

بقلم زهره

ممكن تعليق للفقرات وتصويت +متابعه
مشاهده ممتعه.

‏‏لم اجرب ان اكون طفله في تعاملي ،إعتدت ان اكون 'اماً' دائماً احتضن... اطبطب......... واهش الحزن والكدر عن أحبتي ...
وحدها ذاتي تعرف كم انا

................
ورده

ضل عمي ابوحنان يلح علئ ابوي يتصل بعمي اقتنع ابوي

و متصل على عمي حامد ابو سلام  بس منعرف شكايله

حالتي يرثى لها تعبت وانا اقنع بأمي ماريد اتزوج

ورده: يمه بس فهميني انا موبتج فدوه  احس نفسي موكد مسؤليه زواج يمه انا راح افشل
خليني اربي نفسي ونوب ازوج وصير مسؤله عن زوج

وبيت وبعدين يمه احنه ناس مانعرفهم هواي يمه مومثلنه يختلفون
فدوه رحتلج اقنعي ابوي

ام ورده:  الله ياخذج ويخلصني منج كم مره اعيد وازيد عليج
ابوج انطاهم  كلمه ومستحيل يتراجع منها. شنو نلعب علئ الناس احنه وعگب باجر ومولين وتزوجين
خاف عبالج ذيج المره لمن تمرضتي ونكسر خاطره عليج
ومشى كلمتج
هاي المره يكسر راسج ويفصمج فصم
وإنا مالي علاقه منج لابوج موتيني الله وكيلج ساعة السوده الخلفتج بيهه.

كمت ابجي ماعرف شسوي جان بيدي بس الدعاء
يارب انا خرجت من حولي وقوتي ودخلت في حولك وقوتك
ارحمني برحمتك يا أرحم الراحمين

فاطمه: يمه ابوي خابر علئ عمي ابو سلام
لو بعده

ام ورده: وانا شمدريني

فاطمه: هوه انتي شتدرين يمه ماتكليلي

ام ورده: ومرض حته مرض  سدى حلكج صايرات كلجن لسانات وماتنحملن ادبسزيات خل تتزوج هاي الااعيد تربيتجن من جديد ولي روحي شوفي شغلجن

ثاني يوم الصبح ساعه ٨ ونص تقريبا
إنا كاعده بالغرفه وصفنه توديني وصفنه تجيبني ماادري الدنيا وين مخليتني

دخلت عليه امي بهمه

ام ورده: ورده عمج ابو سلام هنا كومي سلمي عليه يريدج

لتفتت عليها

ورده: عمي حامد شعجب اجه هسه موابوي يخابره علئ اساس

ام ورده: شدراني حته ابوج ماكال راح يجينه غريبه شعده جاي غبشه

دخل حازم

حازم: كومي هي صلاحية ماي وسوينه جاي

نطيته الماي وسويت جاي

كملته بس حازم  اتأخر كلت خل ياخذه يله اطب اسلم وراه

اجت امي