مساء الورد والياسمين عليكم نجماتي 🌠🖤
قناديل العتمه
بقلم زهره
ممكن تعليق للفقرات وتصويت +متابعه
مشاهده ممتعه.
"""""""""""""""""""
ورده
رحت غسلت شعري بس شلع كلبي يله نضف بس هم ضل بيه ورجعت لكيت فاطمه كاعده وأخذتهه وياي غسلته اليه
كملنه واجيت نشفته وخليتله زيت شعر مشطته ضفرته فاطمه اليه ولفيته وكمت على شغلي كل عاده مال الحلال
للغروب خبزت وكملت ودخلت للحوش مال بيتنا وامي شمرت ماي على وجهي جفلت جفله جيت انجبح بلگاع انا والخبز
ورده: شبيج يمه شنو هاي ليش عود
ام ورده: هاي ماي مقري عليه من بيت الساده من بخت الساده يطرد العين والمرض والمشاكل
مسحت وجهي وانا مراضيه بلي سوته امي بس سكتت وانا اعرفهه شنو غايتهه بهاذا فعلهه اكيد حته ارضئ بالزواج وكلبي يصب عليه
رحت خليت الخبز بلنجانه مالت الخبز وامي اجت وراي
ام ورده: اكلج ورده باجر اخذج وياي لبيت العلويه تريد تشوفج
ورده: تريد تشوفني ليش شعدهه وياي تريد تخطبني هم
ام ورده: وسم ومرض انا كتلهه بتي مريضه ونحلانه مدري شبيها وكالت جيبيهه اليه خل أشوفهه احسن
ورده :يمه انا اعرف قصدج شنو وانا ماروح
وماتزوج ماتزوج يله كافي مليت
ام ورده: يطبج مرض الي يمرضج اناعلى مودج بس الضاهر انتي تحبين الاهاين والمكفخه وغصبن عليج ترحين وياي وانتي الممنونه
ورده: ماروح ماروح ماروح
اجت عليه تريد تضربني وكضنهه البنات
غلطت علي طلعت كعدت ابجي وانا خايفه شلون بيه خاف تاخذني امي لبيت العلويه وتنطي لأمي حرز لو شي يخلي زواجي يتم غصبن عليه
إنا اخاف من هيج شغلات وخصوصاً همه ناس معروفين وناس تتقصدهم من كل مكان
حته تحصل مرادها
الليل كله مانمت افكر شلون بيه باجر وشراح يصير
النوم جافاني وتعودت علئ القهر والسهر والتفكير الي يحطمني للصبح يله غفيت
اجت فاطمه تكعد بيه
فاطمة. :ورده وريده كومي امي تكول خل تكعد
رفعت راسي وتذكرت اليوم تاخذني امي للعلويه
طار النوم من عيني كعدت على حيلي
واجت امي
ام ورده : يله خاتون ماتكعدين ابوج يريد ياخذنه وياه ومناك يروح للقضاء عده شغل كومي بدلي يله
سكتت ماحجيت رحت غسلت وجهي وحته صلاه ماصليت رايح الوكت
رجعت بدلت لبست جبه سوده وشال رمادي كعدت اتريك
أنت تقرأ
قناديل العتمه (مكتمله )
ChickLitبحكم عاداتـهم وتقاليدهم ضْلمت وردة، هـل سيجبر الله قلبـها بما كُتب لها، سنشاهد ونعـيش مع ابطال قصتي "ورده"و "سلام " قريباً
