قناديل العتمه (مكتمله )

البارت الربع وثلاثون

مساء الورد والياسمين عليكم نجماتي 🌠🖤

قناديل العتمه

بقلم زهره

ممكن تعليق للفقرات وتصويت +متابعه
مشاهده ممتعه.

نوارس

ام شهد: عليك الله خاله تعال اكعد خل احجي وياك
ماقبل يكعد وعيونه حمرر يباوع عليه ويباوع علئ مرت خالي

اكرم: احجي خاله اسمعج وانا واكف
سحبته كوه يمها كعدت بعيد عليه

ام شهد :خاله هيه موافقه بس تخاف

اكرم: خاله شنووو تخاااف جاي تكول جبروني ماااريدك ماااريدك شنوووو انا طفل

ام شهد: صوتك فدوه روحلك الناس بعدها كلها هناا

اكرم: انا رايح وماراح احجي هسه حته لااهلي ماكول
بس باجر انا جايكم لاابو شهد ويصير خير
وطلع يهف بسرعه

ام شهد: فلك الصابج ان شاء الله هسه اكعدي واسكتي يبربو....

بعدها تحجي واجت امه وخالته ام مرتضئ

ام اكرم : شنو شبيه اكرم

ام شهد: مو نوارس تستحي وخايفه منه وضلت تبجي واجه صاحلي حاجيتها

ام مرتضئ: ياخاله بعد هوه صار رجلج لاتستحين منه

كالن يله تعالن تعشن
مسحت عيوني بلحمام وعدلت شعري ووجهي وطلعت كعدت وياهن بس احس الاكل حنضل يفوت لبلعومي
وهنه يصيحن اكلي واكلي

ماعولت يخلص ونرجع صدك ربع ساعه واجه خالي غراض الصالون والبدله ام اكرم ترجعهن وياها بدلنه ولمينه غراضنه ورجعنه
رجعت كبل سبحت دموعي تجري ويا المي وانا اجر الرموش بكل قوتي زلغت عيوني العدسات ذبيتهن وانا هناك والاضافر كسرتهن اصابعي صارت حمر كملت وطلعت
ودموعي مانشفت نتضرت شويه تنشف مقدمة رأسي وكمت توضيت وصليت كعدت اشكي لربي احس شويه الحرگه البصدري خفت لان جانت مشتعله نار وغصه ماتطلع

مادري مرت خالي كالت لخالي لاا كلمن فات لغرفته محد طلع
ثاني يوم مرت خالي كلساع توكف گلبي تجيني تكلي فتحتي باب علئ روحج وهسه يرجع يحجي عليه من وراج
خاف باقي بيه خيط امل تجي وتهشمه كالتلي انا ماكلت لخالج شكله

خالي طلع ماكلتله ابقه اكرم راح يجي
شويه ورجع خالي

كال خير اكرم شيريد يكلي انا جايكم اريدك بموضوع موضوعيش

مرته كالتله مادري

وجهي صار اصفر ورجليه بادت اجه اكرم دخلو جوه بلصاله انا بالغرفه كعدت وره الباب. واقره ايات كون خالي يتفهم وتفض علئ خير هيج وتخرب بدون خسارات وبتفاهم

صوتهم بلبدايه ناصي. ضل يعلئ شويه شويه كمت ختلت بلزوايه وغطيت نفسي بخوف ونسيت اقفل الباب واسمع صياحهم صار عالي
انفتح الباب وانا گلبي وگع من الخوف ودموعي تجري