قناديل العتمه (مكتمله )

البارت واحد وثلاثون

مساء الورد والياسمين عليكم نجماتي 🌠🖤

قناديل العتمه

بقلم زهره

ممكن تعليق للفقرات وتصويت +متابعه
مشاهده ممتعه.

ان الشمس والقمر. كانا مغرما ببعضهما ولم يستطيعا ان يكونا معا فخلق الله خسوف لكي يبرهن انا لا للاحب مستحيل يبتعدان عمرأ ليلتقيا ساعه ليعبرا عن حبهم الابدي
لـــم أعـرف أيامـاً جمــيلة لهــذا الحـد ڪــالأيــام التي أتـــئ حبك لقلبي ❤️

اليوم البارت خاص لورده وسلام

ورده

بليل دك عليه سلام وكتله حازم اجه شافني وأخذت رقمه
حته احجي وياه عادي
كال ذوله اهلج حبيبي وابد مو حقي امنعج منهم
مرت الأيام وانا احسها كل يوم. يمر عليه بسنه على فراق سلام
وكام حته ميخابر علينا يكول ماكو شبكه هناك
مر على دوامه ١٥ واليوم
نزوله
بيومها رحت لصالون عمتي اخذتني وراحت ويانه رواء
وهناك لكينه مرت رحيم هيه واخته لكيناها تميش بشعرها وتحف رواء ماتت كوه لازمه نفسها حاجيتها بهمس

ورده: رواء كافي فدوه باوعي وجهج شلون صار احمر

رواء: مابيه شي ورده انا راح ارجع ويا امي عذريني فدوه

ورده: عادي يروحي احسلج روحي
رجعت ويا عمتي
وانا صبغت شعري لون عسلي وكم خصله ذهبي وحفيت وجهي ورتبت حواجبي واجت عمتي اخذتني
رجعنه  للبيت نضفت جسمي لأول مرة احس نفسي فرحانه
وإنا اهتم بنفسي لسلام مشتاقتله
واريد اعوض ايام الزواج لان جنت مفرحانه وسعيده هيج

رحت لرواء الي عيونها صايرات دم حاجيتها حته تطلع من الهيه بيه كتلها تعاي وياي نرتب  الغرفه
رتبناها وخلينا نزله بيضه لجربايه وبدلنه البرده هم لون ابيض واثخن شويه لان الجوو بارد وبيومها غيم ومطر خفيف

رواء : والله اول مره اشوفج هيج قبل جنت
اشوف غير شكل بس ماابين الج اكول خطيه حبيبتي ولله فرحتلكم

ورده: ههههه  هوه أخوج جان مينجرع

رواء: وهسه

سويت حركه بأيدي عود ماادري

رواء: ههههه يعمري ان شاء الله تبقون هيج والله اسعد ايامي وانا اشوفكم سعيدين ومتهنين يارب يوم اشوف سامر يرتاح
حضنتها حيل
ورده:  يارب ينطيج على كد نيتج ويفرح گلبج انتي هم
باوعتلي بعيون كلها حزن والم
كملنا ترتيب الغرفه ونزلنه
سوينا غدا انا ورواء وباسم ويانا وكل مايحجي كلمه لو يسوي حركه نهج بيه ونكوم واحد يبشر الثاني

صار وكت الضهر صلينه وتغدينه
مريم غسلت المواعين  عمتي خابرت سلام كالها قبل ساعه طلعنه
احس الساعات تمر بطيئه وكلبي يفرفح لشوفته
صعدت فوك ومكدرت انام بقيت ملفلفه بل بطانيه كمت دفيت الغرفه بلدفايه
للعصر نزلت وهم لتهينه عشا وي باسم ومدري شنو وانا عيني على الباب
اذن المؤذن وسلام ماكوو صعدت فوك صليت ودفيت الغرفه اله عندي بخور عمتي جابته ريحته تجنن بخرت وحضرتله الحمام بدلت لبست دشداشه قديفه لون تركوازي وبيها كلاو بيه فرو ابيض مشطت شعري وخليت حمره خفيفه وكحله ومسكاره ولبست حجابي ونزلت
كعدنه ننتضر سلام
بعدين خابره سامر كله برأس الشارع ولك افتحلي الباب تنگعت حته ادخل بسرعه  جانت تمطر. تزخ وبارده
الكل ركض للباب