قناديل العتمه (مكتمله )

البارت الرابع

مساء الورد والياسمين عليكم نجماتي 🌠🖤

قناديل العتمه

بقلم زهره

اللهم صل علئ محمد وال محمد

ممكن تعليق للفقرات وتصويت +متابعه
مشاهده ممتعه.

" صَح متعوبة بس بيّها الحِسن يسوه
- ألحزن حاضنها چيّ حلوة✨.

..................

ورده

أكو خشبه مكسره يم حايط الغرفه بل حوش لكفها حازم وطكني بيهه على راسي

وإنا شاغت روحي من الوجع لان بيهه بسمار نبت براسي وراسي كام يجري دم طحت من طولي تكومت بالكاع

مصطفى. وابوي اجو من السوك بس صوت الهورن ينسمع جاي من يم الديوانيه
بين بيتنا وبين الديوانيه حايط الحوش
تركني حازم وطلع على وجه الحوش رايح يلاكي ابوي ومصطفى

وإنا كوه كمت ركضت عدنه مخزن نخلي بيه الغراض الي من مانحتاجهه دوم
دخلت ذبيت روحي بل گاع وكل جسمي مكسر
وراسي يريد ينفجر من الوجع

جسمي كله تراب وحجابي على رگبتي يسحل شعري منكوش حالتي حاله
ضليت اتراجف شسوي

قررت اطلع واخلي ابوي يشوفني
بس خفت من امي وحازم يكلوله
ترددت بقيت كاعده وابجي بالغرفه
كرهت امي وكرهت حازم وگلبي يفيض حقد على حنان

وعلى مرت خالي الي حجت الأمي يعني امي ماعدهه ثقه
بيه ليش هيج تسوي كمت احسها مو أمي
من تعاملها القاسي وياي.

كرهت نفسي وكرهت الدنيا وكلشي بيها
بقيت للعصر بالغرفه حته خواتي مانشدن عليه
بعدين عرفت حازم مانعهن

للغروب اجت ماسه دخلت عليه جايبتلي اكل وماي

انا شفتها وكمت اناشغ بجي

ورده: شوفي شنو سوو بيه حازم وامي تكله حيل بيها ربيها من وره حنان العار

ماسه: الله ينتقم منها الحقيره امي هابط ضغطها وتخربطت نايمه بلغرفه
وابوي سئل عنج وكلناله نايمه جذبنه عليه لان هاي اوامر حازم. يلا اكلي اشصاير بيج

ورده: ماريد اكل بس جيبلي ملابس اريد اسبح

جابتلي ملابس دخلت للحمام وكل جسمي ازرك من الضرب ويون عليه
خليت السطل جوه الحنفيه
وكمت اسبح حته الماي يلجمني من ينزل على جسمي دموعي تنزل ويا الماي خلصت وطلعت

أمي ماشفتها بل غرفه وحازم هم طالع بره البيت
الدنيا صارت غروب

خليت فراشي ونمت وانا كل جسمي يون من الالم

بعد يومين امي مقاطعتني متحاجيني واذا تريد شي تأمر علئ فاطمه لوماسه

حازم انا بتعدت عنه واذا شفته اضم روحي
امي بهذن اليومين رايحه لبيت عمي
ومتعاركه ويا حنان وامها وناكرات موهنه الي حاجيات