قناديل العتمه (مكتمله )

البارت التاسع عشر

مساء الورد والياسمين عليكم نجماتي 🌠🖤

قناديل العتمه

بقلم زهره

ممكن تعليق للفقرات وتصويت +متابعه
مشاهده ممتعه.

ورده

ضليت لعبانه نفسي ودايخه

ثاني الصبح كعدت من النوم كلش مسطوره

كبل رحت للحمام وكمت اتقيئ
حسيت روحي رادت تطلع

رجعت للغرفه وتمددت علئ جربايه
شويه ارتاحيت ونزلت

مر اليوم عادي وسلام نزل وصل ساعه ١٢ الضهر

بس سلم على أهله وصعد فوك
عمتي تاشرلي اصعد وراه
صعدت وراه
لكيته بلحمام
راح سبح ورجع للغرفه

سلام: اريد اكل جوعان

ورده: حاضر هسه

سلام: جيبلي هنا مابيه حيل انزل

ورده: اي

اباوع عليه مبين تعبان كلش حته نكسر كلبي عليه رغم هوه ياذيني بس مايهون عليه اشوفه تعبان
ايده بيها جروح واصبعه الابهام صاير ازرك كله

نزلت حضرت الأكل وصعدته فوك لكيته نايم

ورده: سلام سلام جبتلك غده

سلام: ماريد اريد انام

درت وجهي اريد اطلع

سلام: ورده

ورده: هااا

سلام: تعاي

خليت الصينه بلكاع ورحت يمه
مد ايده جرني عليه خلاني بحضنه وكام يشم بركبتي

حجه بصوت خفيف أقرب للهمس

سلام: ليش اشتاقلج هواي لمن اكون بل دوام

ريحة جسمه حبست أنفاسي وردت اتقيئ منه رغم هوه ريحته حلوه

فلتت نفسي منه وركضت للحمام
كعدت اتقيئ
اجه وراي

سلام: شبيج ورده

ورده: ماعرف من امس على هاي الحاله
بس اشتم شي نفسي تلعب وكوم اتقيئ

حجه والابتسامه شاكه حلكه

سلام: صدك والله

ورده: ليش عود هيج تضحك وفرحان

تقرب عليه ولزم ايدي

سلام: لا ماكو شي سلامتج تعاي ارتاحي
والعصر انا بنفسي اخذج لدكتور

كلت بكلبي شبيه شو متغير صاير زين ان شاء الله تبقى دوم هيج هادي وطيب

للعصر كعدت من النوم لكيته نازل قبلي
وكاعد وي امه وابوه

بس نزلت عمتي باوعتلي وعيونها تلمع بفرح

والوجه مفتح من الضحكه والفرحه