قناديل العتمه (مكتمله )

البارت ثلاثون

مساء الورد والياسمين عليكم نجماتي 🌠🖤

قناديل العتمه

بقلم زهره

ممكن تعليق للفقرات وتصويت +متابعه
مشاهده ممتعه.

-----------------

📍بنات حته تشوفون اني شلون گلبي طيب ومالعب ولوبيدي واكدر كلساع انزل بارت من نزلت مساع نصدمت ابعض التعليقات وطلعت انانيه وادور مشاهدات. 

استمتعو بالبارت لافيو

ورده

طول الطريق وهوه يذب عليه حجي لو يمد ايده عليه
وإنا لطشت روحي بلباب مال سياره

سلام: طلعي طلعي بعد من السياره اصعدج بلصندوك

فشلني غطيت وجهي بعباتي

وصلنا للبيت ونزلنا ونزل هوه قبلي شال باسم ودخل
عمتي واكفه بل باب ولاكته اخذت باسم كامت تبوس بيه وتحضن بيه بقوه وتصيح يمه فدوه رحتلك بيبي
يروح بيبي يعمر بيبي
لاكتني حضنتني وبوستني

ام سلام:  هسه نور بيتنا بوجودج عمه
وبوجود الغالي ابن الغالي

سلام الابتسامه شاكه وجها ومبين عليه الفرحه
سلمت عليها ودخلنه دخلت رأسا تذكرت سالفة عذراء وسلام واحس كلبي
نقبض ضليت اتلفت اكول علئ غفله وتطلعي مرته
طلعت رواء من المطبخ باوعتلنه ابتسمتلها بلهفه اقرب شخص الي هنا هيه

بس هاي مو رواء متغيره حيل وجوه عيونها اسود وضعفانه اكثر مني اجت تركض بتجاهي حضنتني

ورده: يروحي مشتاقتلج
عفتها وعيونها كلها دموع رواء موطبيعيه احس بيعونها حزن جبير

سألت علئ عمي ومريم وسامر
ام سلام: كلهم بخير مريم بلمدرسه وعمج طلع للمحلات وسامر بلكليه
رواء اخذت باسم تبوس بيه وتحضن بيه ضل من حضن لحضن
ماعرف شصارلي اذكرت الي سواه وياي سلام هوه وعذراء. كلبي غيم واحس نفسي ممرتاحه
رغم ترحيب عمتي الي يشرح الگلب وفرحتهن بينه
بس انا ختنكت
باسم ابد ماستغرب وذاب نفسه على عمتي ورواء ويحجي وياهن وجنه احسن بده يتحسن

سلام :انا صاعد فوك تعبان اريد اسبح
بقيت يمهن وعمتي رجعت حضنتني وباست رأسي
ام سلام:  سوده عليه عمه شصاير بيج
شوفي حالج شلون صاير عمه وعيونج ردنا نرجعج اكثر من مره بس ابوج يعمه جان رافض وعمج جم مره نام المستشفئ من گلبه من القهر
سوده عليه يعمه والله نهار كله واليل كله افكر بيج
اكول هسه شلون حاله وي ابنها وهيه زغيره
يله الحمدلله على كل حال خلصت ان شاء الله وبقت بس سوالف
اصعدي عمه اصعدي روحي اسبحي بدلي ارتاحي
حضنت باسم وتبوس بيه

ام سلام: وهذا بعد لا تفكرين بيه دوم انسيه هههههه
ابتسمتلها
ورده:  بعدين عمه خليني ارتاح شويه لان دايخه من الطريق