أمواج الذاكره

15- كـشـف الـحـادث الـقـديـم

صلى على خير الأنام 🤎

نظر الجميع نحو الصوت لتتحفز حواس مسك ويحيى وأدم وفرح اما عن رؤوف فشعر بدوار وقلق من القادم

ابتسم عماد بسعاده: صقر انا رجعتلي الذاكره

صقر بسخريه: بركة يا جامع ومقولتش ليه مش على الاقل كانت ترجعلنا سوا

حاول آدم ان يقترب كنها لكن صقر منعته بصوت حاد
-مكانك متقربش مني لا انت ولا حد فيهم انا عرفت خلاص يعني لا محتاجين شرح ولا حتى انا هعاتب ليه بقى لاني معرفكمش

نورا بتحذير: صقر كلامك ابتدي يجرح
صقر ببرود: وايه يعني ما يجرح ولا انتوا تجرحوا وانا لا

اقتربت من عماد قائله بخيبة أمل: مش كنا متفقين اني لو واحد رجعتله الذاكره يقول للتاني مش عيب يا عماد لما اعرف إنك رايح تتعالج من غير ما تقولي يا اخي ده انت اول واحد قولتله اني روزان هواندا في ايدها العلاج قوم تتعالج من غيري

شاهين: صقر مكنش ينفع تتعالجي بسبب الجرح بتاعك
صقر بغضب: كنتوا قولتولي ولا انا مليش لازمة عندكم

يارا: تليفونك كان مغلق
صقر بسخريه: ده على اساس اني مفيش أرضى في البيت معنديش تليفون احتياطي دايما معايا لو كنتوا حاولتوا كنتوا هتوصلوا ليا ولا هي حجج وخلاص

رؤوف بهدوء: حتى لو وصلنا ليكي مكنش ينفع تيجي ده طريق سفر والحركه الكتير غلط عليكي كفايه انك بعد ما جيتي مصر رجعتي تاني سنغافورة في نفس اليوم

نظرت له صقر بنظرة معاتبه: انا مش اتصلت عليك من 8 ساعات مقولتش ليا ليه
ريماس: يا صقر احنا خايفين عليكى
صقر: ونعم الخوف طب انا راجعه تاني ولما الجرح يشفي ابقى افكر اجي

اوقفها يحيى بسرعه ووقف أمامها
-لا انتي لازم تقعدي على الأقل نعرف انتي مين بالظبط اكيد عماد افتكر صح يا عماد

نظرت صقر نحو عماد الذي طالعها بحزن على ما سيحدث ليفجر قنبلة أصابت قلب رؤوف وصقر في مقتل
-صقر هي أماسي

صمت هو ما حل على الجميع لينظروا جميعا نحو صقر التي ازداد تنفسها بصوت مسموع اما رؤوف هز رأسه ينفي هذا فهو لا يصدقه
-انت بتقول اي لا مستحيل تبقى اختي انا محستش بكده معاها

عماد: رؤوف لو فكرت شويه هتقول برضو انها أماسي، ليالي مكنتش كده لا عمرها كانت متمرده ولا عنيده ولا عصبيه اه كان عليها أفعال مجنونه بس معظم صفاتها بتقول انها أماسي

ريماس بحزن: انت متأكد يا عماد
عماد: لا مش متأكد
فرح بأمل: يعني ممكن تكون ليالي