دهاليز قاتمة

الأقتم العاشر

يا بَعَدنّي
و عيَّن عيَّني
يا حَنيّن أهلي
و حَنيّني .

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

غيوم:باوعلي يتراجف وصار يضرب على راسة

أرون:شسويت اني شسويت

تقربت علية لزمتة من ايدة خايفة
غيوم:شنو هذا الدم فهمني شبييييك

حضني حيل خايف ماعرفت شسوي
أرون:ساعديني غيوم

غيوم:بس فهمني شسويت كتلت احد؟

ابعد عني وكعد بالگاع يعض اصابعة مصدوم
أرون:ياااارييييت كاتل احد ولا عملتي هاي

نزلت لزمتة من قميصة اهز بي
غيوم:شسوييييست احچيييييي

سد حلگي لأن عطت بي يباوعلي بضعف اول مرة اشوفة هيچ ضعيف وخايف وخر ايدة شفايفة ترجف ونطق بالكارثة

أرون:أ أغتصبت ميار

شهگت وضربت على خدي نزل راسة يبچي ويضرب على راسة كمت افتر بالسطح ما مستوعبة ماكدرت انطق كلمة وحدة ولا حتى كدرت اصدگ هالشي

رجعتلة اضرب على رجلية وخدودي
غيوم:تعرف بنفسك شجاي تحچي؟؟؟ لاااا تشاقة هييييچ

حچة وهوَ صافن فاصل عن الدنيا
أرون:عفتها متمددة بالسطح دمها بطولها عفتها

كال هيچ واني ركضت للسياج وياريت ما ركضت شفتها متمددة تون ملابسها مرفوعة وفاقدة خفت عليها وحقدت على أرون وكرهتة اكثر واكثر

طفرت على سطحهم على كيف لأن ماعندي غير حل خايفة اتقربلها ابچي من قهري وقلة حيلتي عليها
كعدت كدامها وهيَ تفتح عيونها وتسدهم اباوع للسطح چانت حاطة كتبها ومبينة تدرس سودة علية گوة كدرت اباوعلها وهيَ جسمها طالع چانت مجروحة ببطنها وينزل من الجرح دم والنزف ماخذها بسبب الأعتداء الي تعرضتلة غطيتها اناشغ مقهورة عليها

ضربت على خدها اصحيها
غيوم:ميار سودة علية الله ينتقم منك أرون أشد انتقام على عملتك هاي باوعيلي ميار الله يخليچ

فتحت عيونها بس شافتني صارت تبچي حضنتها ابچي وياها وهيَ چلبت بملابسي خايفة ترجف گلبي انفطر فطر عليها