دهاليز قاتمة

الأقتم الثالث والثلاثون

جانَ وياك كُلشي حلو
حتى الاشيَاء الجنت ماحب اسويها
حـبيتك انيَ بوكت فكَره احبلي شخص
ما مَقتنع بيها .

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

غيوم:بياض عيونة صار احمر وايدة انعوجت تصنمت بمكاني خالة راحتلة تركض تحاول تصحي
لزمت بطني من الوجع الي اجاني منها وصرخت

كعدت اعضعض اصابعي من الوجع وخطية خالة احتارت بيناتنة خابرت مادري منو وانوب راحت للبيت جابت ماي غسلت وجه داكن واجتني تغسل وجهي دفعت ايدها متألمة وابچي

غيوم:اخخخخ خالة راح امووووت ابني ورجلي راح يموتون ساعدونيييي الله يخليكمممم

غزلان:اسم الله الرحمن خابرتهم هسة يجون اهدئي

داكن صار يگح شوي شوي كدر يوكف على حيلة بس دايخ لزمني صعدني بالسيارة يرجف وگوة يتنفس

غزلان:لا تسوق يمة انتَ مو زين

داكن:غيوم متأذية يمة لازم اخذها

حاولت ويا ولا وافق صعدو بالسيارة متوجهين للمستشفى وعبوسي يبچي وبطني تگطعني كل لوية تجيني تشوغني

اسمع خالة تخابرلهم يلحگونة للمستشفى
وصلنة واني اخذوني للطوارئ ماعرف شصار بداكن چان بالي عندة

فحصوني وطلع سبب الألم تسمم غذائي بقيت صافنة مصدومة شنو تسمم غير صار يومين ما ماكلة شي بس ماي اشرب

خلولي مغذي وگوة الألم سكن
طلعت ابچي لگيت داكن بوجهي ايدة هم بيها كانونة ومسحوب من عندة دم بجيت بالزايد وتقربتلة وكلت بغصة

غيوم:داكن شبيك

بلع ريگ وتقرب حضني يبوس براسي
داكن:ماكو شي بنيتي انه زين بس لأن كثرت بالجگاير انتِ المهم هسة يكولون متسممة

غيوم:والله ما ماكلة شي صار يومين منين يجي التسمم وحتى لو اكل استفرغة تلعب نفسي من كلشي

داكن:هانت هانت ما راح نروح لبيتنة خلي نروح لبيت ابوي ذو الفقار ماكدر اخذچ هناك ولا انه اكدر اروح

غيوم:داكن خايفة والله

داكن:اششش يلا نروح للبيت گوة واگف ترى وانتِ هم تعبانة