دهاليز قاتمة

الأقتم الثاني والعشرون

ما طايب بعدني يصلَّن عظامي
وبعدني من الدمع ما يابس لثامي
ولا اگدر اعوفك لا أضل وياك
لغم دايستك چدامي..

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

مو انا نزلت البارت هذا الجني مالتي بعدني زعلانة🙈🐍

~~~~~~~~~~~~~~~~~~~~~~~~

غزلان:رفعت عيوني اباوعلة بصدمة شنو يخطبني وين يعرفني ما صار شهر من شفتة من نهاية سنة 1988 وهسة بداية سنة 1989
ثبت نظراتة بعيوني مبتسم خفت من عندة ابد ما ارتاحيتلة

نور الدين:الي الشرف بس وين تعرف بنتي انتَ

قتام:ما اعرفها بس شايفها تمشي وانعجبت بشخصيتها وأدبها

باوعلة ابوي بحدة
نور الدين:بس غزلان ما تناسبك اكو اختلافات هواي

عدل كعدتة سند ايديناتة على رجلة ويحچي بغضب مكتوم
قتام:شنو الأختلافات؟؟؟ غزلان بيضة وانه اسود؟

نور:هذا أحد الأسباب السبب الثاني احنة ناس على گد حالنة لا الها غيري ولا الي غيرها وغير اخوها انتم تجار اسلحة وسياسيين عندكم ظهر قوي ماكدر انطيك بنتي

قتام:ما اقتنعت انه ماخذها زوجة مو خدامة حتى اخوفها مني واذا تخاف من اهلي مستعد اخليلها بيت وحدها

نور الدين:بنتي تدرس و

راد يكمل بس قاطعة بكل هدوء وبرود
قتام:ماعندي مشكلة بدراستها

سكت ابوي لازم ايدي حيل صرت ارجف لأن نبرة صوتة مو عادية چان بيها تهديد رجع يحچي

قتام:باچر اجيك علمود الجواب وان شاء الله يرضيني

كامو واني وكفت بظهر بابا اباوع لقتام صافح ابوي والنسوان يباوعلي ويبتسمن اخذهم وطلع رجعلي ابوي واني ابچي

غزلان:بابا ماريدة الله يخليك شكلة ونظراتة وكلشي بي يخوف

نور الدين:مستحيل انطيچ بابا مستحيل بعيدًا عن شكلة بس اهلة ناس خطرين عندهم نفوذ بالدولة شلون اخليچ بنصهم ماكدر

كعدت ابچي وادعي ربي ما يسوون شي خايفة وابوي خوفني اكثر بكلامة
دخلت انام ورضوان بعدة ما جاي
ماكدرت انام من الخوف بس اغمض احلم بقتام وهوَ يخنگني احس گلبي راح يطلع من مكانة