دهاليز قاتمة

الأقتم التاسع والثلاثون

بعَدني بلا وَعي كُل ليله أتانيك

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

عود احچولي شلونة البارت🙈🤍
~~~~~~~~~~~~~~~~~~~~~~~

ضي:اليوم اربعين عبوسي وعلاوي وغيوم على حالتها تسوء ما تتحسن صار يراجع بيها بالدكاترة وماكو فائدة

حاليًا ياخذها داكن علاج فيزيائي لأيدها ورجلها
رحت لبيت اهلي لأن حنسوي مجلس عزاء لأربعينهم وداكن سوة هم عزاء للزلم بحسينية وكال تالي اخذ توزيعات اوزعهن بالأمام

احنة نجهز بالتوزيع والبيت وغيوم حاطة ايدها على خدها وتباوع للحايط بدون تعابير وبدون ولا كلمة

قبل المجلس اجة داكن لبسها ملابس وحجاب وكعدها بالصالة بالأرل كال اخذها لغير مكان بس تالي كال لازم تبچي وتطلع الي بداخلها احسن من ما تكتم ويصير بيها شي

امي كعدت يمها واني عيوني عليها بس بدت الملاية تقرة دموع رفعت راسها للسقف ودموعها صارت تنزل

ضربت على صدرها حيل وهيَ تسمع الملاية تكول
الملاية: صغيرون الولد خايب يذباحة
وامة بالحزن ما يوم مرتاحة
صغيرون الولد على الموتة والونة
بنفس امة بعد ما شابعة منة

صارت تضرب نفسها حيل حتى نسوان ابوها بچن على حالها فقدت تلطم على راسها لو خدودها وترجع لصدرها تريد تحچي بس الكلمة ما تطلع

رجعت الملاية تنعى بكلام يفطر الگلب
الملاية:نام نام يا يمة الولد
افزن شايطة واتذكر مناغاك
واذكر سهر ليلي الي گضيتة وياك
حاربني زماني ليش ما خلاك
يا سهم الغدر دم النحر راواك

هنا غيوم كلش فقدت حجابها طاح وطلع شعرها الي انترس شيب ومستمرة تضرب على عيونها امي لزمتها لأن أذت نفسها اسنانها رجعن ينزفن الملاية سكتت عن النعي وخافت عليها بسرعة صاحت

الملاية:جيبولها ماي راح تموت الله يساعدها

اخذت البطل اشربها دفعت ايدي تلطم حييييل وتصرخ بدون كلام بس تعيط احسها تريد تحچي بس ما تكدر