دهاليز قاتمة

الأقتم الثالث والأربعون

ضَل يمي العُمر سرداب
يَـ الصوتك أمان وباب

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

غيوم:سد التلفون وعيونة مبتسمة بخبث مافهمت سر هالأبتسامة الي ظهرت على ثغرة

رجع اتصل واسمعة يكول
داكن:فرات هسة تكدرون تتصرفون اكل الطعم هالبهيمة

فرات:راح ندخل بس انتَ لا ترجع لكربلاء هالفترة

داكن:ما راح ارجع بس انتَ وعدتني بس تخلص من كلشي تنطيني هالنذل يوم واحد

فرات:تدلل والله لو اعرف اخسر وظيفتي هم انطيكيا

داكن:تمام راح ابقى على اتصال وياك بس فرات لحد يشوف الصور صح مفبركة بس هالشي يمسني واثق بيك انه

فرات:لا تخاف الموضوع يمي يلا مع السلامة

سدة من عندة وذب نفسة على القنفة مغمض عيونة كعدت بصفة
غيوم:شصار داكن اني خايفة

فتح عيونة باوعلي وابتسم مد ايدة لخدي
داكن:لا تخافين محد يكدر يضرج بشي وانه موجود تأكدي كلهم راح ياخذون عقابهم اوتار ونوح وغيرهم وغيرهم كل واحد أذاچ وانتِ ما مسويتلة شي راح ياخذ عقابة حشى الله من التقصير

غيوم:زين فهمني شصار منو هذا

داكن:ينلزم وتعرفين كلشي

غيوم:زين ترجع اوتار للسجن؟

باوعلي بتورط وتنهد
داكن:غيمتي الموضوع مو لعبة حتى اطلعها وارجعها بكيفي عوفيها الله يعاقبها

غيوم:شلون داكن شلون ماكدر ابقى بكربلاء وهيَ موجودة وانوب بيت اهلها قريب ما اتحمل افهمني

وخر شعري عن وجهي وباس طرف شفتي
داكن:نعيش بالبصرة وحدنة اسجلچ بجامعة المعقل لو أي جامعة تردينها وبين فترة وفترة نجي لكربلاء

غيوم:واهلي واهلك والبنات بكربلاء شلون

داكن:ما راح نروح للأبد نجي كل فترة واكو اتصال نخابر عليهم وكام موجود غيوم انه تعبت هنا چانت خدمة الأمام راحتي الوحيدة هنا وبعدها اجيتي انتِ وعشت وياچ اجمل سنتين بحياتي وهسة تركت العتبة واريد اخذچ واروح للبصرة حتى نخلص