دهاليز قاتمة

الأقتم السابع والثلاثون

‏﴿فَتَوَكَّلْ عَلَى اللَّهِ﴾.

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

ضي:كال هيچ ونزل راسة محتار

داكن:شنو احچيلها يمة شسوي فهميني اكللها ماتو اثنينهم؟ لو اكللها عبوسي انخطف من اوتار حبيبة رجلچ القديمة وانكتل شكول

تقربت امي لزمت ايدة
غزلان:توكل على الله وليدي خلي تجي الدكتورة تفحصها نطمئن على حالها وبعدين احچيلها شوي شوي

هز راسة وحيل مقهور راح صاح للدكتورة ودخلنة الها چانت تفتح عيونها بتعب ومبين عطشانة

فحصتها هواي وكالت
الدكتورة:حالتها استقرت بس عمليتها بعدها لازم تلتئم حركتها لازم قليلة وتكدرون باچر تطلعوها من المستشفى

داكن:عادي نخليها لحد ما تطيب لأن خايف عليها

الدكتورة:اكيد عادي بس لازم تتفاهم ويا المدير على حجز الغرفة

طلعت من الغرفة وغيوم تباوع للكل رفعت ايدها لداكن
غيوم:عبوسي وين

باوع لأمي يرجف وكعد يمها ما يخلي عيونة بعيونها
داكن:لا تخافين بنيتي حبيبتي عبوسي بالبيت

غيوم:وعلاوي؟

حط ايدة على رگبتة اختنگ وبصعوبة خفى عبرتة
داكن:علاوي بالخدج هم

ابتسمت ومدتلة ايدها
غيوم:داكن لبستو علاوي ملابسة المطرزات

امي ما تحملت غطت وجهة وطلعت تبچي داكن اخذ ايدها باسها
داكن:لا انتِ صيري زينة ولبسي

غيوم:زين جيبلي عبوسي مشتاقتلة وخايفة علية تدري حلمت بي يصيحلي ماما كلت اكيد هسة رجع ومشتاقلي

داكن:حبيبتي انتِ تعرفين مو زين على عبوسي وهوَ مناعتة ضعيفة ما يصير يجي هنا

سكتت تباوع للماي قبل لا تحچي كام جابلها وشربها وهيَ ابتسمت وباست ايدة داكن عيونة دمعت نزل يبوس بوجهة وعيونها

غيوم:شبيك داكن

داكن:ما بية شي بس خفت عليچ

غيوم:لا تخاف مابية شي زينة وهسة نرجع لبيتنة بس داكن ما جبنة الكرسي لعلاوي هذا الهزاز مو كلت اجيبلة واحد مثل عبوسي