دهاليز قاتمة

الأقتم الثالث والعشرون

‏شماته وليل غربـه وچلمه الياحيف
يلتمن دمع ويطيحن بخدي ...

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

~~~~~~~~~~~~~~~~~~~~~~~~

غيوم:حچة هيچ ولزمني واني احس دگات گلبي تتسارع بلعت ريگي بخوف وادعي بداخلي ما يطلع الي ببالي صح

رفع شعري عن وجهي لزمت ايدة ارجف
غيوم:ا ابوي مات؟

غمض عيونة ورجع فتحهم لزمني حيل خاف اوكع واني چلبت بملابسة اريدة يحچي

غيوم:دااااكنننن ابوييييي بي شيييييي

حچة جملة هدت حيلي هد ومن الصدمة تجمدت بمكاني
داكن:مو ابوچ مرت اخوچ ماتت

شهگت وحطيت ايدي على گلبي
غيوم:م مرت أرون؟

هز راسة واني لطمت على وجهي وصرت ابچي
غيوم:لاااااا داكن لااااا لاا

لزم ايدي وكعدني بالگاع مانعني اضرب نفسي
داكن:كولي الله يرحمها اقريلها سورة الفاتحة لا تسوين هيچ اريد اخذچ تواسين اخوچ بس اهدي اروحلچ فدوة

غيوم:هيَ حاااااملللل داكن شحال امها وابوها

داكن:الطفل شفيع الها بالجنة ضيييي جيبي مااااي

فقدت ماعرف شسوي لزمتة من ملابسة اهز بي واصيح
غيوم:شلووووون ماتت شلووون

داكن:تغسل بغرفتها ولازمة الكهرباء ومتكهربة لاگينها بوسط الماي

غيوم:سوووودةة علية سودة عليةةةةةةة اخذني الهم الله يخليييك

اخذ ماي يشربني واني ميتة قهر شنو شافت من حياتها بعدها صغيرة وعروس بس هذا أمر الله وصار

صعدت اركض لبست عباية واخذني داكن الهم دموعي ما نشفت عليها
وصلنة ودخلت للبيت چان مليان ناس والصريخ بكل مكان طاحت عيني على أرون

چان كاعد على الدرج حاضن فستان عرسها وصافن ودموعة تنزل عشرة عشرة كلها چانت تباوعلي واني ما اشوف غيرة

تقربت علية ابچي كعدت كدامة
غيوم:أرون

سمع صوتي فز يباوعلي عيونة حمر
أرون:ميار ماتت