دهاليز قاتمة

الأقتم الثامن والثلاثون

هَذا الصار
بيَنةَّ ويَا حرامَات
يوميَة السِهر
برموشنَا يبات ..

-صلو على محمد والِ محمد الأطهار

-متابعة للحساب+تصويتكم+تعليقاتكم⭕️

باچر ينزللكم بارت ثاني لأن هذا قصير🤍
~~~~~~~~~~~~~~~~~~~~~~~~

ضي:كعد بالصالة حاط ايديناتة على راسة وابوي بصفة يهدي وامي واخواني بس المشكلة محد يكدر يبرد گلبة وگلب غيوم صعب الي صار الهم

غزلان:كافي امي حبيبي شد حيلك حتى تگدر تعينها خلي اسويلك لگمة تاكل اروحلك فدوة

داكن:شلون اكل يمةةة شو غيوم حتى الماي تقيئتة گلبي ممرود على ولدي بس انمرد عليها اكثر هاي مو بس مرتي هاي حبيبتي صديقتي يمة هاي بنتي  كل ما اباوع لأيدها شلون معووجة اتمنى اموت

ذو الفقار:كول الحمدلله ترى غيوم من الصدمة انجلطت وهاي بداية الجلطة فترة وترجع

داكن:ما ترجع بعد غيوم انتهت

ذو الفقار:اها داكن؟ وين أملك بربك؟

فرك وجهة وحچة بغصة
داكن:الحمدلله على كل حال

تركتهم ورحت اسويلة اي شي ياكلة لأن جسمة كلة يرجف ايام صارلة ما ماكل شي
سويتلة اكل على السريع اخذتة حطيتة كدامة چان يخابر ابو غيوم تركتة كدامة ورحت اشوف غيوم بالي عندها

فتحت الباب چانت الغرفة ظلمة فتحت الضوة ورحت امشي على كيف بس انصدمت من منظرها

وجهة مورم من الضرب وذابة الغطة وترجف بحيث صاكة على اسنانها ترجف والعرك ينزل منها

تركتها وركضت لداكن چان هستوة يريد يمد ايدة ياكل
ضي:داكن غيوم مصخنة ترجف

سمع كلامي وكام على حيلة ركض للغرفة
راحلها وحط راسها بحضنة چانت حيل تعبانة ترجف بشكل مو طبيعي وتتحرك بيد داكن عبالك جثة

بسرعة خابر لدكتورتها خايف عليها كالتلة شي طبيعي من الصدمة
سدة منها وشالها بين احضانة اخذها للحمام
اني بدوري طلعتلها ملابس ومنشفة الها وانتظرتهم بالباب

ربع ساعة انفتح الباب وداكن مد راسة يمسح بعيونة
داكن:ضي جيبيلها اي شي

مديتلة الملابس اخذهم مني ودخل وسد الباب
شوي وطلع مسبحها وملبسها ملابس وهيَ ما حاسة بشي الي يشوفها يكول ميتة هاي