روايه جمعنا القدر صدفه

حلم ولقاء 🥰

البارت التاسع من رواية جمعنا القدر صدفه
بقلمي"منار عبدالسلام سعد 🤗

(علمتني الحياه ان كل شخص لديه مميزات وطباعا خاصه وانا طباعي هي عزة نفسي وشموخي "♡♡"٠)
عدي كام يوم علي ابطالنا حازم رجع شغله بس صورة البنت في باله وبيتمنه يشوفها تاني
و زين * بيفكر في شريف وياتري هتكون ايه رد فعله لما يعرف اللي عمله بس هو طابعا مش هامه
سيف* عايش عي صورة البنت  وكل يوم يوصل فريده ويستنا يوم يشوفها ويوم لا وخلاص اتعلق بيها ومش عارف يشلها من تفكيره
ساره كل يوم بتكلم سالي   وسالي بدات تتغير فعلن
فريده * غضت بصرها وبتحاول تعرف اكتر عن الدين والحجاب وكده وطابعا بمساعدة سيلاه

ياسين طابعا رتب ورقه وهينزل
سليم  بيحاول يخلص من  شيماء ومش بيتواجد في ا ي مكان بتتواجد  فيه
شريف فرحان بنتصاره. وبيخطط هيعمل ايه بس مش عارف  طابعا هو بيلعب مع مين
فريال * سيد بيضغط عليها كل شويه واخر ما زهقت قلتله هفكر واستلمت الشغل
صباح يوم جديد علي ابطالنافي
في غرفة الاجتماعات   بادارة العمليات الخاصه كان قاعد حازم وزمايله  واللواء طارق بيشرح المهمه
اللواء طارق* المقنع شخص مجهول الهويه محدش عارف  شكله ولا عارف سنه  ويعتبر الدراع اليمين للامافيا الروسي المقنع شخص مش سهل أبدا عشان كده اختارتكم أنتم دا الملف اللي فيه كل التفاصيل  المعلومات اللي جاتلنا بتقول انه نزل مصر بيجهز لعمليه كبيره ايه هي او فين محدش يعرف لسه  مهمتكم تراقبوا رجالته ودي مهمتكم
معتز* بس احنا كده مش عارفين نبدا منين

اللواء طارق * رجالتنا اللي هناك قالو أنه نازل مع رجالته واحنا زارعين  شخص هناك هو اللي بيبلغنا بتحركاتهم  بس من لما قلنا علي معاد نزولهم  مبلغش بحاجه تاني  وده معناه ياما اتكشف ياما مش عارف يوصل المعلومات عشان  كده لازم نتصرف في اسرع وقت 
حازم* بس يا فندم   حضرتك بتقول أنه نازل مع رجالته يعني أكيد مهمه مش سهله وكون انه ينزل دراعه اليمين  اللي هو المقنع  في المهمه يبقي أكيد مش سهله ابد وعايزه تفكير كتير لاننا مش عارفين هنبد منين
أدهم* حازم معاه حق احنا لازم نفكر كويس لان من الكلام اللي حضرتك قولته واللي احنا عارفينه عن المقنع  لازم نحسب خطواتنا كويس اوي
اللواء طارق *  كلامكم صح انا عارف  أن المهمه  صعبه لكن مش مستحيله علي فرقة العقرب ولا  ايه
حازم  بثقه بص لفريقه وقال * مفيش حاجه مستحيله علي فرقة العقرب وان شاء هنخلص المهمه في اسرع وقت
اللواء طارق * وده اللي انا متاكد منه
عند زين فاق  ولقي أميرته جنبه مسك ريشه وبيمشيها علي وشها وبيقول بهمس * أميرتي  فوقي  قوليلي هو انتي كل يوم تحلوي كده
اميرته بابتسامه* وانا كل يوم هقوم علي الدلع ده صباح الحب ياروح القلب
زين* هحبك ايه تاني اكتر من كده يا اميرتي الجميله   أصلا انا عديت مرحلة الحب انا بقيت بعشقك
أميرته* لو انت بقيت بتعشقني فانا بقيت مدمنتك لازم اول  كل يوم اصحي علي  همسك  بعشقك يا زيني
زين بيقرب منها وسمع صوت فوقه وكان المنبه بتاعه   زين فاق وبيمسح وشه وبيقول باستغراب ايه الحلم الغريب ده ومين البنت دي اصلا لا انا مستحيل احب تاني او اتجوز لا لا مستحيل   بس انا ليه حاسس اني شوفت عيونها قبل كده وصوتها بس مش عارفه مين وسرح في شكلها وابتسم تلقائي وبيقول  ياربي هو فيه جمال كده  وفاق لنفسه  لا انا مش لازم افكر فيها تاني دا مجرد حلم  انا هقوم اخد دش افوق أحسن من التفكير
عند  فريال قامت من النوم  صلت. وجهزت نفسها وخرجت لقت سيد قاعد فقالت بهدوء * صباح الخير يا سيد
سيد* هييجي منين الخير طول مانتي منشفه راسك ومش مديالي  كلمه بس انا اللي غلطان جهزي نفسك بالليل  الراجل هييجي يتقدملك. ومفيش كلام تاني
فريال بدموع * حرام عليك ياسيد ليه كده بس انا اختك عايزني اتجوز واحد قد ابويا
سيد* شوفي بقي انا صبرت عليكي كتير وده اخر. كلام عندي  ياهتسمعي  الكلام ياقمه مش هتعرفي ايه اللي هعمله فيكي  ومفيش شغل
فريال بدموع  واستسلام * خلاص هوافق بس امشي الشغل
سيد * ماشي
  في فيله الشاذلي عند ساره
سيلاه قاعده  وبتاكل جزر وساره بتلبس
سيلاه باستغراب* رايحه فين ياسوسو مش النهارده  عندك اجازه من الجامعه
ساره * ايوه يا روحي  بس  دكتور عادل كلمني عشان التدريب النهارده  وبيقولي فيه. مريض  هعمله انا الجلسات  بصراحه خايفه شويه انا عملتها قبل كده بس برضو
سيلاه بمرح* مين دي اللي خايفه انا توامي احسن دكطوره في الشرق الاوسط الخوف هو اللي يترعب منها أتوكلي انت بس علي الله  وابقي هتيلي شكولاته معاكي وانا هصلي وادعيلك
ساره بضحك* بخلاف دكطوره دي  همشيهاو كنت عارفه انك مش هتقولي كده ببلاش
سيلاه  * حببتي  الناس دلوقتي بقت ترمي السلام بفلوس  أنتي اللي لسه عايشه في زمن محمد علي
سيلاه بغمز* بس بقولك  ايه الشياكه دي هما حوريات الجنه بينزلوا عادي علي الارض
ساره * حببتي يا سيلاه دايما رافعه من روحي المعنويه
سيلاه  *  تشكرات تشكرات اي خدمه 
ساره بضحك *سلام بقي  وخلي بالك من نفسك
سيلاه * حاضر يا مزتي
عند سيف قام من النوم لقي نفسه ماخر علي معاد الشغل قام بسرعه لبس وخرج وهو بيدعي ان زين مايكونش راح قبله  ولقاه لسه قاعد علي السفر بيفطر سيف لنفسه ياه دانا كنت خلاص هقولهم علي وصيتي قبل ما موت وفاق علي صوت زين
زين بسخريه* ايه يا بشمهندس  نموسيتك كحلي كل دا نوم
سيف * طابعا لو حلفتلك انها راحت عليا نومه  هتصدقني صح
زين* أول واخر مره تاخر مفهوم
سيف بخوف* مفهوم أصلا انا كنت بفكر اني انام في الشركه بدل هنا
فريده  غصب عنها ضحكت من شكل سيف وبتقوله بهمس ياخسارة الرجاله ماتوا في ٧٣
سيف *  يا بنتي  دا الفهد مجنون انا عشان اكسر كلامه
فريده  بضحك * لا طابعا
في فيلا المنشاوي  عند  حنين
عائشه  بحنان*  يله يا حنون عشان تفطري
حنين بابتسامه ومرح* يسلملي ها الحلو. قوليلي يا ماما هو انتي تيته كانت بترضعك ايه ذبادو عشان تطلعي بالطعامه دي
عائشه  بضحك * بطلي بكش يا حنون  علي الصبح
حنين * انا بكاشه  الله  يسامحك  بس علي فكره بقه أنتي يامه مخاصمه المرايا يامه خايفه مني احسدك صح
عائشه * لا بس عارفاكي بتبكشي لما بتكوني عايزه حاجه وعارفه اني هرفض
حنين بهمس* يا كسفتك يا قرمط ماما قفشتني. و الخطه أ فشلت أستعنا بالله  نشوف الخطه ب أحم عيوش حببتي اللي مش بتزعلني  ومش بترفضلي طلب
عائشه * قولي اخلصي
حنين * عايزه أخرج نصايه بس هروح النادي
عائشه * مش قلتلك بس انتي  عارفه حازم  مانع الخروج لااي حد فينا  لوحده
حنين  بتفكير* طيب أيه رايك نروح مع بعض النادي احنا من زمان مروحناش. 
عائشه * خلاص وبالمره اشوف زمايلي من زمان مشفتهمش
حنين  بفرحه *  تعيش ملكة قلبي تعيش
في فيلا الشاذلى
سليم خرج من اوضته لقي سيلاه بتاكل بنهم وتقريبا جايبه فطار يكفي عشره فقال بصدمه*  سيلاه انتي بتعملي ايه
سيلاه  بلا مباله* بفطر
سليم * نعم دا فطار ده ولا انتحار انتي تقريبا جايبه خزين الشهر كله
سيلاه بغضب طفولي*  ايه دا يا سليم  انت هتعد عليا ولا ايه قول مشاء الله
سليم * لا هو بصراحه مشاءالله  يعني دلوقتي عرفت ليه ماما مش بتكون عايزاكي تعدي في البيت
سيلاه  بحزن مصتنع * كده يا سليم طيب خلاص. انا مخصماك
سليم  بمكر* طيب خلاص يبقي مش هتاخدي الشكولاهه
سيلاه * مين اللي زعلان أنا  انا ازعل من سولي حبيبي برضو دانت اللي في الحته الشمال يابوص بس قولي علي فين كده بالشياكه دي
سليم بضحك * انتي مش وراكي حاجه النهارده كل اللي رايح وجاي تقوليله رايح فين  عموما يا ستي رايح النادي عندي تمرين ملاكمه
سيلاه * خدني معاك ان شالله يجبر بخاطرك يا شيخ  ويرزقك بمزه كده تهز قلبك
سليم * وبعدين بقي في شغل الشحاته ده
سيلاه * ساره راحت المستشفي وماما خرجت السوق وانا لوحدي خدني معاك بقي يرضيك اقعد لوحدي يعني
سليم بضحك * لا خلاص صعبتي عليا قومي البسي بس عشر دقايق وهمشي
سيلاه بتجري وباسته من خده * حبيبي يا ناس  فر يره وجريت
سليم اتنهد براحه واتمنه ان ربنا يحمي اخواته ويقويه ويعرف يسعدهم علي طول
في المطار
أعلن عن وصول الطائره القادمه من أمريكا ونزل منها بطلنا ياسين بطلته الخاطفه للانفاس  ومظهره الرجولي الجذاب بجانب خفة دمه طابعا  ياسين  رفع نضارته وقال بفرح وهو بيشم هواء مصر *  وبيقول ياه أخير وحشتيني يا مصر ووحشني ناسك اما روح بقي علي شقتي  أخد دش وبعدين  اطير علي الود زين واعمله مفاجاه
عند زين وصل الشركه وطابعا زي كل يوم بيلفت  انتباه الكل بمجرد حضوره  وليه هيبه وقوه متلقش الا ب زين المالكي  ودخل مكتبه وطلب قهوه
عند سيف دخل مكتبه وطلب من السكرتيره تدخل البنت اللي عملت الانترفيو معاها عشان  يتاكده تاني لانها هتكون سكرتيره زين  ودخلت البنت وقالت بهدوء  سلام عليكم
سيف رفع وشه * وعليكم السلام وكمل بدهشه مش معقول انتي
البنت باستغراب* هو حضرتك تعرفني
سيف * أكيد لما قرات الاسم استغربت بس قولت  يمكن تشابه اسماء بس طلعتي انتي   المهم  هعرفك بنفسي أنا سيف عزالدين المالكي  كنت معاكي في نفس الكليه عشان كده عارفك
فريال  * اه أفتكرت حضرتك  يابشمهندس
سيف* طيب تشربي ايه
فريال * شكر ياريت نبدا في الشغل
سيف* طيب زي ما تحبي ندخل في المهم أولا انتي مش هتشتغلي معايا هتشتغلي في مكتب بشمهندس زين هو عصبي شويه بس انتي وشطارتك معاه لو اختي ثقته  وكنتي بنفس اداء الكليه مع شوية التعليمات اللي هتعرفيها انا متاكد  أنك هتكوني احسن بشمهندسه في الشركه  وانا موجود في  اي وقت لو عزتي حاجه  
فريال  بمتنان * شكر يا بشمهندس  سيف وان شاءالله أكون  قد ثقة حضرتك
سيف* ان شاءالله  وطلب مدام عليا وجات
مدام عليا * نعم يا بشمهندس
سيف* خدي الانسه فريال عرفيها نظام الشغل ماشي ازاي وقواعد فهد الاقتصاد أهم حاجه وانا هروح عند  بشمهندس  زين  وخرج
مدام عليا  *   اتفضلي يا انسه فريال معايا
فريال  بابتسامه* حضرتك  قولي فريال بس
مدام عليا* زي ما تحبي تعالي  يله
عند زين كان موقف سيف وهو بيتكلم في الفون  طيب تمام ماشي يعني علي الساعه كام تمام هكون عند حضرتك في الموعد سلام
سيف* بتكلم مين
زين * نعم
سيف بهزار* والله  مانت متحول انا كنت جاي اقولك  ان فريال استلمت الشغل ومدام عليا بتعرفها النظام 
زين بجديه * قبل ما تعينها جبتلي المعلومات بتاعتها اللي طلبتها 
سيف* كله اهو وزائد كمان أني اعرفها هي كانت معايا في نفس الكليه وبصراحه انا اشهدلك بتفوقها وذكائها  وملهاش اي علاقات خالص مع اي حد
زين* وانا مالي بالعلاقات هو انا هتجوزها يا سيف
سيف بهزار * وليه لا والله  قمر بس يله القلب وما يريد يا خويا
زين*نعم اخرج بره يا سيف بدل ماخليهم يشلوك علي نقاله
سيف بمرح* ياساتر يارب نقاله  لا يا زوز انا لسه بصحتي وجري من قدامه وهو خارج اتخبط في شخص وقال لامش معقول
في النادي عندحنين
حنين * بعد اذنك يا شوشو هروح التوليت وراجعه
عائشه * ماشي ياحببتي  بس خلي بالك من نفسك
حنين  * حاضر ومشت
بعد شويه في الجانب التاني سليم خلص تدريب وبدل ملابسه وخرج يدور علي سيلاه ولقي بنت الشباب بيديقوها ولقي نفسه غار والدم غلي في عروقه ومشي ليها
عند  البنت
لو سمحت عديني مينفعش كده
الشاب الاول* أعديكي ايه بس ياقمر  خليكي منورانا شويه
التاني* معاك حق ياخرابي علي الجمال يا ناس هو فيه كده
التالت* تعالي معانا واوعدك هندلعك دلع مشفتهوش قبل كده
سليم * دانا اللي هدلعك دلع تحلف بيه طول عمرك
الشاب * وانت مين يا معلم
سليم * انا  هعرفك وضربه بكس في وشه لما انفه نذف والشاب التاني جه يضرب سليم فالبنت شافته وقالت بخوف خلي بالك سليم لف وضربه الشاب التاني كمان والتالت جه يمسك البنت جريت واستخبت في سليم وكانه امانها  وسليم ساعتها قلب دق بطريقه غريبه مفهمش سببها  ووقف للحظات  ساكت والشاب التالت استغل ده وضرب سليم بالمطوه في ايده وجرو
البنت  بدموع  وخوف ولسه مستخبيه في ضهر سليم  * انا اسفه كل ده بسببي  ارجوك سامحني بجد اسفه
سليم  أيده بتالمه بس برغم الم ايده بس لما  سمع صوت عياطها قلبه وجعه  وقال بابتسامه * أهدي يا انسه انا كويس دا جرح بسيط  مفيش حاجه
البنت* بسيط ايه بس أنت مش شايف ايدك  دي بتنذف
سليم * أحم ممكن بس تسيبي الجاكت و تقعدي ومتخافيش
البنت لقت نفسها ماسكه الجاكت بتاعه وشها جاب الوان واتحرجت جدا وقالت بخجل * أنا اسفه ماختش بالي 
سليم * لا  عادي
البنت* طيب ممكن  بس تستناني خمس دقايق اجيب حاجه تعكم جرحك لانه هيتلوث
سليم *  متتعبيش نفسك انا لفيته و هيكون كويس  قوليلي بس انتي هتروحي ازاي لان ممكن الشباب دول يستنوكي بره
البنت لسه هترد بس سيلاه جات  من ورا البنت وحطاه ايدها علي قلبها وبتقول بمرح * يخسارة تربيتك يا سوسو ابنك بيشقط في وسط النادي اه الصدمه شلتني
سليم  بغيظ* اشقط ايه يا غبيه دي بنت فيه  شباب كانوا بيرزلوا عليها وانا ادخلت وخلصتها منهم
سيلاه * وانا اللي فكرت انك انحرفت
البنت سامعه الصوت وفي نفسها بتقول مش معقول تكون هي ولفت عشان تتاكد واول ما شافت سيلاه  قالت بفرح سيلاه
سيلاه * حنون عامله ايه
حنين * الحمد لله بجد فرحانه اوي اني شفتك تاني
سيلاه * انا اكتر والله  تعالي في حضني  عشان انتي وحشتيني  وحضنت حنين وسليم  واقف مش فاهم حاجه وسيلاه شافت الجرح
سيلاه بخوف * مالها ايدك يا سليم
سليم * مفيش حاجه  ياحببتي  دا جرح صغير  بس انتوا عارفين بعض منين
سيلاه *  دا موضوع طويل هقولك لما نروح
البنت * أحم  طيب انا همشي  وبشكرك  حضرتك   علي اللي عملته معايا واسفه للي حصل بسببي
سليم * مفيش حاجه  حصلت اصلا وانا معملتش حاجه  استحق عليها الشكر
حنين  ابتسمت *وودعت سيلاه واخدت رقمها وسليم عرض عليها يوصلها معاهم بس حنين  قالت  انها جايه مع مامتها وخلاص مفيش حاجه ومشت بس قلبها واجعها علي سليم  وسليم غصب عنه فضل باصص عليها لحد ما اختفت وسيلاه ملاحظه فقالت بخبث خلاص. اختفت
سليم  بتوتر * مكنتش باصص عليها اصلا
سيلاه بمكر* هي أيه انا قصدي علي النجمه اللي في السما أختفت
سليم * اه منا قصدي عليها برضو
سيلاه  ابتسمت * و قالت في نفسها شكلك وقعت يا سليم ومحدش سما عليك بس البت حنين برضو تستاهل. يتهبل كده عشانها وفاقت لنفسها   علي صوت سليم
سليم * طيب يله نروح
عند  سيف
لا مش معقول الدوك وصل
ياسين * ايه رايك في المفاجاه
سيف* اخر روقان وحشني ياراجل  والله  تعالي في حضن اخوك يا فواز
ياسين بضحك  وهو بيحضن سيف* وحشني هزار والعيبك ياض يا سيف  امال فين الفهد
سيف* وليه بس السيره دي أحسن بييجي علي السيره ما كنا حلوين
ياسين  بتحذير * سيف
سيف مكمل* والله  يا ياسين زين اخويا تحس انه مخاوي. وياسلام لما يقلب وعنيه تتحول يا خرابي  بيبقي شبه هرقليز 
زين من وراه * وايه كمان
سيف*  اوعا تقول انه ورايا  
ياسين  هز راسه بضحك
سيف بلع ريقه * الله  يرحمني كنت طيب
   ياسين غمزله وراح يسلم علي زين  عشان يشغله وسيف في الوقت دا جري
ياسين  حضن زين  بحب اخوي واشتياق  وفراق  السنين وزين مش مصدق ان ياسين  أخير نزل  وخرج من حضنه
زين*  وحشتني يا ياسين 
ياسين  بهزار * وانت والله يا زين  انا اول ما نزلت يدوب غيرت وجيت علي هنا جري أصلك متعرفش وحشتني قد ايه
زين* لو مكنتش نزلت كنت جيت جبتك من قفاك
ياسين *هههه وهو انا مستغني عن عمري  دانا لسه مدخلتش دنيه  ياعم  واتكلمو كتير جدا وياسين مشي وزين خرج عشان يقابل الدكتور  ورن علي فاطمه قلها  عشان باباه يكون جاهز
عند  فريال
مدام عليا * ماشاءالله  يا فريال انتي بتتعلمي بسرعه وان شاءالله  هيكون ليكي مستقبل عظيم
فريال * شكر لحضرتك  لولاكي  مكنتش عرفت حاجه
مدام عليا بنفي*  لا خالص  انا معملتش حاجه  انا يدوب بس قلتلك علي التعليمات ودلوقتي عايزاكي تراجعي الملف  ده  هو فيه أخطاء انتي عليكي تعرفيها وتكتبيه من تاني صح
فريال * تمام
الي هنا وانتهي البارت اتمني يكون نال اعجبكم وهستنا رايكم فيه ياتري ممكن القدر يجمع حنين  وسليم مع بعض وياتري فريال ايه اللي  هيجد في حياتها وهل ممكن تتجوز فعلن ولا للقدر راي تاني وهل ممكن حلم زين يتحقق في يوم من الايام وهل سيف هيفضل مراقب ملاكه كتير  وهل ده حب ولا هيكون مجرد أعجاب