روايه جمعنا القدر صدفه

البارت السادس عشر

رواية  جمعنا القدر صدفه 
البارت السادس عشر
بقلمي/ 》💕🌹🥀منار عبدالسلام سعد💕 🌹
عند  ساره  كانت واقفه قصاد قصر المالكي   وبتقول  لنفسها لا انا هرجع أنا أصلا مش عارفه أزاي وافقت أجاي وهركليز دا أكيد  موجود بس انا جايه أعمل واجبي ياربي  يعني  أعمل ايه بس الله  يسامحك  يا  دكتور  عادل  انت السبب وأفتكرة  اللي حصل
فلاش باك
ساره  بعد ما قامت وراحت لمامتها فونها رن وكان دكتور عادل وساره فتحت
ساره * السلامه عليكم ورحمة الله وبركاته
دكتور عادل * وعليكم السلام  أزيك ياساره
ساره * الحمد لله يادكتور   وحضرتك  عامل أيه
دكتور عادل * انا كويس الحمد لله  * بصي يا ساره عشان مخدش من وقتك كتير فاكره بشمهندس عزالدين  اللي قلتلك هتابعي معاه
ساره * أيوه وانا أعتزرت لحضرتك  بسبب ظروفي حضرتك  عارف وأن شاءالله  أول ما ظروفي تتحسن أكيد هتابع معاه
دكتور عادل *  أنا أسف ياساره  بس دلوقتي  لازم تروحيله  عشان رجليه شاده عاليه بسبب انه معملش الجلسات  و كلمني دلوقتي  وانتي عارفه  اني  في الموتمر لو موجود  كنت أكيد هروحه أنا
ساره  بحيره* والله  مش عارفه أقولك ايه يادكتور
دكتور عادل * معلش ياساره  أنتي مش هتاخري ودا مريض  وانا لولا أنك أنتي اللي عارفه حالته انا كنت خليت اي حد يعملها بس أنتي عارفه
ساره * خلاص يادكتور  هشوف والدتي  وارد علي حضرتك
دكتور عادل * ماشي ياساره  سلام وقفل وطابعا ساره مكنتش محتاجه تتكلم  لان  سعاد سمعت المكالمه
ساره * ها ياماما  أمشي ولا لا
سعاد  مردتش
ساره  راحت جنبها وباستها من خدها وقالت باسف سامحيني  بقي يا سوسو  والله  مكان قصدي انا خوفت عليكي تتعبي
سعاد * مش وقته الكلام ده  هتعملي ايه في اللي قاله دكتور عادل
ساره * لازم أروح لان مفيش حد عارف الحاله الا انا ودكتور  عادل  قبل ما يسافر أداني كل التقرير بتاعته وقالي أتابع معاه بس لو مش عايزاني أروح خلاص
سعاد * لا مينفعش متروحيش دا مريض روحي  بس خلي بالك من نفسك وال أقولك انا هاجي معاكي مش هستنا لما أنتي كمان تتخطفي
ساره * ملوش لازم تتعبي نفسك انا هروح ومش هعوق وكمان هخلي عمي محمد  يوصلني ولما أخلص هرن عليه ييجي ياخدني بس
سعاد * اللي قلته هو اللي هيتنفذ روحي أجهزي يله
ساره * حاضر  بس انتي متزعليش مني وباست راسها
سعاد * انت عارفه أني مش بزعل منك ياساره  بس أدايقت من أنك تخبي عاليا حاجه  زي كده  عموما مش وقته الكلام ده يله عشان متتاخريش
ساره خرجت وبسرعه جهزت نفسها ولبست درس زيتي ضيق من الوسط وواسع من تحت وعاليه خمار ونقاب زيتي بس درجه أفتح وشنطه سودا  وكوتشي أسمر كانت جميله بمعني الكلمه وجهزت حاجتها اللي هتحتاجها في الجلسه  وخرجت  نهاية الفلاش باك
سعاد * مالك ياساره هتفضلي متخشبه كده كتير
ساره * ها لا هدخل  اهو
سعاد * طيب يله مستنيه ايه
ساره  راحت للسكيورتي
لو سمحت انا جايه لبشمهندس عز ممكن تبلغه اني وصلت
السكيورتي*  أقوله مين حضرتك
ساره* قوله دكتوره ساره جمال
السكيورتي * حاضر  يافندم  وبلغهم بالاسلكي وفاطمه اذنتلهم بالدخول لان دكتور عادل قالهم أنه هيبعت دكتور  وأكيد هي دي
السكيورتي * أتفضلي  يا فندم وساره ومامتها دخلوا وسارة انبهرت بجمال القصر من بره فمبالك من جوه عامل أزاي  وقالت ماشاءالله  في نفسها وسعاد نفس الكلام وقالت لساره
سعاد * ساره طيب انا هستناكي في الجنينه  دي وانتي أدخلي عشان مينفعش أدخل معاكي كده
ساره * حاضر ودخلت وأستقبلتها فاطمه  بابتسامه
ساره * السلامه عليكم
فاطمه * وعليكم السلام  أزيك ياساره
ساره  باستغراب انها عارفه اسمها ولكن ردت * الحمد لله
فاطمه * متستغربيش انا عارفه أسمك عز حكالي اللي عملتيه معاه وبصراحة  بشكرك  جدا
ساره بابتسامه * مفيش شكر دا واجبي  هو بشمهندس  عز جاهز للجلسه
فاطمه * عز جاهز بس انتي أشربي حاجه  وبعدين شوفي شغلك
ساره * شكر ملوش لازم لان ولدتي معايا ومينفعش أخر عليها
فاطمه * والدتك معاكي  هنا يعني ولا هتستناكي في مكان
ساره بخجل *  بصراحه  هي جات معايا هنا وبستاذن من حضرتك يعني تفضل في الجنينه  لحد ما خلص
فاطمه  بزعل* ليه ياساره  كده مامتك تقول علينا أيه أتفضلي أقعدي  وانا هروحلها
ساره * مفيش داعي حضرتك
فاطمه  بحزم * أسمعي الكلام
ساره * حاضر
فاطمه مشت تجيب سعاد وساره قعدت علي الانتريه وبتبص علي المكان وكان شكله جميل  فعلن ويجذب اي حد وتمتمت في نفسها  مشاء الله 
وبعد شويه  فاطمه  جات ومعاها سعاد
فاطمه * أتفضلي اقعدي وانا هنادي لعز الدين  ومشت
سعاد *  ست ذوق والله 
ساره * باين عليها انها جميلة  وطيبه وقطع كلامهم دخول عزالدين  وفاطمه  وساره وسعاد قاموا
عزالدين بابتسامه * السلامه عليكم
ساره وسعاد * وعليكم السلام
ساره * أزيك يا بشمهندس عزالدين
عزالدين * الحمد لله ياساره أنتي عامله أيه
ساره * الحمد لله بخير
عزالدين *يديم حمدك  وكمل بابتسامه *  دي ولدتك يا ساره
ساره * أيوه
عزالدين * أزي حضرتك
سعاد * الحمد لله يا بشمهندس  معلش اسفين جيت مع ساره من غير استاذان بس مكنش ينفع أسيبها لوحدها
عزالدين * متقوليش كده  دانتوا شرفتونا
سعاد أكتفت بابتسامه وساره قالت طيب يا بشمهندس   حضرتك جاهز نبدا
عزالدين * أيوه يا ساره جاهز بس الاول خدو  ضيافتكم
ساره* ملوش لازم مره تانيه بس لازم نبدا عشان مناخرش
فاطمه * والدتك معاكي وان شاءالله  مش هتاخري اشربي العصير بقي وأبداي ولفت ل سعاد  وقالت  أشربي يا مدام سعاد  العصير بتاعك 
عند  ياسين  راح الشركه وملقاش زين وقلق لما سكرتيرة سيف قالت انه غاب وكمان خروج سيف بسرعه  زين بالعاده مش بيغيب وطلع فونه ورن علي زين مردش ودا قلقه أكتر وجرب مره كمان وبرضو نفس الكلام ورن علي سيف رد
ياسين  بلهفه* انت فين يا سيف وزين ماله مش بيرد  وسكرتيرتك قلتلي انك خرجت وكنت مكروب في ايه
سيف بحزن*  وانا في المكتب جالي تلفون  وكان من حد من العمال وبلغني أن المصنع  بتاعنا الجديد حد حرقه
ياسين  بصدمه * ايه طيب حد أتصاب العمال كويسين
سيف* الحمد لله  كلهم كويسين  اللي ولع ولع في وقت الاستراحه بتاعتهم مكنش فيه حد في المصنع
ياسين * طيب الحمد لله  بس مين هيكون   عمل كده
سيف * مش عارف بس لو عرفت هو مين مش هرحمه
ياسين * أنت قلت لزين
سيف* لا
ياسين * طيب كويس انا جيلك خليك عندك متمشيش وقفل ونزل بسرعه ومشي لسيف
في مكتب شريف المحمدي
كان بيكلم حد في الفون وبيضحك  وبيقول بشر  وريني بقي يا زين هتورد الصفقه أزاي بعد المصنع ما تحرق
عند حازم بعد ما مشي هو ومحمد وأدهم وزع عليه المهمات وكل واحد قام بدوره وحازم جمع المعلومات عن المقنع وعرف معاد العمليه وعرف كمان انهم بيدوروا علي سيلاه وفريده ودا قلقه جدا وقرر يتصرف
عند  فريده وسيلاه
فريده وسيلاه بفرحه *مش معقول وكل واحده فيهم جرت لحضن واحد وطابعا كانوا أخواتهم زين وسليم
سيلاه * وحشتني أوي ياسليم  وماما وساره كلكم وحشتوني
سليم  بفرحه * وانتي وحشتينا برضو يا لمضه ماما وساره هيفرحوا لما يعرفوا أنك بخير  قوليلي  انتي كويسه حد عملك حاجه
سيلاه * أنا كويسه  جدا ومفيش حد عملنا حاجه
سليم  براحه * الحمد لله
فريده  بفرحه ودموع* وحشتني أوي يا أبيه
زين ضمها اكتر لحضنه وبيقول بفرحه* وانتي  وحشتيني أكتر يا قلب أبيه متتخيليش يا فريده انا كنت خايف قد ايه الحمدلله  انك بخير
فريده   بفرحه * معقول انا قلبك يا أبيه
زين بضحك* يعني سبتي كل ده ومختيش بالك الا من قلب ابيه
فريده  بغباء ومرح* اي ده وكمان بتضحك  لا انا هتخطف علي طول عشان تضحك كده
زين * ماشي يا لمضه  لما نروح وزين مسك ايد فريده وهيخرج وكمان  سليم مسك أيد سيلاه وهيخرج هو كمان بس  ظهور حازم فاجئهم
.زين* انت بتعمل ايه هنا يا حازم
سليم * حازم
فريده وسيلاه  باستغراب * هو أنتوا عارفينه
حازم *  أقعدوا
زين بهدوء مريب * نقعد  طيب هنقعد بس ممكن تفهمني ايه اللي جابك هنا او بمعني أدق تعرف منين
حازم * انا اللي كنت خاطفهم زي ما بتقوله أو بمعني أصح كنت بحميهم
سليم * خاطفهم ازاي وبتحميهم أزاي  فهمني
حازم* هفهمكم وبدا يحكي وقالهم علي المقنع وانه كان هيخطف سيلاه وفريده  بسبب الفيديو  اللي صوروه والصور  وأدهم ومحمد أنقذوهوا وجابوهم هنا وقالهم ان المقنع بيدور علي سيلاه وفريده واكيد مش هيسكت غير لما يوصلهم  وأخير بس هو دا اللي حصل
سليم* طيب وانت عرفت منين أنهم أخواتنا  *
حازم  أفتكر لما رجع هو ومعتز وبد يحكي فلاش باك
حازم*  فين البنات  يا أدهم أوعوا يكون حد جراله حاجه
أدهم* عيب عليك يا باشا مفيش واحده فيها ختش
حازم بابتسامه * كويس الحمد لله أنك وصلتلهم في الوقت المناسب
معتز  بصدمه وقال برعب* بس فيه حاجه  مش كويسه خالص
أدهم وحازم بصوا علي معتز وكان ماسك شنطه وفي ايده بطاقه
أدهم * هو اي اللي مش كويس يا باف انت
معتز وهو بيشاور بالبطاقه*دي ياخويا عارف مين اللي جو دي
حازم * انت هتنقطنا هات البطاقه دي ومين اصلا سمحلك تروح لحاجه من حجاتهم
معتز* ياخويا اسكت لما نشوف الوكسه اللي احنا فيها دا زين المالكي مش هيخلي فينا واحد سليم
حازم  باستغراب * وزين اي جاب سيرته دلوقتي
معتز * في بنت منهم أسمها فريده عزالدين محمد المالكي عارف لو طلعت أخت فهد الاقتصاد   مش هيسمي علي حد
حازم  *أخد منه البطاقه وقال في نفسه يمكن تشابه أسماء  *وقال لمعتز شوف بطاقة البنت التانيه معتز طلعها وقراء الاسم* سيلاه جمال أبراهيم الشاذلي
حازم * لا كده لازم أتاكد لان لو فعلن صح ومش تشابه اسماء يبقي الاتنين اخوات اعز أصحابي وزاي مانتا بتقول يامعتز لو طلعت فريده اخت زين يبقي  ربنا  يستر
أدهم* طيب هنعمل ايه
حازم * هنعمل كده ورن علي حد عارفه في السجل وطلب منه يكشف علي الاسماء دي وقاله الاسماء وبعد شويه الراجل رد وطلع فعلن أسمائهم صح مش مجرد تشابه أسماء
معتز * وهنعمل ايه زين لو عرف ان أخته اتخطفت هيقلبها مجزره بس الحمد لله  مش انا اللي جبتها
أدهم بغيظ*  تعرف تسكت وقال لحازم هتعمل ايه خصوصا  بعد ما طلعت تعرفهم
حازم * أكيد  هحميهم من المقنع الامر مش هيختلف بس اللي خايف منه زين لانه مش هيسكت وكمان انا مش هقدر  اخبي عليه ولا هقدر  أرجع أخته خصوصا  ان المقنع  أكيد  هيدور عليهم
محمد * طيب والحل هنقلهم ازاي
حازم *هقولكم
نهاية الفلاش باك
حازم *  خليت أدهم يكلمكم  تيجوا وبس والباقي بقي انتوا عارفينه
سليم * ولسه فاكر تقولنا يا حازم انت متعرفش التلات ايام اللي فاته عدو علينا ازاي
حازم * انا اسف يا سليم بس مكنش قدامي غير كده ودا كان لسلامتهم أولا وسلمتكم أنتوا كمان
زين بغموض*  ومين المقنع ده
حازم * زين المقنع ده حسابه معايا مش معاك أختك رجعت سليمه وخلاص
زين * انا قلت كلمه ياحازم وانت عارف لو عايز اجيبه  هجيبه بس عشان مهمتك هسبهولك بس قبل ما تسلمه يكون عندي ودا اخر كلام يله يافريده
حازم * زين أنسه فريده  مش هينفع تروح معاك لو ينفع كنت هروحهم من لما عرفت
زين* حازم انا جدير بحمايت أختي وانت عارف كده كويس
حازم * عارف يازين بس لو انت اختها الضرر مش هيكون عليها هيا بس لا هيكون علي كل عيلتك
زين* شوف يا حازم انا مش بحب اعيد كلامي مرتين  بس فيه تعديل بسيط هيحصل
حازم * ايه هو
الي هنا وانتهي البارت مابين حب  ..... تمرد..... وكبرياء.... تحدي..... أنتقام ..... تعارف
ياتري زين هيعدل ايه في كلامه وهل هيقدر يحمي فريده  وياتري هيكون ايه رد فعله لما يعرف اللي حصل في المصنع وهل ممكن يعرف اللي عمل كده ولا مش هيعرف
ولا لا حازم هيقدر يخلص المهمه بنجاح ولا حماية فريده هتكون عائق
فاطمه وسعاد  هيكون ايه رد فعلهم لما يعرفوا أن بناتهم بخير
ساره ايه هيحصل معاها في قصر المالكي وهل ممكن تقابل زين ولا لا
ياسين وفريال  ايه الجديد في حياتهم وهل فريال ممكن تحب ياسين وهل ياسين ممكن يكون  بيحب فريال ولا هيطلع مجرد أحساس
سيلاه وفريده هتكون ايه حكايتهم معانا وهل هيوافقوا يبعدوا عن اهلهم ولا هيقرروا يحموهم