روايه جمعنا القدر صدفه

البارت الخامس عشر😘

رواية جمعنا القدر صدفه  البارت الخامس عشر
بقلمي/ ...🌻🥀🌻(منار عبدالسلام سعد)🌻🥀🌻...
صلي علي خير الانام سيدنا محمد  عليه أفضل الصلاة والسلام
سبحان الله،،،، والحمد لله... ولا اله الا الله
عند ساره
سعاد بصدمه * كل ده يحصل وانا اخر من يعلم ليه مليش لازمه وكمان لولا اني ضغط عليكي مكنتيش هتقولي ويعالم كنتي هتقولي قمته
ساره بدموع * يا ماما أسمعيني بس انا خفت أقولك تتعبي و
سعاد  بمقاطعه * بس أسكتي مش عايزه اسمع حاجه  وسليم انا هعرف أتكلم معاه أتفضلي علي اوضتك
ساره  قامت وباست فوق راسها وبتقول  برجاء * سامحيني  والله  مكان قصدي اخبي بس انا حقيقي خفت عليكي
سعاد  * خوفك عليا مش مبرر يا ساره أنك تكدبي عليا وكمان تطلعي تقفي مع شباب احنا منعرفهمش علي العموما الكلام ده مش وقته لما أطمن علي اختك الاول ساعتها يبقي ليا كلام تاني
ساره  متكلمتش  وقامت بهدوء  ودموعها نازله ومش عارفه تعمل ايه ولا تصالح مامتها ازاي وهي رافضه تسمعها في الاخير مامتها معاها حق مكنش لازم تخبي بس هي خبت بدافع الخوف عليها  ونزولها ورا زين والشاب التاني لانها غلطت وكانت نازله تعتزر واتنهدة بحزن وقامت أتوضت وصلت الضحي ومسكت المصحف وبدات تقراء قران عشان تهدي شويه
عند سعاد بعد ما ساره طلعت رنت علي سليم ومش بيرد وقلبها بقي مقبوض ومش عارفه ليه وبتدعي ان ولادها يكونوا بخير  وقامت  تصلي وتدعلهم هو ده اللي المفروض تعمله
عند فريال
فريال   بفرحه* يعني أنت جوزي
ياسين  بهدوء * أيوه
فريال * طيب هو أحنا عندنا بيبهات
ياسين  في نفسه ياربي أعمل ايه أصلا انا لقيت لساني نطق الكلمه من غير تفكير ومقدميش غير اني أكتب عليها فعلن* وفاق علي صوت فريال * انت سرحت في ايه
ياسين * لا مسرحتش كنتي بتقولي ايه
فريال * كنت بقولك  عندنا بيبهات
ياسين  بهمس وسخريه بيبهات مش لما نتجوز ورد بخفوت لا معندناش عشان احنا لسه متجوزين من فتره صغيره
فريال  جات تتكلم بس حست بصداع وحطت ايدها علي دماغها وياسين جري عليها وقال بخوف مالك حاسه بايه
فريال * راسي وجعتني فاجئه
ياسين * عشان أتكلمتي كتير  يله بقي نامي شويه لحد  ما ييجي وقت الدوء
فريال * هو احنا هنقعد هنا كتير
ياسين * لا شويه بس لحد ما تخفي نامي بقي وانا هروح اعمل حاجه وهاجيلك
فريال  مسكت أيده وقعدته علي السرير جانبها وياسين  بيبلع ريقه بصعوبه وعايز يقوم فريال  مش في وعيها بس هو واعي ومستحيل يخليها تغضب ربنا وجه يقوم فريال أعدته  تاني وبتقول  * خليك معايا  متمشيش
ياسين نزل أيدها بهدوء وبيقول بمرح يداري أرتباكه* ياستي  دانا رايح مشوار صغير وراجع مش هعوق وهجبلك شكولاته  معايا سبيني بقي
فريال  * ماشي روح وانا هنام لحد ما تيجي وياسين مشي  وفريال نامت
عند سيد  كان قاعد ومعاه المعلم جمعه
المعلم جمعه * هو كلام عيال ولا ايه يا سيد لا مش انا اللي تستغفلني ومش بعيد
كمان تكونوا طابخينها مع بعض وتلبسوني انا العمه 
سيد * يامعلم  والله  ولا أستغفلتك ولا حاجه  ولا أعرف اصلا مين ده.
المعلم جمعه * متعرفوش  تعرفوا ياما تجبلي أختك يا ام تجبلي فلوسي
سيد بمهاوده * استهدي بالله  يا معلم الفلوس انا صرفتها واختي هجبها متقلقش انا بدور عليها وهجبها راكعه تحت رجلك وتطلب السماح
المعلم جمعه * ماشي وتحمد ربنا أني لسه شاريها بعد ماشوفنا اللي شوفناه
سيد  بغضب ووعيد *  هجبها يا معلم وهتشوف
عند  ياسين بعد ماخرج  من عند فريال وقف شويه يستوعب اللي حصل  ودخل في صراع بين قلبه وعقله
العقل * انت ليه قلتلها كده هو انت تعرف عنها حاجه
القلب* كفايه  أني مرتاح وانا معاها وبكون مبسوط
العقل مرتاح دانت عارفها من كام يوم بس وتروح تقولها انا جوزك
القلب * حسيت انها ملكي ومش هسبها لحد غيري فقلتلها جوزك وكمان انا حاسس باعجاب نحيتها
العقل * أعجاب ايه هما ٣ مرات اللي شوفتها فيهم وأعجبت بيها انت غبي وهتضيعنا صلح كلامك بقي
القلب* هوفي بكلامي مش هصلحه انا هتجوزها وهفضل جانبها لحد ما تشفي وبعدين هي تختار
العقل * وليه العذاب ريح نفسك  من دلوقتي أنت متعرفش عنها حاجه  مش يمكن هي اللي عامله عليك الفيلم ده
القلب * لا طابعا وهي هتعرف منين اني هروحلها  وبعدين انا خلاص قررت هتجوزها  يعني هتجوزها وهجبلها حقها
العقل * براحتك بس مترجعش تندم وتبكي لما تجرحك وتنسي اللي عملته  ياسين  حط ايده علي راسه وقال كفايا خلاص انا هتجوزها وهحميها اي ان كان التمن ومشي علي الشركه لزين 
عند زين وصل المكان  اللي الراجل قال عليه ووقف شويه  ولقي شخص جاي عليه وقال باختصار * يله معايا
زين بعدم فهم* معاك فين معلش
الراجل* اي مش عايز تشوف أختك
زين في الاول مكانش عارف هو مين بس لما قال اختك هجم عليه وأدله بالبوكس في وشه  والراجل قام تاني وزين بيضرب. بمهاره وبيقول بغل اختي فين أنطق وانت مين أصلا أتكلم
الراجل بتافاف*علي فكره انا اقدر أرد الضرب ده  بس الباشا منع أني أقربلك وعشان كده مش هعملك حاجه واختك كويسه وخلص بقي أتفضل نمشي ولا مش عايز تشوفها
زين بغضب ووعيد * همشي والباشا بتاعك ده انا هوريه هعمل ايه فيه مش زين المالكي اللي حد ييجي علي حاجه تخصه ويسكت وحط نضارته بغرور وكبرياء   وقال باختصار   أركب العربيه أهي
الراجل* احنا هنمشي بعربيتي  انا دا اولا ثاني بقي انت مش هتمشي كده لازم تحط القناع ده
زين* نعم
الراجل لنفسه لا دا هيرفعلي الضغط مش كفايا وشي اللي بقي شبه افايا من الضرب أحسن حاجه  اللي هعمله  وفاق من تفكيره وبحركه سريعه طلع بخاخه ورش علي وش زين  وزين قاوم المخدر وبعد شويه أتخدر والراجل سنده وبيقول بزهق* ياربي هو ده انسان دا شبه ابو الهول دانا بطولي ده وزي أبنه ودخل زين العربيه وحطله قناع علي وشه وفونه رن وقال بضيق خلصت ياباشا يرب طرده عني بعد أم العمليه دي ياعني ملقتش الا انا وتوديني  دكان هيموتني  هو أخو البنت التانيه جه ماشاء الله من بدري كمان  مانتا بعتني لبو الهول ده  ماشي انا جاي يله سلام بقي وقفل  وبص علي  زين  وبيتمتم بغضب فرهتني   ربنا يعدي اللي جاي علي خير ومتقتلنيش
عند  ساره  بعد ما سابت مامتها دخلت الاوضه بتاعتها وعيطط كتير ومضايقه انها زعلت مامتها ومش عارفه تصالحها أزاي  وقلقانه عشان بترن علي سليم مش بيرد ومش عارفه تعمل ايه وبتدعي بدموع وقامت تشوف مامتها
عند حنين كانت  في أوضتها  قاعده علي السرير بطبق هدومها وشافت اللبس اللي كانت لابساه في النادي  وافتكرت سليم  وأبتسمت تلقائي  وقلبها دق فجائه  وحط ايدها عليه وبتقول باستغراب انا مالي كده ليه بفكر فيه وليه كل ما افتكره قلبي يدق  وهزت دمغها وبتقول  لا لا ياحنين فوقي مينفعش تفكري فيه كده حرام وكمان خلاص موقف وعد  يارب لا تعلق قلبي الا بك ياربي اللهم  اني  أستودعتك قلبي فاحفظه ياربي سامحني يارب غصب عني والله  وفونها رن وكانت خلود بنت عمتها وردت بفرحه خوخه عامله ايه
خلود * الحمد لله  يا حنون انتي عامله ايه  يا يا قلبي  وحشاني  يا بت والله
حنين  بهزار * قلبك يا نصابه أمال أستاذ خالد  ايه فشتك
خلود بضحك ورومانسيه* لا خالد دا روحي وعمري وحياتي كلها
حنين  * سيدي ياسيدي فين خالد بقي يسمع  وبعدين  يا بت الراجل بيحب البنت المسيطره مش المدلوقه
خلود * لا أنتي  متعرفنيش دانا مسيطره وظبطاه علي المستره كمان
حنين  بضحك * جدعه
خلود * شوفتي المهم بقي يا حنون بكره نازله اجيب فستان الفرح بتاعي وعايزاكي تيجي معايا ومش هقبل بحاجه  غير أوكيه  وانتي حره بقي
حنين  * أنتي بتهدديني يابت طب مش ماشيه
خلود   بخبث*  طيب اصلا بصراحه  انا قولت اللي تنقي الفستان معايا ليها هديها حلوه طقم علي حسابي وقلت بقي بنت خالي أولا وكمان ليها طبقين مشكلين من كحك الفرح
حنين * معاكي حق انا أولا فعلن انا  أقدر أرفضلك طلب يا خوخه يا قمر طابعا موافقه بخلاف الطقم أهم حاجه  الكحك 
خلود *  رشوجيه  هعدي عليكي الصبح نمشي ماشي
حنين * ماشي هقول لماما و هبعتلك علي الوتس باليل  ماشي
خلود * ماشي ياقمر هستناكي يله سلام بقي عشان زوجي قرة عيني بيرن عليا
حنين * ماشي ياختي سلام وقفلت
في قصر المالكي
في الليفنج فاطمه  كانت قاعده هي وعزالدين وفجاه عزالدين  حس بالم في رجله وحط أيده عليها وفاطمه  شافته وقالت بخوف * مالك ياعز أنت كويس
عزالدين * رجلي بس وجعاني شويه
فاطمه * انا أسفه انشغلت بفريده  ومهتمش بعلاجك سامحني  يا عز
عزالدين بابتسامه * أنا مزعلتش منك عشان اسامحك يا بطه وبعدين  فريده بنت ومن حقك تزعلي عليها وانا كنت باخد الدوء بس رجلي وجعاني عشان الجلسات أتاخرت
فاطمه * طيب يله نلبس ونروح نعملها
عزالدين * مش هينفع دلوقتي نمشي لما نطمن علي فريده
فاطمه  بقلق* لا ياعز رجلك وجعاك بس انت بتكابر أحنا هنرن علي دكتور عادل  ونخليه ييجي يعملها
عزالدين  عارف ان فاطمه مش هتسيبه فقال باستسلام * موافق
فاطمه  قامت جابت الفون ورنت علي دكتور عادل وعزالدين كلمه  وقفل
فاطمه * ه جي ولا هنروحله
عزالدين * ولا جاي ولا هنروحله
فاطمه * يعني ايه
عزالدين * دكتور عادل مسافر بره مصر في موتمر بس قال هتصرف وهيبعت دكتور يعملها 
فاطمه * طيب
في مكان الراجل المجهول  كان قاعد  علي الكرسي مكانه ومربوط وبيدرس المكان بمهاره عاليه وبعيون صقر جارح وبيقول بشر  أقسم بربي لندمه علي كل حاجه  وهعرفه تمن اللي عمله كويس أوي  بس ألاول أخرج من هنا المشكله  أن المكان كله محاصر بجهازات انظار بس علي مين انا اختركت أجهزة أمن أعلي من كده وهقدر أخترك ده كمان وبعديها اخلص مهمتي وارجع لولادي  وغمض عيونه وبيمسك دموعه عشان متنزلش  وبيقول  بتسال ياتري يابنتي  عامله ايه  دلوقتي  وأخواتك لقوكي ولا لا
في الجامعه عند  هاجر  كانت قاعده وحاسه بملل وزهق عشان ساره مش موجوده وقررت تروح الجامع تقراء شويه وهي ماشيه شافت سالي جايه عليها  ولابسه خمار فقالت بابتسامه  أهلا بالقمر بتاعنا اللي غايب
سالي* أديني جيت أهو
هاجر * شرفتي عامله ايه
سالي * الحمد لله  بخير
هاجر * يارب دايما مبارك الخمار  بجد فرحت لما شوفتك بيه لبستيه قمته 
سالي * لا دا موضوع طويل هحكهولك بس الاول ساره فين غريبه يعني ماشيه لوحدك
هاجر بزعل *  ساره ربنا يقويها علي الابتلاء  أختها سيلاه بالقها يومين مختفيه مش لقينها ومش عارفين راحت فين وساره مرعوبه علي اختها
سالي  بزعل *  ربنا يرجعها بالسلامه  انا والله  مكنتش اعرف هرن عليها بعد مروح ان شاءالله
هاجر * ماشي  تعالي انا كنت رايحه أقراء شويه وبالمره نصلي ركعتين وندعي لسيلاه ربنا يرجعها بالسلامه
سالي * ماشي يله
في كلية  الهندسة  أصحاب فريده وسيلاه كانوا قاعدين زي العاده مع بعض وبيتكلموا
أيه * يابنات محدش يعرف فريده  وسيلاه  مالهم مش بييجوا الكليه بقالهم يومين
ضحي* لا معرفش وكمان مش بعاده يغيبوا من الكليه
أميره * أوعي يكون حصل حاجه  يخرابي
ضحي وأيه باستغراب * بتنوحي ليه
أميره * من يومين لما خلصنا الكليه والدكتور طلب نصور ورق أحنا كالعاده كسلنا عشان تعبانين ومرحناش وسيلاه وفريده راحوا
أيه * أيوه في ايه بقي في دي
أميره * مانا جايالك
ضحي بنفاذ صبر * متخلصي يا أميره  أنت هتنقطينا
أميره * طيب من غير متتعصبي وبدات تحكي وقلتلهم علي اللي حصل  وسؤال زين علي فريده بس هو ده كل اللي حصل
أيه*   وانتي يا زفته لسه فاكره  تقولي دلوقتي
أميره * مش عارفه  أهو اللي حصل وبعدين  أنا قلت يمكن أتاخروا في المكتبه واخروا لما رجعوا  فعشان كده مقلتش حاجه 
ضحي * طيب هما ممكن يكون جرالهم حاجه
ايه البابقلق * مش عارفه انا برن علي سيلاه مش بترد وكمان فريده 
ضحي * ربنا يستر أحنا نروح نسال عليهم في البيت هما برضو أصحابنا منه نطمن ومنه نريح نفسنا من التفكير
أميره وايه * معاكي حق
ضحي * طيب تعالوا نحضر أخر محاضره ونروح ونشوف هنمشي قمته
عند  فريده  وسيلاه  كانوا قاعدين زعلانين
فريده * وبعدين يا سيلاه هنفضل قاعدين هنا لقمته  ومش عارفين أيه السبب انا بدأت  اخاف ولا لما حازم  شاف الكام وأتكلم مع الناس اللي معاه  انا اترعبت
سيلاه * بصراحه  وانا خوفت شويه بس زعلي علي اهلي نساني خوفي
فريده بدموع * بابا وماما  وحشوني أوي والواد سيف رغم انه بيرذل عليا بش وحشني وابيه زين كلهم وحشوني أوي
سيلاه * خلاص يافريده  متعيطيش انا ماسكه نفسي بالعافيه والله هعيط انا كمان ونعمل فيضان هنا ونهرب ايه رايك
فريده  ابتسمت  وسيلاه  كملت بتنهيد وانا كمان أهلي وحشوني رغم أنهم يومين بس حاسه وكانهم ملايين  فعلن الحمد لله  على  نعمة  الاهل
فريده * سيلاه هو ليه حازم طلب البطايق بتاعتنا ولما شافها أتصدم  وقفل التلفونات  بتاعتنا
سيلاه * مش عارفه بصراحه  والباب خبط 
فريده *  لسه فيه اي تاني
سيلاه  * خلينا نشوف * ادخل والباب أتفتح وفريده وسيلاه مع بعض بفرحه مش معقول
توقعتنا بقي يا سكاكر
ياسين  كده هيتجوز فريال ولا ايه اللي هيحصل  وهل فعلن ممكن يندم علي قراره ده
زين وسليم  أيه مصيرهم
فريده وسيلاه  مين دخل عليهم وايه  مصيرهم
ساره هتصالح والدتها ازاي وايه الجديد في حياتها وهل ممكن تتاذي بسبب سيلاه
سيد ممكن يصل لفريال ولا لا
فريال ايه الجديد في حياتها وهل هتفضل فاقده  الذاكره  ولا ايه اللي هيحصل
رواية جمعنا القدر صدفه
بقلمي/《°♡°{ منار عبدالسلام سعد }°♡°》🦋🥀💮❤️

تشجيع بقي وكومنتات  يا عسليات وقولولي تواقعاتكم بقي