روايه جمعنا القدر صدفه

العمليه👨‍✈️

🌻رواية جمعنا القدر صدفه 🌻
البارت  الثامن عشر🌸💮
بقلمي *¥£ منار عبدالسلام سعد
نصيحه
سامح عشان  ترتاح 😴
أنسي عشان تعرف تضحك😆
أسكت ومتتجادلش كتير  عشان صحتك  يا كبير 🤫
أتجاهل عشان مفيش حاجه  تستاهل  تعكنن مزاجك 😏
وأصبر وخلي ثقتك بالله  ملهاش حدود😉
وأخير
النفس الطيبه  لا يملكها الا الشخص الطيب والسيره الطيبه  هي أجمل ما يتركه الانسان  في قلوب الاخرين. ومن تسبب في أفراح مسلم  فرحه الله  بدخول الجنه
قبل ما أبدا  البارت ياريت فضلا وليس أمرا  تصويت وكومنت حلو كده تشجيع يا حوريات الجنه
رغيت كتير معلش هروق عليكم في البارت. دمتم سالمين
في صباح يوم جديد علي ابطالنا
ساره  صحيت صلت الضحي وبتقول الاذكار
الحمد لله  الذي  أحيانا بعد ما امتنا واليه النشور
بسم الله  الذي لا يضر مع اسمه شيء في الارض ولا في السماء  وهو السميع العليم (٣مرات)
أعوذ بكلمات الله التامات من شر ما خلق( ٣مرات)
رضيت بالله ربا  وبالسلام دينا وبمحمد  صلي الله عليه وسلم نبيا (٣مرات)
اللهم  صلي وسلم وبارك علي نبينا محمد( ١٠مرات)
وقالت أيه الكرسي وأخر أيتين من سورة البقرة  ودعت لسيلاه  وسبحت شويه وقامت تلبست
عند  زين قام زي كل يوم لعب رياضه شويه جري وكرتيه وملاكمه وافتكر ساره وكلامها امبارح  وغضب وبقي يذود في الضرب لحد ما الباب خبط  لبس تيشرته وفتح وكانت فاطمه
زين وهو بيبوس راسها* صباح الخير يا امي
فاطمه * صباح النور  يازين اخرت ليه يله عشان  تفطر وانا هروح اصحي سيف وفريده وبترت كلمتها وافتكرة ان فريده مش موجوده وعيونها دمعت زين اخدها في حضنه وربط علي ضهرها وقال بهدوء كفايا دموع يا امي انا قلتلك فريده  كويسه انا بنفسي شوفتها ليه مش عايزه تصدقي
فاطمه *  طيب لو اختك كويسه وشوفتها ليه مجبتهاش معاك
زين* لو جبتها هيكون خطر علي حياتها  وعلي حياتنا كلنا لو عوزاها انا ممكن اجبها دلوقتي بس أنتي هتكوني مرتاحه وهي عليها خطر
فاطمه * لا انا مش عايزه غير اشوفكم مبسوطين  ومرتحين في حياتكم
زين * طيب يبقي تمسحي دموعك دي ومتبكيش تاني وانا هجبها لحد عندك ودا وعد من زين المالكي (ابو غرورك)
عند حازم كان قاعد وسرحان وجه عليه معتز وأدهم ومحمد  وكل واحد شايل حاجه وكانوا هياكلوا
معتز بمرح* ايه يا باشا فمين صافن هيك
أدهم بضحك * مالك يامعتز قلبت خليجي دا تاثير الفهد ولا ايه
معتز  وهو بيمثل الخوف* أسكت متفكرنيش دانا قلبي كان هيقف بس الحمد لله  عدة علي خير
محمد بضيق *  حقك يا خويا تقول عدة علي خير منتا مجربتش
أدهم بضحك*  معاك حق دا خلي وشك خريطه سياحيه ملهاش معالم
محمد  لحازم* عاجبك كده  تقولي متقربلوش ودول  يحفلوا عليا
حازم * معلش بقي  عندي دي
محمد  بمرح* عشان خاطرك بس  وعد الجمايل
حازم * ماشي يله بقي عشان نشوف هنعمل ايه
عند حنين صحيت من النوم قالت الاذكار وصلت ولبست وكانت لابسه درس بالون البنفسجي  و فيه نقط سمر وخمار من الالونين وكوتشي أبيض كانت جميله أوي بالرغم من أنها مش حاطه اي ميكب الا أنها كانت جميله بطبيعتها ونزلت تحت ولقت عائشه قاعده علي السفره  راحت عندها وباست علي راسها وقالت بمرح صباح الورد والفل والياسمين  علي عيونك يا أحلي الحلوين
عائشه بضحك * صباح  النور  يا  بكاشه 
حنين  بتزمر* كده يا عايشه  يعني ادلع فيكي وتقوليلي بكاشه لا ملكيش حق أهي أهي قلبي الصغير لا يحتمل
عائشه * خلصتي
حنين * ايوه
عائشه  بضحك* طيب يله  افطري زمان خلود جايه 
حنين * ماشي  دايما  قفشاني كده
عائشه * بنتي وانا عارفاكي
حنين * ربنا  يباركلي فيك يا قمري وحنين فطرت  وخرجت لخلود
عند  ساره  لبست أدناء بالون النبيتي وخمار ونقاب بالون الاسمر وكوتشي أبيض  وخرجت لقت سليم وسعاد  قاعدين علي السفره  فقالت بابتسامه* صباح الخير وراحت لمامتها وباست ايدها وعلي راسها
سعاد * صباح الخير يا حببتي
سليم * صباح النور يا سوسو  عندك جامعه  النهارده
ساره * أيوه  عندي امتحان هحضره وهاجي
سليم * طيب هوصلك في طريقي وانا ماشي وخلي بالك من نفسك
سعاد  * هو لازم تمشي يا ساره
ساره * أيوه أمبارح هاجر أعتزرت للدكتور والنهارده  مش هينفع أغيب تاني  لان الامتحان مهم ولازم أحضر
سليم * متخفيش يا أمي انا هوديها وهروح اجبها
سعاد  باستسلام * ماشي وربنا معاكي
عند  ياسين كان داخل لفريال  بس قبل ما يدخل خلي الممرضه دخلت عشان تشوف فريال وكده والممرضه دخلت شافتها ولقتها صاحيه وطلعت بلغت ياسين  ودخلها
ياسين  بابتسامه * صباح الخير
فريال  * صباح النور
ياسين * قوليلي عامله ايه دلوقتي  والصداع راح
فريال * الحمد لله  والصداع راح
ياسين * طيب كويسه يله بقي  عشان  تعملي الاشاعات  وبعديها تفطري
فريال * طيب بس كنت عاوزه أغير  ملابسي
ياسين * أخ انا أزاي نسيت  اسف دقايق ويكون الملابس عندك ورن علي دار أزياء وطلب منهم ملابس محجبات بكل لوزمها وأداهم العنوان  وطلب منهم يبعتوها بسرعه وقفل وفريال كانت متبعاه وعيونها عليه  وياسين  لف ولقيها كده وعيونهم أتقابلت في نظرات طويله وياسين  فاق لنفسه وقال  بندم لا ياسين أنت مش من حقك تبص عليها كده صحيح انا مش عارف أوي في الدين لكن أكيد ده حرام ولازم أتصرف وأستاذن من فريال وخرج
عند سيف فطر ومشي الشركه ووصل مكتبه  وياسين  رن عليه
سيف* أزيك  يا ياسين
ياسين * الحمد لله  معلش يا سيف مرجعتش امبارح زي ما قلتلك
سيف* حصل خير  المهم قولي بقي ايه الكلام اللي قلته أمبارح ده انا مفهمتش منك حاجه
ياسين * هقولك كل حاجه لما تيجي بس عايزك تجيلي ٠٠٠٠٠٠ وتجبلي معاك٠٠٠٠٠٠٠
سيف باستغراب*  ودول عايزهم ليه
ياسين * هتعرف بس لما تيجي انا كلمت زين وهو جاي
سيف* تمام  ماشي وانا مسافت السكه وهكون عندك وقفل وهو مستغرب كلام ياسين ولكن  جهز اللي طلبه وخرج ليه
عند ساره  وصلت الجامعه  ولقت هاجر وسالي في انظارها لانها كلمت هاجر قبل ما تيجي وقلتلها انها جايه
هاجر  بفرحه  وهي بتحضن ساره*  وحشتيني يا بت يا ساره قد البحر وسمكه
ساره بابتسامه * وانت كمان وحشتيني  يا بندوره  ولفت لسالي وحضنتها وقالت بفرحه مبارك الخمار يا سالي بجد جميل فيكي ماشاءالله
سالي * انت اللي جميله
هاجر * سيلاه عامله ايه وانتي أخبارك
ساره  بتنهيد * سيلاه كويسه
سالي *  رجعت يعني طيب الحمد لله 
ساره * مرجعتش
هاجر وسالي * ازاي يعني
ساره حكتلهم اللي حصل واللي قاله سليم
هاجر * بصراحه  مش عارفه اقولك ايه  بس يا ساره  اخوكي أكيد مش هيكذب عليكم في  حاجه  زي دي
سالي *  هاجر معاها حق يا ساره مش هيعرف يكذب  انتي ادعلها وان شاءالله  خير
ساره بابتسامه * أن شاءالله  وكملت بامتنان بجد شكر يا بنات انا كنت جايه زعلانه  ومحتاره ومش عارفه أعمل ايه بس انتوا هونتوا عليا
هاجر  بمرح * اي خدمه يا ستي وكملت بجديه وبعدين احنا اخواتك مش أصحاب وخلاص صح يا سالي
سالي  * صح انا لسه عارفاكم من فتره لكن يشهد ربنا اني بحبكم أكتر من اخواتي كمان
ساره * ربنا يباركلي فيكم ويحفظكم ليا
هاجر  بهزار*  ايه يا حاجه انتي وهي قلبتوها نكد ليه كده انا جوعت
سالي وساره * طيب وايه علاقة النكد بالجوع
هاجر * أصلا انا لما بزعل بجوع ولما افرح برضوا بجوع
ساره  بضحك * علي كده انتي مش بتشبعي
هاجر  بطريقه مضحكه * أينعم وسكتت فجائه  لما شافت دكتور اسامه واقف مع بنت وحضنها وبيضحك معاها
ساره  بصت  في الاتجاه اللي هاجر باصه فيه وعرفت سبب سكوتها وقالت بحزن علي صاحبتها يله ياهاجر نمشي المحاضره  هتبدا
هاجر  بحزن* يله
عند حازم   كان بيجهز نفسه هو والفريق لان اللوء طارق  قالهم أن معاد الشحنه النهارده  وكمان طالع معاهم اللوء فهمي ودا مش بيحب حازم وعلي طول في خلاف معاه بس حازم بيتجاهله
معتز  بضيق* يعني كان لازم ييجي معانا انا مش بينزلي من زور الراجل ده
أدهم * ولا انا وحياتك بس هنعمل ايه بقي الأوامر  ولازم تتنفذ
محمد لحازم* أنت ساكت ليه يا حازم وليه وافقت  انت مش عارف بيعمل ايه
حازم * عشان عارف سكت لو رفضت كان هيلاقي حاجه  جديده يمسك فيها ويقول اني مش بسمع كلامه ومش عايزه لكن كده هو ييجي براحته  واحنا هنعمل شغلنا وكل واحد يرجع زي مكان
كلهم* معاك حق
حازم * المهم الخطه هتمشي كالاتي * وبدا يشرح في الخطه بمنتها الدقه والاحتراف وبعد وقت خلص وقال ها حد عنده أستفسار
الفريق * لا كله تمام
حازم * يبقي نتوكل علي الله  وبتوفيق يا رجاله  وبدا يتحركوا ولكن وقفهم صوت اللوء فهمي
اللواء  فهمي لحازم * ايه هتمشي من غيري خلاص أعتبرت نفسك الكبير
معتز بهمس ل أدهم * بدانا
حازم * أظن حضرتك  عارف المكان دا أولا ثانيا انا فعلن كبير معتبرتش نفسي ولا حاجه  ها في حاجه  تاني
اللواء  فهمي بمكر* لا مفيش بس قريب هيكون فيه وخرج
أدهم* دا بيتكلم عن ايه وايه اللي هيحصل  قريب
حازم  بهدوء * متشغلش بالك يله بينا
كلهم * يله
في ألاتليه
خلود بفرحه وهي ماسكه فستان فرح كان جميل جدا كان ضيق من فوق ونازل باتساع لتحت  * أيه رايك يا خالد دا حلو مش كده  وانتي  يا  حنين  ايه رايك
خالد * جميل ياحببتي  وعليكي أجمل خشي قسيه بقي وانشوفه عليكي
حنين  * جميل  ياخوخه مشاءالله
خلود  بتردد  * لا انا هاخده كده
خالد * كده أزاي يعني خشي قسيه ياخلود واطلعي
خلود  بتزمر* يوه ماشي وراحت تقيس
خالد* شوفتي  يا حنين بتعمل ايه
حنين بضحك * معلش أستحملها قدرك بقي
خالد * علي رايك وكمل بمرح بس ايه الشياكه دي لا انا مش متعود علي كده
حنين  * مش متعود علي كده ليه كنت معفنه
خالد * بهزار  معاكي متقفشيش
حنين بمرح* أيوه كده  ناس مش بتيجي غير بالعين البني
خالد * بني ايه مش بيقوله حمرا
حنين * طب انا عيني مش حمرا عيوني بني وبعدين  أحمر  بني مش هتفرق وسكتت لما شافت خلود وخالد كمان تنح من جمالها وخلود لما شافت نظرات خالد أتكسفت وميلت وشها
حنين  بهزار * أيه ياعم روميو وصلت لفين
خالد * ها
حنين * لا دانت في مرحله متاخره الله  يكون في عونك
خلود * ها ايه رايكم
خالد * قمر أقسم بالله
خلود  بخجل* أسكت طيب أختك واقفه(فكرتو  ايه ها)
حنين * لا كملوا انا هروح أنقيلي فستان وانتوا كملوا عشان مش بحب المحن وحنين مشت  وخالد مسك خلود ودخل البروفا وقال بهمس ورومانسيه * تعرفي ياخلود مش عارف أوصفلك أنتي حلوه أزاي ربنا يباركلي فيك يا أحلي هديه من ربنا
خلود بخجل * وفيك
خالد بمرح* هو أخر ليه كده أكيد الموصلات زحمه
خلود  باستغراب * هو مين ده اللي أخر
خالد  بمرح * الشيطان   أصلا يعني انا وانتي واحدينا  ومحصلش حاجه  لحد دلوقتي 
خلود بهزار  وبتذق خالد * أخرج  يا خالد بره وبلاش قلة أدب ياحبيبي
خالد * يعني تقولي حبيبي  وعايزاني اقف ساكت بس ماشي عشان خاطرك هطلع عشان اشوف المجنونه التانيه دي  وانتي غيري وأطلعي وأداها بوسه علي الطاير وخرج
خلود * مجنون بس بحبه
الي هنا  وانتهي البارت  عايز اعرف رايكم فيه أيه اللي عجبكم وايه لا  وياريت تصويت وكومنت حلو كده تشجيع يا حوريات الجنه
توقعتنا بقي
ياتري سيلاه وفريده  مختفين فين كده وايه نهاية حكايتهم
ساره ايه الجديد في حياتها وهل هتقبل كلام زين علي طول ولا هترد
مين المقنع  ده وايه حكايته معانا وهل حازم ممكن يمسكه ولا لا
مين اللواء فهمي  ده وليه بيكره حازم وايه اللي هيعمله قريب وهل دا يخص حازم ولا حد تاني
ياسين  طلب ايه من سيف وسيف هيروحله فين وسيد فين كده وهل هيسكت ومش هيدور علي فريال ولا ايه اللي هيحصل