روايه جمعنا القدر صدفه

بداية الجد😏

رواية جمعنا القدر القدر صدفه🤗🤗
  البارت الثاني عشر ❤️❤️❤️❤️❤️
بقلمي/♡*《 منار عبدالسلام سعد》*♡
بسم الله عليه توكلت وهو رب العرش العظيم
فريال بصدمه* انت أقصد دكتور ياسين حضرتك  بتعمل ايه هنا
ياسين * هكون بعمل ايه كنت ماشي وشوفتك  وانت بتعيطي قليلي في ايه
فريال  بتوتر* ها لا انا مكنتش بعيط انا بس في حاجه  دخلت في عيني  فدمعت مش اكتر بعد اذنك
ياسين * انا مش صغير عشان تقوليلي حاجه  دخلت في عيني انا شوفتك وسمعت المكالمه كمان قوليلي بس في ايه وانا كفيل اني أحميكي من اي حد
فريال بكذب * مفيش حاجه  حضرتك  كل الحكايه  ان ولدتي تعبانه شويه واخويا بيرن عليا عشان اروح بعد اذنك
ياسين * طيب انا دكتور  يله  نمشي وأكشف عليها
فريال * لا ماهي بقت كويسه بعد اذنك بقي عشان ماينفعش نقف كده ومنتظرتش رده ومشت بسرعه
وياسين واقف مش عارف يعمل ايه  وقلبه وجعه علي دموعها وخطرت في باله فكره وقرر ينفذها وخرج من الشركه بسرعه
عند  ساره رايحه جايه في البيت وفات تلات ساعات علي معاد رجوع سيلاه للبيت  ولسه مارجعتش ومش عارفه هتعمل ايه وبتبكي بصمت عشان مامتها وببتتصل علي سليم مش بيرد وبتقول برجاء يارب احمي اختي ورجعها يارب ياتري انتي فين ياسيلاه انا قلبي مقبوض وحاسه انك مش كويسه يارب الهم اني استودعتك اختي في امانك ورعايتك فردها الي سالمه وفونها رن وكانت هاجر
هاجر * ها يا ساره سيلاه رجعت
ساره  بدموع* لسه ياهاجر ومش عارفه هي فين ومامه كل شويه تسالني وقلها انها عندها محاضرات متاخره ومش عارفه هعمل اي
هاجر * طيب ماتصلتيش علي حد من زمايلها او اخوكي يمكن راحة مكان واستاذنت منه
ساره* مش عارفه بس سيلاه مش بتخرج لوحدها وبتصل علي سليم مش بيرد
هاجر * ان شاء الله  خير أتصلي انتي بس تاني وأن شاء الله  يرد
ساره * ماشي هرن تاني
هاجر * طيب ياحبيبتي  وانا هقفل وهرن تاني اطمن سلام
ساره * ماشي سلام وقفلت. وفونها رن وكان سليم
سليم  بخوف* في ايه ياساره لقيتك رانا كتير في حاجه حصلت معاكم ماماه كويسه طيب ردي ياساره
ساره  * اهدي طيب ياسليم كنت رانه اشوف سيلاه استاذنت منك النهارده تمشي مكان بعد الجامعه
سليم بتذكر* ايوه قلتلي انها هتروح تصور ورق وحاجات تبع الجامعه  بس مش هتاخر يعني المفروض  تكون خلصت من ساعتين كده
ساره  بدموع * سيلاه مرجعتش ياسليم وقلبي مقبوض وحاسه انها مش كويسه
سليم بمهاوده رغم قلقه* وانتي عرفتي منين ياساره سيلاه ان شاء الله  كويسه
ساره * انت ناسي ان سيلاه  توامي يعني روحي في روحها
سليم * طيب ياحببتي  اهدي وانا هرن عليها وهروح الجامعه يمكن تكون لسه مخلصتش بس متقوليش حاجه  لماما ماشي
ساره *  طيب هاجي معاك
سليم * مش هينفع لان ماما ممكن تشك فخليكي معاها وانا هروح مش هتاخر يله لا اله الا الله
ساره * محمد رسول الله
في فيله المالكي فاطمه رايحه جايه وقلقانه علي فريده ومش عارفه اخرت ليه وسيف  جه وبيقول بمرحه المعتاد بطتي عامله ايه ياست الكل
فاطمه بتنهيد* الحمد لله  ياسيف
سيف*مالك يا ماما بابا كويس
فاطمه * عز كويس بس فريده مرجعتش لحد دلوقتي وقلبي وجعني عليها
سيف* أزاي ده المفروض تكون وصلت من بدري  انا باعتلها عمي لطفي  لاني كنت في اجتماع واخرت
فاطمه* طب وبعدين فريده فين هاتلي اختك ياسيف
سيف* اهدي ياامي انا هرن علي عمي لطفي الاول هشوفه يمكن تكون لسه في الجامعه وسيف جاب الرقم ورن  أيوه ياعم لطفي انت فين يعني ايه ما مشتش انا مش بعتك  يا الله  طيب ماشي ماشي ياعم لطفي اقفل وربنا يحلها
فاطمه * عمك لطفي قال ايه
سيف بحيره* بيقول مارحش الكاوتش بتاع العربيه فرقع منه ومرحش والفون كان في مكان مفهوش شبكه عشان كده متصلش بيا بس متقلقيش انا هروح الجامعه  اسال زمايلهاوفي الطريق هرن علي زين ومشي بسرعه وفاطمه فضلت تدعي ربنا يحفظ بنتها
في مكان  ضلمه تحت الارض  وكله حراسه كان قاعد راجل علي كرسي ومربوط ودخل عليه واحد تاني
الراجل* مش ناوي برضو تعترف
الشخص المربوط* قلتلك مش هعترف لو عملت ايه مش انا اللي اخون بلدي
الراجل بضحك* بلدك معتبراك شهيد ياسيادة العقيد
الشخص بغضب* اقسم بربي ماهرحمك ياكلب ياواطي
الراجل* وليه بس الغلط مكنا حلوين ولا تحب أجبلك راس ابنك أه نسيت اقولك ابنك  نفسك في كل حاجه  نفس المثليه والمبادي بس قريب هنهيه بس هو هيموت للأبد
الشخص* اقسم بالله  لو مسيت شعره واحده من حد من عيالي لدفنك مكانك انت فاهم
الراجل بضحك  مستفز* حتي وانت تحت رحمتي بتهددني  انا هنا الملك وانا اللي اقول ايه اللي يمشي وايه لا  يله سلام بقي تشاو يا سيادة العقيد وخرج
الشخص * يارب احفظ ولادي من شره انا لازم اتصرف انا بقالي خمس سنين هنا حاولت  بكل الطرق اهرب وبرضو مفيش مخرج بس لازم أحاول تاني 
عند زين في مكتبه وبيكلم سيف
زين بعصبيه * يعني ايه ياسيف مش لقيها طيب اقفل وانا عشر دقايق وهكون عندك  وخرج بسرعه من مكتبه
في مكان بعيد سيلاه أبتدة تفوق من المخدر وراسها منمله وبتفتح عيونها ولقت فريده  جنبها وبتفوق هي كمان وبعد وقت فاقوا الاتنين وبيبصوا لبعض باستغراب
فريده *سيلاه  احنا فين
سيلاه* مش عارفه يافريده انا اخر حاجه فكراها لما كنتي بتصوري وكان فيه عربيتين  جايين  ناحيتنا
فريده بخوف *يعني احنا كده مخطوفين وكملت بمرح ياسلام بقي لو يكون عدو زين ولا سيف وينتقم مني ويتجوزني وبعدين يحبني واو
سيلاه  بصدمه * ياخرابي انتي في ايه ولا في ايه  اطلعي ياختي من جو الروايات والمسلسلات الهندي اللي لحست دماغك دي وركزي معايا خلينا نشوف هنعمل أيه
فريده بزعل* يوه خليني أتخيل يا ستي بس تصدقي انا فعلن خايفه بصراحه بس انا مطمنه عشان انتي معايا وهتونسيني
سيلاه * ماشي ياختي وكملت بتذكر بت يافريده فين الكام بتاعك
فريده* مش عارفه ولا حتي شنطنا هنا  هنعمل ايه
سيلاه* مش عارفه بس لازم نتصرف ونشوف الكام عشان الحاجات  اللي صورتيها ونشوف الراجل ده مين
فريده * معاكي حق  طيب بصي فيه باب اهو احنا نروح نخبط يمكن يكون فيه حد
عند أدهم  بيكلم حازم
حازم * خلي بالك منهم وانا جاي مسافت السكه يله سلام
أدهم *سلام
في مكان تاني وتحديد في لندن كان قاعد عاصم أبن عم زين بس بيكرهه جدا وبيحقد عليه وهو سبب من اسباب تغير زين  وهنعرف ليه  وكان قاعد معاه بنت  وأسمها شاهندا بس شهرتها شاهي
عاصم * جهزي نفسك عشان هننزل مصر كمان اسبوع
شاهي بفرحه* انت بتتكلم جد
عاصم بشك* ومالك فرحانه كده
شاهي *ها أصل يعني مصر وحشتني اوي  منتا عارف أننا مسافرين من سنين
عاصم* ماشي هعمل نفسي مصدقك
شاهي مغيره الحوار*  ايه رايك ياعصومي نتفسح النهارده بما اننا هننزل مصر  ونتعشي مع بعض عشا رومانسي جميل
عاصم * ماشي معنديش مانع يله أدخلي غيري وانا هستناكي
شاهي حضته وجرت علي الاوضه قفلت الباب واتنفست  وقالت براحه الحمد لله كان هيكشفني بس نفدت وكملت باشتياق ياه اخير هنزل مصر واشوفك يازين انت وحشتني اوي ياتري هتسامحني ولا لا
عند عاصم بره كان بيشرب سجاره وبينفخ بغضب من شاهي ومن فرحتها برجوعهم مصر وحبها لزين بعد السنين  دي كلها 
عند فريال  وصلت بيتها  ودخلت ولقت سيد اخوها قاعد ومتعصب وباين علي وشه الغضب اتنهدت بقلق وبلعت ريقها وقالت بصعوبه  السلام عليكم
سيد * وعليكم السلام يا أختي ما لسه بدري
فريال* كان عندي شغل والله
سيد *طيب خشي غيري هدومك والبسي حاجه غير الاسود ده الناس علي وصول
فريال بترجي*سيد عشان خاطري انا اختك 
سيد *بقولك ايه بطلي تقولي اختك اختك قلتلك انتي مش اختي افهمي بقي أنتي مجرد بنت أبويا لقاكي ورباكي يعني أنتي مش. اختي
فريال مصدومه واقفه مكانها متحركتش ومش قادره تتكلم ودموعها نازله واخير أتكلمت بصعوبه وقالت بشهقات يعني ايه اللي بتقوله ده طيب طيب لو انا مش اختك ابقي مين
سيد  ببرود* مش عارف ويله البسي خلصيني وبطلي المناحه اللي انتي عملهالي دي 
فريال* انا مش هتجوز انا كنت بقول اخويا هو سندي بعد موت ابويا وهسمع كلامه بس بما انك مش اخويا خلاص مش هتغصبني علي حاجه
سيد  ضربها بالقلم ومسكها من خمارها وذقها علي الارض واتعصب وقال بغضب *أسمعي بقي انا عمال أقولك اخلصي من الصبح بس انتي بقي مصره تعصبيني  وجرجرها علي الاوضه ورماها علي الارض وفريال بتعيط ومش قادره تنطق ورماها علي الاض وقال بغضب اقسم بربي في ظرف خمس دقايق لو ما لبستي انتي الجانيه علي نفسك وخرج وفريال قعدت مكنها تعيط ومش عارفه ليه حياتها كده ومصدومه من كلام سيد انها مش اخته طيب لو هي مش اخته تبقي مين  وهتخرج ازاي من الورطه دي هي مستحيل تتجوزه واتحملت علي نفسها وقامت توضأ
بره عند سيد بيكلم المعلم جمعه وبيقول بفرحه
كله تمام يامعلم هات الماذون وتعالي ومتنساش اللي اتفقنا عليه
المعلم جمعه  بفرحه * حاضر يا ابو نسب. جاي جهز الشربات بقي علي ماجي
سيد* ماشي يامعلم والف مبروك
المعلم  جمعه* الله  يبارك فيك ياسيد ومن النهارده اعتبر نفسك دراعي اليمين  ويله سلام بقي عشان الحق اجهز انا عريس برضو ولا أيه
سيد*أحلي عريس يا سيد المعلمين  ماشي يامعلم سلام
عند سليم بعد ما كلم ساره رن علي سيلاه كتير مردتش وقلقه زاد وبيدعي ربنا تكون بخير ومشي الجامعه وسال علي سيلاه وزمايلها قالوا راحت تصور ورق راح المكتبه ملقاش حد وبقي واقف حيران مش عارف يعمل ايه ولا يروح فين والوقت بيعدي وسمع صوت الاذان راح يصلي يمكن ربنا ينور بصيرته ويلاقيها
عند زين وصل لسيف اللي كان واقف زعلان ومش عارف يعمل أيه
زين * فريده فين انطق
سيف بزعل*  مش عارف رنيت عليها كتير مش بترد  وجيت الجامعه سالت عليها قالوا انها خرجت مع زميلتها
زين* وزميلتها دي متعرفهاش
سيف* لا مش عارفها وبعدين احنا عايزين صاحبتها في ايه
زين* افهم يا بني ادم زمايلها قالو انها خرجت معاها يعني اكيد صاحبتها دي عارفه مكانها صح فاحنا عايزين نشوف مين زميلتها دي يمكن عارفه هي راحت فين
سيف بتفكير * عندك حق تعالي طيب نسال اي حد ودخلوا الجامعه تاني وقابلو بنت وكانت اميره صاحبت سيلاه وفريده
زين* لو سمحتي يا انسه تعرفي بنت معاكم اسمها فريده عزالدين المالكي
اميره* أيوه  فريده زميلتي بس حضرتك مين
زين* انا اخوها
أميره*أه  طيب حضرتك بتسال ليه علي فريده  أنت جاي تاخدها هي روحت من بدري
زين*  عارف بس كنت عايز اعرف مين البنت اللي روحت معاها فريده  لو تعرفي عنوانها او تلفونها
أميره* أعرفها  بس اسفه مش هقدر أديه لحضرتك
زين* ياأنسه انا مش هاخده أعكسها فريده  مرجعتش البيت وأنتي قولتي انها خرجت مع زميلتها دي فعايز اسألها علي فريده مش اكتر
أميره  باحراج وزعل علي فريده* ماشي عنوانها اهو  ورقم تلفونها اتفضل
زين * متشكر
اميره * العفو وان شاءالله  هتكون بخير بعد اذنك ومشت
سيف لزين* هنعمل ايه دلوقتي
زين* هنرن عليها نسالها وزين طلع موبايله  ورن ومحدش رد وجرب اكتر من مره برضو محدش بيرد
سيف * ها هنعمل ايه مش بترد
زين* هنروحلها البيت مفيش غير كده العنوان اهو بسرعه اركن عربيتك ونمشي بعربيتي يله بسرعه مفيش وقت سيف ركن عربيته بسرعه وركب جنب زين وزين ساق بسرعه عاليه جدا
عند شريف كان قاعد بيكسر في مكتبه لما عرف ان زين  مضي علي الصفقه وبيقول بغضب أقسم بربي يازين لندمك علي كل حاجه  مش شريف المحمدي اللي يضحك عليه
عند  فريده  وسيلاه
فريده * ها ياسيلاه خبطنا ومحدش بيرد هنعمل ايه انا مليت
سيلاه* بصراحه مش عارفه انا جعانه اوي  لو كنت اعرف اني هتخطف كنت عملت حسابي
فريده وهي حاطه ايدها علي بطنها * تصدقي وانا كمان جعانه المفروض اللي خطفنا كان جبلنا اكل مجرم قليل الذوق صحيح  دا حتي مضيفوناش بعصير ولا حد جالنا ولا عرفنا بنعمل ايه هنا
سيلاه *هههه والله  انت عبيطه خاطفك وعايزاه يضايفك وبعدين اصلا مش عارفه لو كنا مخطوفين كانوا علي الاقل ربطونا  بس احنا زي ما احنا مفناش حاجه يكون سليم بيهزر معايا
فريده * طيب أخوكي بيهزر معاكي بيخطفني انا ليه
سيلاه  بغباء*عشان انتي كنت واقفه معايا
فريده *عندك حق و وفريده مكملتش كلامها والباب أتفتح ودخل شخص
فريده بصدمه * مش معقول
سيلاه باستغراب ودهشه*أزاي
الي  هنا وانتهي البارت اتمني من الله التوفيق
توقعاتنا بقي ياحفيدات عائشه
ساره هيكون ايه رد فعلها لما تشوف زين قدامها
زين أيه رد فعله لمايعرف ان ساره اخت سيلاه
سيف أيه  اللي مستنيه وهل ممكن يقابل ملاكه قريب ولا هيكتفي بالمشاهده
فريال ياتري خلاص هتتجوز ولا ربنا هيقبل دعائها وهينقذها من اخوها ولو هي مش اخت سيد يبقي مين أهلها
سيد ايه سبب كرهه لفريال وهل فعلن مش اخته
ايه سر كره عاصم لزين وياتري هيعمل ايه لما ينزل مصر
مين شاهي دي وايه صلتها بزين وهل زين بيحبها زي ما هي بتحبه ولا لا وايه هو الغلط اللي هيسامحها عليه وهل ممكن يسامحها ولا لا
فريده وسيلاه أيه مصيرهم وهل خطفهم هيكون خير ليهم ومين ده اللي اتصدموا لما شافوه
مين الراجل اللي محبوس  وهل ليه علاقه بابطالنا
كل ده هنعرفوا الحلقات اللي جايه دمتم في حفظ الله ورعايته
اللهم  ارحم المومنين والمؤمنات والمسلمين والمسلمات الاحياء منهم والاموات
اللهم  يا مقلب القلوب ثبت قلوبنا علي دينك
اللهم أجعل لي توبة نصوحا قبل الموت 
سبحان الله،  والحمد لله، ولا اله الا الله ،والله أكبر  داموا علي ذكرهم لانهن الباقيات الصالحات
اللهم  أستعملني في نصرة دينك