روايه جمعنا القدر صدفه

البارت الحادي عشر 😘

رواية جمعنا القدر صدفه البارت الحادي عشر
بقلمي /《 £♡منار عبدالسلام ♡£》
عند سيلاه  في الجامعه
فريده بتعب *اه ياني ياصغيره علي التعب يا لوزه
سيلاه  بضحك *طيب يله يالوزه نصور الورق
فريده *يوه أمشي انت وانا هستناكي
سيلاه *ماينفعش عشان المكتبه في الشارع اللي ورا الجامعه  مينفعش اروح لوحدي تعالي يله مش هنتاخر
فريده  باستسلام * يله طيب احسن انا شويه وهنام
سيلاه  بمرح * لا أمسكي نفسك لحد ما  نخلص
عند ساره كان عندها تدريب عملي وخلصت وهي طالعه الدكتور نده عليها
دكتور  ساره عملتي ايه في التدريب
ساره وهي مميله راسها وقالت بهدوء وعمليه الحمد لله يادكتور  التدريب كان كويس وسهل انا عملت اللي عليا والتوفيق بتاع ربنا
الدكتور *ونعم بالله  انتي شاطره ياساره ومتاكد أنك هتطلعي الاول ان شاء الله
ساره ناهيه الحور*أن شاء الله  بعد اذن حضرتك
الدكتور * أتفضلي
عند حازم في المخيم
حازم * ها فهمتوا كدا هنعمل ايه
معتز وادهم ومحمد*فهمنا
حازم *طيب يله نتحرك هو هيتحرك بعد شويه احنا هنوصل قبله بحيث ننشط المنطقه كويس عشان المراقبه 
كلهم * تمام يله وتحركوا كلهم علي المكان
عند زين في الاجتماع
العميل * تمام كده يا بشمهندس  زين واحنا سعد جدا بالتعامل مع شركة حضرتك
زين بثقه*  أكيد لازم تكون سعيد انت بتتعامل مع فهد الاقتصاد مش اي حد
سيف بتلطيف* أحنا اسعد يا بشمهندس توفيق
توفيق  بغيظ*  شكرآ يا بشمهندس سيف بعد اذنك
سيف*أتفضل
وكل اللي في اوضة الاجتماعات خرج  وبشمهندس توفيق خرج بس مضايق من غرور زين وتكبره هو شركته كبيره بس كون انه يشتغل مع زين المالكي فهد الإقتصاد دا سمعه تاني لشركته فلازم يستحمل بروده وعدم تهذيبه في الكلام 
عند سيف  بغيظ *ليه كده بس احرجت الراجل قوله علي الاقل شكرا مش هتخسر حاجه
زين* سيف. انا مغلطش وياريت تروح تكمل شغلك
سيف بقلة حيله*ماشي بس قولي عملت ايه في  موضوع شريف المحمدي هو مش ناوي يجبها لبر وهتعمل ايه مع العملاء الاجانب
زين*  شريف ليه عندي يوم بس انا سايبه يلعب بمزاجي فاكر نفسه فاهم وعارف تحركاتي بس الحقيقه ان كل  معلومه بتروحله بكون علي علم بيها   والعملاء انا ماضي معاهم من اسبوعين فلما ييجي الميعاد اللي اتفقنا عليه الاول هيكون خلاص استلمنا الشحنات اصلا
سيف بعدم فهم*أزاي
زين* هتعرف كل حاجه في وقتها
سيف* وليه مش دلوقتي
زين* سيف خلص وروح شوف شغلك انا مش فاضيلك
سيف بخفوت* حاضر ماشي هو انا  في الجنه دا حته مكتب كئيب
زين* بتبرطم بتقول ايه سمعني
سيف بخوف مصتنع* مبقولش ياعمنا انا خارج  اهو
عند  ياسين في شقته وبيجمع المعلومات عن البنت بيقول. بحيره* ايه بس اللي وقعك في طريق زين  يارب خير وميكونش اللي بفكر فيه صح ويكون بينتقم. وضاف بغل ربنا ينتقم منها الي كانت السبب في تحوله. بالشكل ده ربنا يسترها بقي   واكون غلطان 
  في قصر المالكي
عزالدين  لفاطمه* تفتكري زين هيعمل ايه لما يعرف ان عاصم نازل وكمان هيقعد معانا
فاطمه  بخوف مبهم* بصراحه  انا خايفه ياعز رجوعه تاني معناه ان جي  لاحاجه وانا مش مطمنه
عزالدين  بحنان رغم قلقه* خايفه من ايه يابطه بس انا معاكي وبعدين ياستي زين مبقاش زي الاول وهيعرف يتصرف وانا هقوله الموضوع وافهمه
فاطمه  بنفي* لا ياعز متقولش لزين دلوقتي علي الاقل قبل ما ينزل أبقي بلغه 
عزالدين * حاضر يا بطه انتي تامري ياقلبي
فاطمه  بضحك * الامر لله  وحده  ياحبيبي  لسه علي وعدك ياعز ومخلفتوش علي طول بتحتويني برغم مرور السنين الا انك لسه لحد دلوقتي عمرك ما زعلتني او سبتني زعلانه دقيقه واحده وعلي طول واقف جنبي في اي موقف بجد ربنا يباركلي فيك انت سندي واماني ودنيتي كلها  ياعز  بجد انت كتير عليا
عزالدين  بابتسامه وهو بيبوس ايدها* حببتي يافاطمه  انا لو كنت بقف معاكي. اوبحبك فده لانك فعلن تستحقي الحب  اللي بجد مش حب اليومين دول بتاع الشباب اللي طالع  الحب والحنان دا واجبي عليكي ودا اللي وصا الرسول عليه
فاطمه *ربنا يباركلي فيك وتفضل دايما جنبي
عند سيلاه
فريده  باعجاب *الله  يابت ياسيلاه بصي هناك كده وشورتلها علي مكان كان فيه شجر وحاجات  وكان جميل من بره
سيلاه * فين اه شوفته تصدقي فعلن حلو
فريده  * انا هطلع الكام وصوره
سيلاه  باستغراب * انتي مش كنتي تعبانه من شويه اشمعنا عند التصوير خفيتي
فريده  بضحك * مانتي عارفه اني بعشق التصوير
سيلاه * طيب يله صوري خلينا نروح بقي
عند حازم  وصل هو وفريقه المكان وكل واحد اخد المكان بتاعه وبيرابقه المقنع  وكان فعلن زي ما استنتج  حازم انه هيسلم الشحنه هنا لانهم كانوا معاهم ناس تانيه وكان فيه بودي جردات معاه وعددهم كبير جدا   وكان المقنع قاعد مع شخص بس الرويه مش باينه كويس لانهم في مكان بعيد شويه عنهم وبعد شويه لاحظوا حاجه غريبه وجه راجل من اللي مع المقنع ووشوشه ومشي بعربيته بسرعه
معتز * حازم هو راح فين ده
أدهم * مش عارف يامعتز دا معاه علي طول ومش بيفارقه احنا لازم حد فينا يروح وراه
حازم * معاك حق أنت ومحمد هتروح وراه بس اوعا يشك  في  حاجه  امشي من الطريق المختصر تمام وانا ومعتز هنفضل هنا وبلغني باللي هيحصل يله أتحركوا بسرعه.
أدهم ومحمد* تمام واتحركوا وكان ادهم بيسوق بسرعه جنونيه وفي لحظه  كان شاف الراجل اللي مع المقنع وكان في العربيه لوحده وعشان ما يشكش سبقوه بمسافه  صغيره بس كانوا شايفينه  والراجل وقف مره واحده وبيراقب المكان
محمد* أدهم هو وقف ليه
أدهم * هنعرف راقب المكان كويس
محمد * المكان مفهوش غير  أتنين واقفين واحنا وهوا ادهم اوعا يكون هيخطفهم بص دا ماشي ناحيتهم
ادهم* فعلن يله بسرعه واتحرك بسرعه عاليه جدا  والراجل بتاع المقنع أتحرك ولاحظ سرعتهم وبدا يضرب نار بس ادهم كان بيتفاداها بمهاره عاليه فيا تره مين اللي هيوصل للناس الأول  وهيكون ايه حكايتهم هنشوف
عند  ساره
هاجر بضحك *  كل دا حصل ومتقوليش  زحلانه منك
ساره * هو انا كنت في الملاهي بقولك اتخانقت
هاجر * بس بصراحه  شابو ليكي بجد أنك ضربتيه عشان دا شخص قليل الذوق
ساره * شابو  ايه بس انا غلطت كان المفروض أسيبه وامشي من الاول
هاجر * حببتي  انتي مغلطيش انتي دافعتي عن نفسك وبعدين مكانش قدامك غير الحل ده قوليلي بقي هتروحي فعلن هناك
ساره  * تصدقي  انا أصلا اقنعت سليم بس من جوايا خايفه مش عارفه  ليه وبرغم ابنه ده بس وافقت مش عارفه وافقت ليه عشان اثبتله اني اقدر ولا عشان أتحداني  ولا عشان بشمهندس عزالدين  بس اللي اكيد أنه عشان شغلي وان شاءالله  هديه الجلسات صح وهيقدر يمشي تاني
هاجر  بتشجيع* أنتي شاطره خليكي قويه وملكيش دعوه بيه اعملي. اللي عليكي والتوفيق من عند الله  خليكي  واثقه في نفسك
ساره * حببتي  كلامك شجعني  يا جوجو وان شاءالله  هنجح   وساره فاجئه قلبها وجعها وحطط ايدها عليه
هاجر  بقلق* مالك يا ساره
ساره * مش عارفه يا هاجر قلبي واجعني فجأه كده  مش عارفه ليه سيلاه مش كويسه ياهاجر
هاجر * ان شاءالله  خير ياساره سيلاه هيكون مالها بس رني عليها طيب
ساره * طيب ورنت ومفيش حد بيرد وده زود قلقها ورنت علي مامتها  وسالتها علي سيلاه قلتلها انها مجتش وساره قلتلها انها ممكن تكون عندها محاضرات متاخره وقفلت وقلقها زاد ومش عارفه هتعمل ايه
في فيله المنشاوي
عائشه  قاعده في أوضتها وماسكه صوره فيها بنت صغيره وجميله جدا  وبتعيط وحنين دخلت عليها
حنين  بمرح* أيه يا جميل قاعد لوحدك ليه
عائشه مسحت دموعها * تعالي ياحببتي
حنين  شافت الصوره اخدتها من عائشه وقالت بدموع ربنا يرحمها ياماما  دي واحشتني قوي
عائشه * وانا كمان ياحنين حلا وحشتني بس هنعمل ايه قدر ربنا يابنتي  يله امسحي دموعك ما تعيطيش
حنين * طيب خلاص  مش هعيط بس أنتي كمان ماتعيطيش .
بعد مرور الوقت
عند فريال كانت رايحه. عند زين ولقت ياسين في  وشها فقالت  بخضه بسم الله الرحمن الرحيم
ياسين  بضحك *ليه شوفتي عفريت لسمح الله
فريال *بعد أذنك انا ورايا شغل
ياسين*طيب زين جوه
فريال *أيوه موجود دقيقه أبلغه ومشت لزين وخبطط
زين*أدخل
فريال  دخلت* أتفضل يا. بشمهندس  دي الملفات اللي حضرتك ادتهملي انا خلصتهم
زين* تمام   تقدري  تروحي
فريال * طيب دكتور ياسين مستني بره ادخله
زين * ماشي دخليه  وفريال فتحت الباب وياسين دخل وخبط في راسها
فريال  بالم* اه
ياسين  بخوف* اسف بجد اسف ماختش بالي
فريال * لا عادي حصل خير  وخرجت
زين بغيظ *أنت أصلا ايه اللي دخلك مش تستنا لما تخرج تبلغك
ياسين * بصراحه هي اخرت فقلت ادخل انا مش غريب البيت بيتي اقصد المكتب مكتب صاحبي
زين* طيب ياخويا عملت أيه
ياسين  بجديه* زين قولي البنت دي حكايتها معاك ايه شكلها مش قدك
زين  ببرود* مفيش كل الحكايه  انها هتعالج بابا وانت عارف لازم إكون  علي علم بكل حياتها
ياسين  بارتياح*  هو ده بس طمنتني ياشيخ الله  يطمنك
زين* ليه كونت فاكر ايه
ياسين * مش مهم
زين * هو انت مش هتشتغل يا ياسين ولا انت نازل تتفسح
ياسين * ما انا كنت جايلك عشان تشوفلي مستشفى  أنت عارف بقالي كتير بره ماعرفش كتير هنا فهشتغل في. اي مستشفى  لحدما أجهز المستشفى بتاعتي
زين* وانت تشتغل عند الغريب ليه المستشفى  بتاعتك موجوده   نقصها وجودك ولو عايز تشتغل من دلوقتي خد مفاتيحها وافتحها
ياسين  بدهشه * انت بتتكلم جد
زين* هو انا كنت هزرت معاك قبل كده لما اهزر دلوقتى
ياسين  بامتنان وفرحه* بجد يازين انت لو اخويا مش هتعمل معايا كده شكر يا صاحبي بس خليك عارف انته هتكون شريكي
زين* انا مليش في شغل المستشفيات بس ماشي هشاركك
ياسين  * تسلم ياصاحبي الملف اهو فيه كل حاجه  تخص البنت بس ياريت يكون السبب اللي قلته مش حاجه  تاني  وكمل بهزار عارف صورتها وشكلها في النقاب قمر فياتري من تحت النقاب جميله برضو ولا ايه يانمس انت بتعرف  تصتاد
زين اتضايق وقال بغضب* أقسم بالله  ياسين  لو قلت كلمه تاني زي كده لكون مكسر المكتب علي دماغك
ياسين  بخوف من تحوله* اناأسف ياعم  انت عارف اني بهزر يله اطير انا بقي والحق شبابي  وخرج بسرعه
زين نفخ بضيق*  أوف وانا ليه أضايقت  من كلامه عليها
عند فريال نزلت عشان تروح ومش عارفه هتعمل ايه المفروض ان النهارده هيكتب كتابها وهي مش عارفه هتعمل ايه ولا تروح فين ودموعها نزلت غصب عنها وفونها رن وكان سيد
سيد بغضب * اقسم بالله  يافريال لو ماجيتي دلوقتي  مهتعرفي ايه اللي هعمله فيكي
فريال بدموع * سيد طيب اسمعني
سيد* سمعت كتير يله وقفل
فريال بتنهيد* ياربي أنت عالم بيا يارب اكفيني شرهم يارب وانقذني منه واهديه يارب  ومسحت دموعها وهتمشي سمعت صوت وراها
أنسه فريال أستني
فريال لفت * وقالت بصدمه أنت
الي هنا وانتهي البارت اتمني يكون نال اعجبكم وهستنا رايكم فيه
توقعتنا بقي يا حوريات الجنه
ياتري سيلاه هتكون راحت فين 
وياتري زين ناوي علي ايه لساره وهل هينفذ أنتقامه ولا لا
وياتري فريال شافت مين وهل هتتجوز ولا لا
مين عاصم وليه فاطمه خايفه علي زين وايه رد فعل زين لما يعرف انه نازل وهيقعد معاهم
مين الناس اللي  المقنع  هيخطفهم  وهل هيوصل لهم فعلن ولا ادهم هيكون اسرع منه
كل ده هنعرفو في الحلقات اللي جايه عايزه تشجيعكم ودعمكم عشان اكمل وعشان اللي جي ضرب نار حي 💣
  دمتم في امان الله
💮سبحان الله وبحمده سبحان الله العظيم 💮
اللهم أنت ربي أستغفرك وأتوب إليك
اللهم أني استودعتك ابي وامي وكل عائلتي وأحبتي في الله احفظهم  لي يارب العالمين
اللهم  يا مقلب القلوب ثبت قلبي علي دينك