روايه جمعنا القدر صدفه

مين الخاطف🤔 البارت الرابع عشر

رواية جمعنا القدر صدفه البارت الرابع عشر
بقلمي/ *💞💫❤️*....منار عبدالسلام....*💫❤️💞*
عند ساره بعد ما روحت دخلت اوضتها ودموعها نزلت لما ملقتش سيلاه معاها ومش عارفه هتكون فين وبتدعي ربنا بصمت انه يحفظ أختها وافتكرة زين وكلامه ومش فاهمه ايه سر العداء ده وليه محتقرها كده وايه معني كلامه لما قال كلكم زي بعض هل عشان مر بتجربه مع حد أو اتخدع بس ليه يقسها علي الكل مش كل الناس زي بعض وبصت قدامها وقالت بغضب * انا مش هسمحله يهني تاني شخص عديم الذوق ومستفز لما ارن علي سليم أشوف ورنت وسليم فتح
ساره * سلامه عليكم ها يا سليم لقيت سيلاه
سليم * الاول خليني أرد السلام عليكم السلام ورحمة الله وبركاته
ساره بحرج * اسفه بس اعصابي تعبانه وخايفه اوي علي سيلاه
سليم بحزن * والله يا ساره معارف اقولك ايه ملقتهاش في اي مكان حتي المستشفيات سالت فيها وفي الجامعه واي حد عارفها وزمايلها قالوا انها روحت مع صاحبه ليها مش عارف هتكون فين بس
ساره بخوف* طيب هتكون اتخطفت بس مين ليه مصلحه يخطفها
سليم بحيره مصحوبه بقلق* مش عارف يا ساره بجد وكمل بتساول قوليلي هي ماما عرفت حست بحاجه يعني
ساره * من شويه سالت علي سيلاه بس قولتلها انها هتتاخر وهتبات في سكن الجامعه وحكتله اللي دار بينها هي وولدتها * بس ومن ساعتها دخلت تنام
سليم * طيب كويس انا هدور تاني يمكن الاقيها خلي بالك من نفسك ياحببتي وصلي ونامي
ساره بتنهيد * هنام ازاي ياسليم مش قادره أعمل حاجه انا خايفه اوي علي سيلاه وماما كمان لوعرفت هتتعب
سليم * تفائلوا بالخير تجدوه يا ساره خليكي واثقه في ربنا وانا هدور تاني بردو ومش هرجع غير بيها أن شاءالله
ساره * ماشي يا سليم وطمني لو وصلت لحاجه
سليم * حاضر يا حبيبتي يله لا اله الا الله
ساره * محمد رسول الله وقفلت وحطت الفون جنبها وعقلها مشغول بسيلاه ومش عارفه هتكون فين ومن جه تاني زين واتهامه بان سيلاه السبب. واتنهدة بزفير قوي دليل علي حيرتها وقامت أتوضت وصلت وقالت الاذكار واستسلمت للنوم بعد يوم طويل ومتعب
عند زين بعد ما ساب ساره فضل يلف بالعربيه شويه وكل شويه يتنفس بغضب وسيف جنبه ومش فاهم
هو فيه ايه بس قرر يسيبه لحد ما يهدا وبعدين يفهم منه واخير بعد صمت طويل سيف اتحنحن بخشونه وقال أحم زين انت كويس
زين بهدوء * أه
سيف * تمام وزين اتحرك وسيف سكت بس عقله مشغول بفريده وهتكون راحت فين وفي نفس الوقت بالبنت اللي راحوا عندها ويقصد ساره ومش فاهم ليه زين بيعاملها كده الا اذا كان لسه فاكر اللي حصل ومنسهوش زي ما بيبين وخرجه من تفكيره صوت زين
زين بهدوء مريب* سيف روح أنت عشان ماما وبابا ميقلقوش وانا هدور علي فريده
سيف باستنكار* أروح زين انا مش هسيبك وبعدين ماما انا لسه مكلمها أطمن
زين* سيف أسمع الكلام انا مش بحب أعيد كلامي مرتين
سيف * زين انا مش هسيبك أو شوف انا هدور في مكان وانت دور في مكان ومستناش زين يرد عليه وخرج من العربيه ومشي وزين اتنفس بغضب وساق بسرعه عاليه
عند حازم شاف الكام واتصدم من الشخص اللي موجود في الفيديو وكان واحد زميله وده اللي كانوا زارعينه عند المقنع وكان باين عليه اثار تعذيب قويه وحازم ضيق عنيه بغضب وصك علي سنانه بغيظ وقال بغضب ووعيد* أقسم بربي أي أن كان انت مين مهرحمك وهجيبك راكع تحت رجلي ونده بصوت جمهوري علي فريقه وكلهم جم
فريده وسيلاه متابعين ومش فاهمين حازم ليه متعصب كده ومين كمان الناس دول وفريده رغم أحساسها بالامان في الاول الا انها حست بالخوف من صوته مش عارفه ليه عكس سيلاه اللي بتفكر في عيلتها وياتري هيكونوا عاملين ايه دلوقتي .وفاقوا من تفكيرهم علي صوت حازم
حازم بلهجه أمر ممزوج بغضب * أدهم أنت ومحمد قدامكم٢٤ ساعه والكلب ده يكون كل حاجه تخصه عندي وكمان جهزوا نفسكم عشان العمليه
معتز باستفسار * هو ايه اللي حصل
حازم * هقولكم بعدين المهم حد منكم هيقعد هنا. لان هيكون فيه خطر عليهم وهتابعني أول باول ماشي وحازم اتحرك نحية الباب هيمشي وفريقه وراه ومنعه صوت فريده
فريده باستغراب * هو أحنا مش هنمشي ولا ايه
حازم بهدوء عكس اللي جواه رد بكلمه واحده* لا
فريده وسيلاه باستغراب* طيب ليه ايه السبب اللي يمنع رجوعنا
حازم * مفيش سبب هو كده وياريت تاجلو الكلام لوقت تاني من فضلكم ولف لمعتز وقال بلهجه صارمه أنت هتفضل هنا ولو عازو اي حاجه هاتها ماشي وخلي بالك كويس اوي
معتز * متقلقش المكان هنا محدش يعرفوا اصلا
حازم بتفهم لان المكان فعلن محدش عارفه غيرهم وده المكان اللي بيجتمعوا فيه لما بيجهزوا لعمليه هو من بره علي شكل بيت قديم مش مسكون لكن من جوه غير وكمان مترامي الاطراف وبعيد عن العين * عارف بس الحرص واجب سلام يامعتز وعلي اتصال
معتز * سلام يا باشا وربنا معاكم يا رجاله
عند زين بعد ما سيف سابه لف علي المستشفيات وعلي الطرق وسال كذا حد وكانت الاجابه موحده ( لا مشوفتهاش ......ربنا يرجعها بالسلامه) وبعد لف كتير فكر شويه في مين هيكون يهمه خطف فريده بس لو كانت مخطوفه كان علي الاقل طلب فديه بس ده محصلش ودماغه هتتفرتك من كتر التفكير ومش عارف يوصل لا اجابه وفونه رن وكان سيف
سيف * ها يازين عرفت حاجه
زين بتنهيد* لا انت عرفت حاجه
سيف* ولا انا أنا خلاص هتجنن ودماغي هتنفجر من التفكير زين احنا لازم نبلغ
زين باستنكار وسخريه* وفكرك الشرطه هتعمل حاجه هيقولوا علي الاقل لازم يعدي ٢٤ ساعه علي اختفائها لانها ممكن تكون ماشيه بمزاجها
سيف* انت واعي للي بتقوله يا زين فريده أستحاله تعمل كده
زين بغضب* افهم يابني أدم انا بقولك علي اللي هيقولوه مش اللي انا بقوله اختي انا عارفها كويس اوي
سيف بحرج* اسف انا اندفعت شويه ومفهمتش بس انا تعبان أوي يازين فريده تعتبر زي بنتي مش مجرد اخت وغصب عنه دموعه نزلت
زين في اللحظه دي غمض عينه أول مره يبقي عاجز كده اخته مختفيه ومش عارف يجبها وأخوه بيعيط ومش عارف يوسيه ومبقاش عارف يعمل ايه ولكن شروده مقعدش كتير ورد علي سيف بقوه وثقه سيف أمسح دموعك وفريده انا هرجعها ودا وعد مني
وعدي الليل علي ابطالنا مابين زعل ... وفرح ...وانتقام...ووعود... فهل هيستمر العناد ولا وهتوفي الوعود ولا لا
صباح يوم جديد علي ابطالنا
عند فريال بتتحرك ببط وحاسه انها نايمه بقالها كتير بس نايمه وصوت أشخاص جنبها بس مش عارفه مصدر الصوت منين ومش قادره تفتح عنيها واخير بعد مجهود كبير فتحت عيونها ببط شديد ومش شايفه كويس وحسه بصداع كبير وبعد وقت فاقت كويس ولقت نفسها في مستشفى ومعلقه محلول وحست بتقل علي أيدها اليمين لفت لقت شخص نايم عليها ومش عارفه مين وحست برعشه من لمس أيدها ومش فاهمه ايه ده وحركت ايدهابخجل وتوتر عشان تشيلها والشخص حس بحركتها وفاق وفريال أتحرجت ومش عارفه مين ده وقلبها نبضه بيزيد كده ليه
ياسين بابتسامه * وصلتي لحد فين كده
فريال * أنا أيه جابني هنا وانت مين
ياسين بمرح * نستيني كده لا انا زعلان منك يا أنسه فريال
فريال * فريال مين
ياسين. * مين ايه دا اسمك علي فكره
فريال * انا اسمي فريال
ياسين * انتي مش بتهزري بقي يعني مش فاكره حاجه وكمل بقلق طيب انتي كويسه
فريال بدموع* انا مش عارفه انا مين ولا فاكره اي حاجه وراسي وجعاني اوي
ياسين بصوت عالي نسبيا نده علي دكتور مخ وأعصاب وكشف علي فريال وياسين واقف متابع ومش عارف هو اي اللي حصل قبل مايوصل وقطع تفكيره صوت الدكتور
الدكتور * المدام تقريبا عندها فقدان في الذاكره وده نتيجة أرتطام اوي باي حاجه هي طبيعي تحس بصداع مكان الخبطه انا أدتها مهدء وهي شويه وهتنام وكمان فيه أشاعه لازم تعملها عشان نعرف اذا كان فقدان كلي أوي جزئي
ياسين * شكر يادكتور
الدكتور *علي ايه دا شغلي بس طابعا ممنوع تفكرها باي حاجه من حياتها الاولنيه هي مع العلاج والمتابعه هتفتكر لوحدها
ياسين * تمام يا دكتور والدكتور خرج وياسين راح عند فريال وسكت مش عارف أصل يقولها ايه او اي اللي حصل معاها لو كانت قلتله الحقيقه كان حاجات كتير أتغيرة واولهم أنها مكنتش فقدة الذاكره وبعد تفكير كتير أستنتج اللي اخوها هو ممكن اللي يكون السبب وعيونه لمعت بوميض شر واقسم في قرار نفسه أنه يجيب حقها وقطع شروده صوت فريال
فريال * هو انت أسمك أيه
ياسين بابتسامه حزينه *أسمي ياسين
فريال * طيب وانت مين
ياسين *جوزك
فريال * جوزي
عند ساره كانت قاعده في اوضتها ومش قادره تخرج لان لو خرجت ومامتها سالتها علي سليم او سيلاه مش هتعرف تكذب تاني طيب سيلاه قلتلها في الجامعه وسليم هتقولها فين وتفكيرها متشتت ومش عارفه تخرج ولا تقعد وكمان أمتحانها مش هتعرف تروحه وفونها رن وكانت هاجر
هاجر *السلامه عليكم ورحمة الله وبركاته صباح الخير يا ساره
ساره * وعليكم السلام ورحمة الله وبركاته * صباح النور يا هاجر عامله ايه
هاجر * أنا الحمد لله كويسه أنتي اللي عامله ايه وسيلاه لقتوها ولا لا
ساره بحزن * لسه ياهاجر سليم مخلاش مكان ال وسئل فيه حتي المستشفيات
هاجر بحزن علي صاحبتها وردت بمواسيه* ان شاءالله خير يا ساره يمكن ده ابتلاء ليكم وان شاءالله ربنا يحفظها ويرجعها بالسلامة
ساره بتمني* يارب ياهاجر يارب
هاجر * عموما انا اتصلت اطمن عليكي وكمان عشان اقولك متجيش الجامعه النهاره وانا هقول للدكتور ياجل أمتحانك وهجبلك الشرح متقلقيش
ساره بشكر* بصراحه مش عارفه اقولك ايه ياهاجر جزاكي الله خير الجزاء انا كنت محتاره مش عارفه اعمل ايه بجد شكر
هاجر * بتشكريني علي ايه ياهبله انتي اختي ولو كنت أنا مكانك كنتي هتعملي اكتر من كده كمان
ساره * أنا هبله ياهاجر طيب الله يسامحك
هاجر * أسفين يا ريسه عموما سلام بقي عشان الحق الجامعه وهرن عليكي تاني
ساره * طيب خلي بالك من نفسك
هاجر بمرح عشان تخفف عن ساره* ماشي ياماما سلام
ساره بابتسامه * سلام ياهاجر وقفلت وبتقول بدعاء ربنا يباركلي فيكي ويكتر من امثالك يا هجوره
في قصر المالكي
فاطمه بدموع * يعني أيه يا سيف أختك ملهاش أسر طيب راحت فين بس
سيف* اهدي يا أمي زين بيدور ووعدني أنه هيرجعها أطمني
فاطمه * أطمن أزاي يا سيف وانا بنتي مش عارفه مكانها والله أعلم هيكون ايه جرالها
عزالدين * جر ايه يا فاطمه ولادك رجاله وزين طالما قال هيرجعها يبقي هيرجعها أمسحي دموعك وبلاش تعيطي بقي
سيف* طيب أنا همشي الشركه هشوف الشغل وارجع وهكلم زين ماشي وباس علي راس فاطمه وعلي راس عز الدين وقال لفاطمه * مش عايزك تزعلي نفسك انا عارف ان زعلك مش بايدك ولكن اتاكدي أن فريده هترجع وبخير كمان
فاطمه * يارب ياسيف يارب خلي بالك من نفسك
سيف * حاضر سلام ولو أحتاجتوا حاجه كلموني ماشي
فاطمه * حاضر يايبني وسيف مشي وفاطمه أتنهدت بحزن
عزالدين * احنا قلنا ايه يا فاطمه أدعلها وبلاش دموع
فاطمه * حاضر يا عز مش هعيط بس هاتلي بنتي
عزالدين * حاضر يا فاطمه بنتك هترجع
عند زين دور كتير وفريده برضو ملهاش اسر فكر مين يكون ليه ايد في أختفائها وخرجه من تفكيره علي صوت الفون وكان المتصل رقم غريب وزين فتح وقال ألو مين
المتصل * لو عاوز سلامة أختك تعالي في المكان اللي هقولك عليه ومن غير ما تقول لحد
زين بعصبيه * أنت مين واختي فين اقسم بربي لو مسيت شعره منها لخليك تحفر قبرك بايدك
المتصل * اهدي يا شبح أختك هتفضل كويسه لو انت نفذت اللي قلتلك عليه ومعلومه صغير فونك متراقب اي مكالمه لاي حد هنعرف
زين * أخلص العنوان فين
المتصل * براحه يعم العنوان ...........
زين * تمام عارفه
المتصل * هتروح هناك وحد من رجالتنا هياخدك لختك وقفل
زين أقسم بربي ماهرحم حد كله الا عيلتي يا شوية كلاب وساق بسرعه جنونيه وراح علي المكان
عند سيف في مكتبه بيمضي علي ورق الصفقه الجديده ونده علي السكرتيره وخبطط ودخلت
مدام عليا* أيوه يا مستر سيف
سيف* الغي كل المواعيد النهارده وورق الصفقه انا مضيت عليه بلغيهم بالموافقه ونادي علي سكرتيرة مستر زين
مدام عليا * فريال لسه ماجتش يافندم
سيف* ازاي يعني هو شغل ولا لعب عيال دا لسه تاني يوم وبتتاخر ماشي شوفي شغل زين لو فيه حاجه مستعجله هاتيها أشوفها عشان هو مش هييجي النهارده
مدام عليا * تمام يافندم وخرجت وهي مستغربه سيف هو بالعاده مش بيتعصب ولا بيلغي مواعيده وكمان مستر زين برضو مش بيغيب. وسالت نفسها ياتري فيه ايه وأقطعت تفكيرها لما وصلت مكتب زين وعملت اللي سيف طلبه منها وبعد شويه خلصت وطلعت ومشت علي مكتب سيف ولقته خارج بسرعه من المكتب
مدام عليا * بشمهندس سيف انا جبت الورق
سيف باستعجال* بعدين بعدين ومشي ومدام عليا وقفت شويه وبتقول لنفسها هو في ايه واحد غاب والتاني قال كلمتيني ومشي ربنا يستر
عند سليم بعد ما كلم ساره باليل وقفل دور تاني عليها وأفتكر أن المكان أكيد فيه كاميرات ورجع الجامعه تاني وراح عند المكتبه وطلب يفرغ الكاميرات بس ملقاش اي شي ممكن يفيده ورقم غريب رن عليه ومردش أول مره والرقم رن تاني ومع اصرار المتصل سليم أتجبر يفتح وفتح وقبل مايرد المتصل أتكلم وقال * هديلك عنوان تيجي لوحدك عليه ومن غير ما حد يعرف وال حياةأختك هتكون في خطر
سليم * أنت بتقول ايه واختي فين أقسم بربي
المتصل بمقاطعه * اهدي كده علي نفسك وبلاش حلفان وتضييع وقت هتيجي وتشوف اختك فين العنوان اهو ٠٠٠٠٠٠٠٠٠٠٠ ويويلك لو حبيت تتذاكه وعرفت حد لان ساعتها أختك هتكون مع الاموات ومنتظرش رد وقفل
سليم بعصبيه ووعيد* أقسم بربي لو مس شعره منها مهيكفيني فيه موته وقطع كلامه وساق بسرعه عاليه وراح للعنوان وتفكيره مشغول بسيلاه والف فكره وفكره بتارده ومش عارف هيروح يلاقي اخته باي وضع او باي شكل وبيسال نفسه مين ده طيب لو خاطفها هيطلب فديه ليه مطلبش فلوس او حاجه وتفكيره وصل للاشي ومفيش اي اجابه علي أسالته
الي هنا وانتهي البارت ما بين أنتقام ... ووعود..... فرحه...... وتحدي..... أنقاذ..... وخوف
توقعتنا بقي يا مونثات
ياتري مين رن علي سليم وزين وهل ده ملعوب من المقنع ولا حازم عرف انهم أخواتهم وهيرجعهم
أيه اللي حصل مع فريال وايه اللي عرف ياسين بمكانها وهل ياسين هيتجوز فريال فعلن وبيحبها ولا عمل كده في وقت عجز
فريده وسيلاه هيكون ايه رد فعلهم لو شافوا أخواتهم وهل ممكن يرجعوا لحياتهم الطبيعيه زي لاول ولا هيكون فيه خطر عليهم
شريف المحمدي مختفي فين كل ده وهل أختفائه هيكون عادي ولا هيكون بيجهز ل أنتقام جديد من زين
رواية جمعنا القدر صدفه * بقلمي $🦋🥀منار عبدالسلام سعد 🦋🥀