روايه جمعنا القدر صدفه

البارت الثالث عشر 🤩

رواية جمعنا القدر صدفه  البارت الثالث عشر
بقلمي/《☆ °~°☆منار عبدالسلام ☆°◇°☆》♧💕💕💕💝💝💝❤️❤️❤️
عند زين وصل هو وسيف للعنوان وطلعه علي السلم وزين خبط ومحدش بيرد
سيف* يعني ماحدش فتح
زين* اصبر شويه وسمع صوت  حد من جوه بيقول *دقيقه من فضلك انا جايه
زين في نفسه انا حاسس اني سمعت الصوت دا قبل كده بس فين مش عارف
سيف* يازين سرحت في ايه
زين * لا ولا حاجه وشويه والباب فتح وزين أتصدم وقال بدهشه انتي
ساره  في نفسها *ياربي كانت ناقصاه دا كمان ياتري جاي ليه ورجعت للواقع وقالت حضرتك عاوز حاجه
زين* الاول قوليلي مالك
ساره وسيف *نعم
زين* أقصد يعني صوتك بيقول انك معيطه
ساره*لا مفيش حاجه بس حضرتك جاي ليه اقصد يعني بشمهندس عزالدين كويس
سيف*انا مش فاهم حاجه انتوا عارفين بعض منين وحضرتك تعرفي بابا منين فهموني
زين* دا موضوع طويل المهم أختك فين
ساره*أختي وحضرتك عاوز سيلاه ليه
زين * عاوز أسالها علي فريده اختي
ساره بدموع حبيسه* سيلاه مش هنا من ساعة ماخرجت للجامعه  مرجعتش
زين* يعني ايه اختك خرجت مع اختي اقسم بربي لو اختك كانت السبب في اللي بيحصل ده مهتعرفي هعمل فيكم ايه
ساره* شوف حضرتك متقعدش كل ما تشوفني تهددني وبعدين ايه علاقة سيلاه باخت حضرتك
زين* أختي صاحبت اختك وخرجت معاها من الجامعه ولحد دلوقتي اختي مرجعتش وبرن علي اخت حضرتك مش بترد يبقي أيه
ساره* وليه مايكونش العكس وليه أصلا مايكونش ان الاتنين في مشكله ليه حاطط الوم كله علي اختي
سيف* اهدوا احنا دلوقتي مش عارفين مين مشي مع مين وأنا أسف يا أنسه بالنيابه عنه
ساره  بهدوء * لا مفيش داعي للاعتذار  وسمعت صوت من وراها وكانت والدتها
سعاد باستغراب * مين يا ساره ده وسيلاه فين لحد دلوقتي
ساره مسحت دموعها بسرعه وقفلت الباب سيف استغرب وزين جز علي اسنانه بغضب وغيظ ونزل وسيف وقف مكانه مش عارف ينزل ولا يقف
اما عند ساره
ساره بتوتر  * دا واحد يا امي كان بيسال علي حد وقلتله العنوان غلط
سعاد * طيب مالك وشك مخطوف كده وخايفه واختك فين مش في اوضتها
ساره* سيلاه عندها محاضرات متاخره فهتبات في سكن الجامعه النهارده
سعاد* ومن قمته وهي بتبات بره حتي لو في سكن الجامعه ياساره وسليم فين هو كمان وازاي يسمحلها تبات
ساره* سليم في شغله أكيد
سعاد وقد راودها الشك* طيب يا ساره أنا هروح أريح شويه وانتي أتصلي باخوكي شوفيه
ساره * ماشي بس ممكن انزل اجيب حاجه من السوبر ماركت اللي جانبنا
سعاد باستغراب* هتنزلي دلوقتي الليل دخل يا بنتي
ساره * جه علي بالي بقي يا سوسو هنزل وهاجي علي طول  يله سلام وخرجت بسرعه
سعاد * أهربي يا ساره مسيري اعرف مخبيا ايه
عند فريده وسيلاه
فريده بدهشه* مش معقول
سيلاه باستغراب * أزاي
الشخص  باستغراب هو كمان * أنتو
سيلاه * باشمهندس  حازم حضرتك بتعمل ايه هنا واحنا هنا ليه اصلا
فريده*  سيلاه هو انتي عارفاه منين
سيلاه * دا موضوع طويل أنتي عارفاه منين
فريده بشويش * دا الراجل بتاع المول
سيلاه * بجد
فريده هزة راسها بنعم وحازم واقف متابعهم وساكت ومش عارف أيه اللي جابهم علي الطريق ده ولا ايه علاقتهم بالمقنع وبعد شويه أتكلم
حازم  بص علي فريده وبيقول في نفسه  كنت عايز اشوفك تاني وأديني شوفتك لما أشوف هتعملي فيا ايه تاني* ورجع للواقع علي صوت
فريده * هو احنا هنا ليه مش معقول هتخطفني عشان خبط فيك في المول
حازم ضحك وفريده وسيلاه أستغربوا
فريده بغيظ * حضرتك بتضحك عليه
حازم* أسف بجد أسف بس اصلا موقف المول انا نسيته
فريده زعلت وقالت من غير وعي يعني انت مش فاكرني وقبل ما تكلم كلامها سيلاه ضربتها في كتفها عشان تفوق وفريده حمحمت بحرج وقالت أقصد يعني لو مش عشان خبط فيك فعشان ايه وفين شنطنا
حازم * حاجتكم موجوده وانتو مش مخطوفين ولا حاجه ونده علي أدهم يجيب الشنط  وبعد شويه جاب الشنط
حازم * اهي شنطكم شوفو لو ناقص حاجه
فريده وسيلاه شافو شنطهم وهزو روسهم بمعني مش ناقصه
حازم * طيب تمام كده
سيلاه * طيب يا بشمهندس حازم بما اننا مش مخطوفين أحنا هنا ليه  وفي أيه بالظبط ممكن تفهمنا
حازم * حاضر وحكي ليهم باختصار اللي حصل وانهم كانوا هيتخطفوا فعلن بس من رجالة المقنع  وادهم لحقهم في الوقت المناسب 
سيلاه  وفريده  باستغراب وبلاهه * المقنع وده يطلع مين
حازم * دا شخص ملكوش دخل بيه بس اللي عايز اعرفه أيه اللي حصل معاكم وليه كنتوا واقفين في المكان ده
سيلاه  * بدات تحكي ورجعت بذاكرتها لوقت مكانت وقفه مع فريده بعد مخرجوا من الجامعه  وفريده اصرت تصور المكان اللي فيه شجر
فريده  بتصور ولفت انتباها ناس واقفه بس الرؤيه كانت مشوشه فقربت شويه وطابعا فريده بتصور بحرفيه عاليه فقدرت تشوف اللي بيحصل من مكانها واتصدمت من اللي شافته وادت الكام لسيلاه
سيلاه * يا الله  دول معاهم سلاح كتير اوي وايه اللي معاهم دا كمان  دا حد خاطفينه
فريده يله نمشي بسرعه  شكلهم يخوف
سيلاه  * لا مش هنمشي صوري لما نشوف هيعملوا ايه وايه اللي في الصندوق ده بس صوري فيديو يمكن نسمع حاجه
فريده  بتردد* ماشي وبدات تصور وفجاه شافوا عربيه جايه. عليهم مش عارفين منين وظهرت واحده تاني وبدا  ضرب النار
فريده  بصراخ * في ايه انا مش عايزه أموت كده
سيلاه  خافت ومش عارفه تعمل وايه فليم الاكشن اللي دخلو فيه ده فقررت تجري ومسكت ايد فريده ولسه هتجري بس شخص زقهم بسرعه في العربيه ورش علي وشهم حاجه  وبعدها  فقدو الوعي ولما صحيوا لقو نفسهم في المكان ده
سيلاه  *  بس هو ده اللي حصل
حازم  * طيب الكام دا فين
فريده * أهي بس عايزها ليه
حازم  * هشوف اللي صورتوه أكيد ليه علاقه بيهم
عند فريال 
أتوضت وصلت وأتحملت علي نفسها وغيرة هدومها ومش عارفه تعمل ايه وفكرت ان احسن حل يريح قلبها هو القران عايزه تحس بالامان والحمايه والقران هيطمنها فجابت المصحب وبدات تقرأ ووأقعت عينها علي اية
(وعسي ان تكرهوا شي وهو خير لكم وعسي انت تحبوا شي وهو شر لكم ) فريال لنفسها *يمكن دي اشاره  ليا من ربنا  انا هرضي بقضاء ربنا ليا يمكن  فيه خير  وانا معرفش يارب أنت عالم بيا اللهم  اني وكلتك امري واعوذ بك من شر نفسي  يارب أختر لي ولا تخيرني فاني لا أحسن الاختيار  وسمعت صوت بره وقامت  وسيد دخل عليها وبيقول ببرود
كويس انك غيرتي والا كان ردي مش هيعجبك
فريال  بدموع حبيسه  وقهر* انا موافقه بس حسبي الله ونعم الوكيل
سيد بغضب وراح عندها وضربها علي وشها  *  بقي بتحسبني عليا يا قليلة الربايه صحيح مانتي تربية ملجأ  متعرفيش حاجه  عن التربيه
فريال بذهول* ملجا أيه كمان قولي انا مين بدل مانت كل شويه تقولي حاجه  جديده
سيد  في نفسه غبي أطلع منها ازاي بقي لو أكتشفت الحقيقه  مش بعيد تهرب ولا ترفض وتضيع عليا المصلحه بس مفيش غير اني اقولها كلمتين هي عبيطه وبتنسي بسرعه ورجع للواقع وبنظرات ماكره وزعل مصتنع  انا اسف يا فريال أنتي اختي حببتي ودي كانت زلة لسان مش اكتر سامحين دانتي غاليه عندي
فريال  لفت باستغراب  ومتكلمتش وسيد مكمل  انا غرضي أسترك والمعلم جمعه راجل وشريكي وهيحطك في عنيه
فريال * بس كبير عليا ومتجوز وانا مش عايزه اتجوز كده
سيد * كبير ايه بس الراجل بصحته وفلوسه وهو ماشاءالله  كامله من مجميعه وبعدين تردي أكون صغير في نظر المعلم ومش قد كلمتي
فريال * وهو انت كده مش صغير وانت بتبعني
سيد بعصبيه* انا بتحايل عليكي ليه أصلا  أنا غلطان اني بعاملك حلو يله قدامي الناس بره
فريال * حرام عليك ليه كده لو لو لي خاطر عندك ولا أقلك بلاش خاطري عشان خاطر ماما وبابا  متجوزنيش كده
سيد* بصي يا بنت الناس هي كلمه مش هعدها هتتجوزي المعلم جمعه  ورجلك فوق رقبتك ما انا مش هفضل في الهم ده كتير  يله قدامي
فريال  بصت قدامها والدموع ملت وشها وغمضت عيونها بالم وياس  وأستسلمت لرغبة أخوها   ومتكلمتش لانه خلاص قلبه بقي حجر  ومها تقول هو مسر علي جوازها وأتحركت  لمصيرها المحتوم  
عند زين بعد ما نزل من عند ساره خبط علي العربيه بعنف وغضب ومدايق من ساره ومن قلة ذوقها  وسيف نزل وراه  وزين بيقول بعصبيه انا تقفل في وشي الباب والله   لوريها مين هو زين المالكي
سيف * أهدي يا زين مش كده يمكن مكنتش عاوزه امها  تشوفنا ولا حاجه  بلاش تظلمها
زين بتهكم *  تصدق وسمع صوت ساره من وراه
ساره  *  يا بشمهندس  لو سمحت  زين لف وقال بتريقه خير جايه تطردينا من هنا كمان عموما احنا ماشيين ناس عديمة ذوق
ساره  اتعصبت من تريقته وشتيمته ونفسها تضربه ولكن  ردت بعكس اللي جواها   وقالت بهدوء شوف حضرتك انا جيت عشان اعتزر لكم عن تصرفي انا مكنتش  عاوزه ماما تعرف ان سيلاه مش لقينها عشان هتتعب فاطريت اقفل الباب عشان متشفكوش  فانا أسفه
زين بتريقه وهو بيشاور علي ساره من تحت لفوق * لا والله  شوفي أحترامك وهدوئك والدور اللي أنتي عايشه فيه ده ميخلش عليا  ماشي في الاخر كلكم زي بعض 
ساره *   براحتك شوف اللي تشوفه عموما انا جيت عشان أتاسف  وواضح اني كنت غلطانه واه انا مش زي حد 
زين هيرد بس سيف منه * خلاص يا زين ملوش داعي الكلام يله نشوف فريده  فين
زين * ماشي انا هوريك مين زين المالكي  سلام يا قطه  ومشي لعربيته
سيف* انا بتاسفلك مره تانيه زين مكنش كده بس
ساره  بمقاطعه * انا ميهمنيش أعرف عنه  حاجه   عموما  انا بتاسف لحضرتك  عن اللي حصل واتمنه تفهم أخوك أنه ميكلمنيش بالأسلوب  دا تاني  بعد أذنك
سيف * أتفضلي
في قصر  المالكي
عزالدين  باستغراب *  أمال فريده فين يعني مجتش تقعد معايا زي كل يوم
فاطمه  * هو يعني
عزالدين * هو ايه يا بطه ومالك ياحبيبتي  أنتي معيطه في أيه
فاطمه  بضحكه  حزينه * مفيش حاجه  يا عزالدين   دا رمش دخل في عيني
عزالدين * رمش ايه يا فاطمه هو انا عيل هتضحكي عليه قوليلي في أيه ولا عشان  مش بمشي مش حاسبين وجودي
فاطمه * لا والله  يا عز الحكايه  ما كده بس  أحنا مش عايزينك تزعل
عزالدين * وهو عشان مزعلش تخبوا عليه في ايه
فاطمه  بدموع * فريده  يا عز لسه لحد دلوقتي  مرجعتش من الجامعه  وانا قلبي مش مطمن وسيف وزين محدش اتصل منهم لحد دلوقتي
عزالدين  بثبات عكس الخوف اللي جواه * يعني انا اخر من يعلم هو انا مش أبوها يا فاطمه
فاطمه بدموع * سامحني  والله  انا رفضت اقولك عشان متزعلش والزعل وحش عليك
عز الدين * يمكن راحت تجيب حاجه  ولا مشت مع حد من زمايلها
فاطمه * لا  يا عز فريده  كانت بتقولي لو هتتاخر انا خايفه  يكون حد خطفها ولا عمل فيها حاجه
عزالدين * أن شاءالله  خير تعالي ساعديني نتوضا ونصلي ركعتين قضاء حاجه  وندعي ربنا يرجعها بالسلامه  وأمسحي دموعك دي 
فاطمه  * ماشي يله
عند المقنع
كان قاعد علي الكرسي وجنبه الحراس بتوعه وفيه واحد قدامه ومنزل راسه لتحت  وبيقول بخوف
يا باشا العربيه جات في ثواني واخدتهم
المقنع  بعصبيه * يعني ايه خدتهم أنت واعي للي بتقوله
الحارس* يا باشا  أنا
المقنع *أنت هتهته مشغل معايا  شوية حمير مش عارفين يخطفو بنتين غور من قدامي  وبكره القي كل المعلومات  بتاع البنتين  دول عندي وتعرف مين اللي خدهم  والا مش هتعرف ايه اللي هيحصلك غور في داهيه يله حرقت دمي
الحارس* حاضر يا باشا
المقنع  بشر * لما أشوف مين اللي أتجراو وهيعطلوا شغلي
الي هنا وانتهي البارت أتمنى  يكون نال اعجبكم
توقعتنا  بقي يا حوريات الجنه ❤️💝❤️
زين هيعمل ايه في ساره وهيوصل لفريده ولا لا
ساره  هيكون ايه حالتها بغياب توامها وهل  بعد كلامها مع زين هتعالج عزالدين  ولا لا
سيف أيه المفاجاه  اللي في انظاره وهيكون ايه رد فعله
سيلاه  وفريده  هل حازم هيقدر يحميهم ولا المقنع هيوصل لهم
فريال  رضت بالجوازه فهل حد ممكن ينقذها ولا خلاص هتتجوز وهل هي تربية ملجا ولا دا كلام وخلاص ❤️💔❤️
《رواية  جمعنا القدر صدفه》☆°~°☆ / بقلمي  {منار عبد السلام سعد }
.