Spring Blooms [MM Translation]

Prologue

မက်မွန်ပွင့်များ၊ ဇီးသီးပန်းများသည် နွေဦးရာသီကို ကြိုဆိုနေသကဲ့သို့ အကိုင်းအခက်တိုင်းတွင် ဖူးပွင့်နေကြပြီး လေထဲတွင် သာယာစွာ ယိမ်းနွဲ့နေသည်။

နွေဦးပန်းပွင့်များက တောင်တန်းများနှင့် လယ်ကွင်းများကို လွှမ်းခြုံထားသည့် ဖေဖော်ဝါရီ အချိန်ကာလဖြစ်ပြီး ရာသီတစ်ခုအား စင်စစ် သရုပ်ဖော်ပြသနေသည် ။ လူ‌သူကင်းမဲ့သောကုန်းမြေတစ်ခု၌ အထီးကျန်သော သင်္ချိုင်းကုန်း မြေတစ်ခုသည် ပြန့်ကားနေသော နွေဦးပန်းပင်၏ အကိုင်းအခတ်များအောက်တွင် ပုန်းကွယ်နေပြီး ကမျည်းကျောက်စာတိုင်မရှိသည့်တိုင် နွေးထွေးမှုကင်းမဲ့နေသည်ဟု မခံစားရချေ။

နှင်တံကို ကိုင်ဆောင်ထားသည့် လူတစ်ယောက်သည် မြေပုံတစ်ခု ရှေ့၌ ရပ်နေသည်။။ အနက်ရောင်နှင့် ငွေဖြူရောင်ရှိသည့်၀တ်ရုံကို ဆင်မြန်းထားပြီး နှင်းဆီပန်းခြောက်ရနံ့များ သင်းပျံ့နေသည့် ဇီးသီးရောင်အဆင်းရှိသည့် အမွှေးနံ့သာအိတ်ကို ခါး၌ ချိတ်ဆွဲထားသည်။ မြင့်မားသော မြင်းဖြူတစ်ကောင်သည် အနီးနားတွင် ကျက်စားနေပြီး ချောမောသောလူငယ်တစ်ဦးသည် အနည်းငယ်‌ ဝေးကွာသောနေရာ၌ စိတ်ရှည်စွာ စောင့်ဆိုင်းနေကာ တစ်ခါတစ်ရံ သင်္ချိုင်း‌ မြေပုံဆီသို့ စိတ်မသက်သာစွာ လှမ်းမျှော်ကာကြည့်သည်။

ထိုယောင်္ကျားက တစ်စုံတစ်ခုကို ထိတွေ့ရန် ကြိုးစားနေသကဲ့သို့ သူ့လက်ကို မြှောက်လာခဲ့သော်လည်း ချီတုံချတုံဖြင့် ပြန်လည်ရုပ်သိမ်းလိုက်သည်။ သူ့မျက်လုံးများက ရှုပ်ထွေးကာ မပြောပြနိုင်သောစိတ်ခံစားချက်များကို ဖော်ထုတ်ပြသနေပြီး မကြာမီ ပြင်းထန်သည့် နာကြည်းမှုများဖြင့် အစားထိုးသွားသည်။

" အဲဒီမိန်းမ၊ သူ သေဆုံးဖို့က လွယ်ပါ့မလား "

သူက ပြုံးလိုက်ရင်း ရုတ်တရက် ပြင်းထန်သည့် ထိုးနှက်ချက်ဖြင့် သင်္ချိုင်း‌ကို ရိုက်ချလိုက်သည်။ တခဏအတွင်းမှာပင် ပန်းများလှုတ်ခတ်ကာ အကိုင်းအခက်များကျိုးသွားပြီး ရွှေရောင်ပန်းပွင့်လွှာများသည်လည်း လိပ်ပြာများကဲ့သို့ တဖျပ်ဖျပ် လွင့်မျောကာ ကြွေကျသွားသည်။