وردة هارون

1

گالس واحد الطفل تكون عندو 12 لسنة جنب واحد الرضيعة كيلعب معاها وهي كتحرك رجيلاتها بطفولة لابسة لبيسة غوز جات كيوت وحنيكاتها مطيبزين هاز واحد اللعبة ديالها كيلعب معاها و هي كضحك بطفولة و كتقلب عويناتها لي ورتاتهم من ماماها وهو حاضيا كيتأملها حتى باسها فشفايفها

.... :كبري دغيا اريحان باش نتزوجو

_______________

_بعد 17 سنة_

كيوت فحي شعبي من أحياء مدينة فاس العاصمة العلمية كتبدا قصتنا.
مكسلة فوق ناموسية غارقة فالأحلام وضاربة الدنيا بركلة الناس مشاو لخدمة و رجعو و بطلتنا لا شغل لا مشغالة حاضيا غير النعاس بسيف وهي عاد دوزات لباك وكترتاح قالك واخا عارفة راسها ممطفراهش حتى كيتسمع دقان بجهد فالباب هزات مخدتها حاطاها على ودنها ساعا والو دقان عاد مكيزيد يجهاد ناضت طافجة معاجبها حال غير كتنغر وتسب وهي هابطة من دروج متاجهة للباب.

وردة: يعطيكم دقة ها انا جاية هرسوه حسن بغيت لمكم لgرد لدوك ليدين.

حلات لباب بزعافة وقندورتها طالعة واصلة فوق ركبتها شوية و شعرها شاد ريزو لقات قدامها ولد الجيران عندو ديك 13 لعام.

زكرياء : الزين عاد فايق من نعاس راه جوج هادي ابنت عيشة.

وردة: ونتا مالك دخل سوق جواك لاش مصدعني فهاد الصباح وزيد عليها داك الدقان متعرف بنادم مريض و لا خاصو الراحة اوا طلقنا اش باغي.

زكرياء : جيت نخطبك الحب.

وردة بقات كضحك وهي شادة جناب وقندورتها بديها لمصبوغين بالحمر.

وردة: راني قد خالتك أولدي طلقنا دغيا ولا سير تقود  مزيان تبارك الله.

زكرياء : صافي سمحي لينا ازين زعما خالتي.

وردة: يخويلك الجناب دور تقود.

يلاه بغات تسد لباب وهو يقولها. زكرياء :غير شفتك وانا ندوخ نسيت سبب الرئيسي لاش جيت المهم اختي وردة راه لخوادري ديالك شدوه صحاب الحال دابز هو ولد الرقية بالحبيبة الطويلة فراس الدرب.

وردة : اويلييي على لمسخوط وقعات ليه شي حاجة بعدا

زكرياء : اودي هاداك راه روبال وأجرك على الله راه شد ولد رقية قسمو شوية و يموت ليه دري فيديه ولكن هاد لمرة خوك راه مشا فيها بالمزيان.

وردة : هو لي كيديرها لراسو خليه يموت تما انا مالي سير راه عيشة لتحت قولها ليها نمشي نكمل نعاسي.

زكرياء: راه مي سخراتني نجيب الخبز راه غير دزت عندكم عرفتكم مسايقين خبار سيري قوليها لمك اما انا مشغول هاد الساعة ازين.

مرداتش عليه وردة سدات ليه لباب فوجهو وهي كتنغر دازت لبيت لي حدا لباب غير فتحات لقات مها gالسة فالأرض وحدها واحد المجمر ومضلمة لبيت واحد المرة gالسة من جيها لوخرا نسيت ماقلت ليكم مي شوافة و خويا بزناز عائلتنا جامعة gاع الدنوب فهاد الدار اوا الله يهديهم اما انا شادة تيقايري وداخلة سوق راسي مندير لا بدية لا برجلية غير كنضحك دابا تعرفو وردة بنت عويشة مزيان.