وردة هارون

6

_فلاش باك_

فاش كانت بطلتنا ضارباها بنعسة فلوطو ديال هارون كان هو و لالة عيشة كيتجمعو.

هارون: الحاجة اش عند عدوزتك واش شي مرض خايب.

عيشة: عندها لقلب اوليدي ايه يا ليام كانت تضل تنگر عليا و تسمعني خل ودني و انا كنت صغيرة غير هبيلة كانت مدوزاها عليا بعدا اوليدي يا هارون متعيطش ليا حاجة مزال محجيت.

هارون: اوا لالة عيشة عندي ليك شي كلام إلى جا على خاطرك.

عيشة: غير هدر اوليدي.

هارون: انا كنت عايش فإيطاليا قليل فين كنت كنجي لهنا كنطل غير على الوليدة و خوتي ونرجع ( كتسمع ليه بتركيز و كتهز راسها بإهتمام وخلاص بطلتنا فدار غفلون) كانت هادي واحد خمس شهور كان صونا عليا خويا قال ليا بلي غير غادي نرجع غادي يزوجو ليا بنت عمي و انا عارف الوليدة غادي تلوي ليا يدي منقدرش نعصي كلامها.

عيشة: وانا شنو مطلوب مني اوليدي.

هارون : زعما نتضاهر انا وبنتك بحالا مخطوبين و لا انا داوي فيها (عيشة حلات فيه عينيها) غير هاد ليلة فين غادي تبقاو عندنا موراها غادي نقول ليهم سافرات.

عيشة : وعلاش نتا مباغيش تزوج.

هارون: من حقي انا لي نختار لمرة لي نكمل معاها حياتي اولا هوما بغاو يفرضو عليا وحدة لي كنت كنعاملها بحال ختي وانا كنواعدك الالة عيشة غادي نخلص تكاليف عملية عدوزتك و نصيفطك تحجي.

عيشة:اوا اش غادي نقولك اوليدي انا من عندي نبغي نعطيك الموافقة ساعا هاد بنت الهم لي عندي والله لابغات كون هاني انا غادي نقرصها.

هارون: انا مبغيتكش ترغميها على شي حاجة مباغياهاش.

عيشة : متخافش اوليدي بنتي و انا عارفاها.

هارون: صافي لي بان ليك الالة عيشة

_عودة_

عيشة : أويليي على أصدقاء ولدكم راها داوي فبنتي.

كلشي شاف فيها مصدوم وانا كتر السيدة دغيا رجعاتني مخطوبة  غدا تقول لك حاملة شفت كلشي كيشوف فيا مرگت بلاصتي يلاه بغيت نطق نشرح ليهم سوء تفاهم وهي دير ليا شوفات ديال لقتيلة و انا نضرب الطم ضرت شفت فهارون لقيتو حتى هو حاضيني مدايها فحد من هادو لي هنا بحالا غير انا وياه لي كاينين سهيت فعينيه حتى خرجني من سهوتي صوت واحد لمرا گاورية گالسة وسطهم حتى هي زعرة باينة مت هاديك وجه بودارع(سراق الزيت).

كارلا(كتشوف فالأم ديال هارون) : اوه مون ديو حنان شهادشي مفهمت والو ياك ولدك غادي يتزوج بنتي و تافقنا على كلشي شكون هادي لي جايب ولدك.

بقيت حاضية لفيلم مكرهتش نوض نريشها نمرمد بيها لرض ساعا شديت الركنة مبغيتش نخرج نيابي قدام لموسيو لي راه من صباح وهو حاضيني بقالي غير نعطيه التصويرة خلاص ديك الزعرة لي سولات على نوع علاقتي انا ولموسيو راها شادة البكية اممم هادي هي لي بغات طير ليا براجل لقيت ديك الزعرة مازالة كترعرع على ماين لموسيو حتى نقزات نبع الحنان جاوبتها.