صافي طلعت تاني لسطح نشرت لغطا و هبطت البيتي بدلت عليا لبست قندورة وخليت شهري مطلوق و نزلت ذا عندي نهار ناضي بقيت گالسة بحال الأميرة الكأس هو لخر مكنهزوش هاد الرفاهية كنشوفها مرة فالعام هي نهار عيد ميلادي و نيت فالليل تهليت فراسي غير كنطلي فالماسكات منعست حتى لفجر.
_بعد اسبوع _
ليوم هو النهار لي غادي نمشيو فيه الكازا فرحانة لحاجة وحدة هي غادي نتبحر مع متقدرش دوزي الصيف فاس بحالا راك فجهنم الكحلة الله يستر فقت فصباح كاعية نوضاتني عويشة مع تمنية و انا سهرت البارح نضت ضربتها بتدويشة ساليت ولبست واحد الكسوة البيض نص كم واصلة لتحت ركبتي شوية درت شوية ديال الماكياج مبغيتش نعيق باش مينوضش ليا صاحب دعوتي، طلعو شي وحدين خدامين مع خويا هوما نيت شي ولاد من دربنا هزو البليزات مع انا رحلت بيتي كامل مخليتش شي حاجة مجبتهاش صافي هبطت قالك هونا فطرو درت خبيزة فيها زيت خارجة و انا كناكل صراحة جاتني البكية غادي نتوحش دارنا و دربنا و ناسو مشيت لصالون لقيت عيشة كتجفف و حنا عاد ضربنا تسييقة لدار حتى طاحو ليا الكتاف.
وردة: معييتيش امي اوو بزاف اصلا داك صعصع ديال ولدك غادي يجي يحيح علينا إلى تعطلنا.
عيشة : خليني نقاد الدويرتي غادي توحشها اصلا خوك طرا ليه شي شغال مشا يقديه و غادي يتعطل شوية.
وردة (فرحتتت) : اوا هي نمشي نقاد شعري عند حليمة اوا طلقي شي عشرين درهم اعويشتي شوفي شعري بحالا ضارب الضو خليني زعما راني مسافرة.
عيشة: سيري هزيها من البزطام راه محطوط حدا الجلابة.
وردة(بحالا قالت ليا هاكي لورت) : الله يخليك ديما فرحانة الحب.
صيفطت ليها بوسة فالهواء و هي بقات كضحك مشيت جبت عشرين درهم و نيشان للوجه ديال صالون حليمة أشهر صالو عندنا فالدرب و اصلا مولاتو حليمة شابعة خبيرات كتر من صفية اصلا هوما مكيتحاملوش ههههه قالك وحدة كتسرق خبيرات لخرا اصلا حليمة گاع الكليانات ديالها كيعاودو ليها قصة حياتهم هههه و انا منهم حيت زغبية كتعرف تسل ليا لساني ما علينا دخلت ملقيتش صالون عامر بزاف غير سي تلاتة ديال البنات مشيت سلمت على حليمة امرأة فبداية التلاتينات صافي شديت فبلاصتي و بقات تقاد ليا بروشينغ و هي تعاود ليا فلانة دارت فلانة فعلات فرعات ليا راسي نسيت مقلت ليكم حليمة تموت و توفى على خويا واخا هو صغر منها بلات سنين كتحماق عليه و خلاص انا دايما كنستغل غادي دابا تشوفو كيفاش صافي سالات ليا وحات وقت لخلاص.
حليمة: عندك ازين 25 درهم.
وردة : نسيت مقلت ليك احلومة قال ليا عماد بلي نتي متجيه ضريفة قال ليا بلا منخلصك حتى يجي هو برجليه ( غمزتها) راكي عارفة باينة جبتيه٢الزغبي باينة فعينيه.
حليمة( ماقداتها فرحة) : الله يفرحك كفما فرحتني على هاد الخبيرة نخليك عام متخلصيني ازين.
أنت تقرأ
وردة هارون
Humor⚠️ممنوع النشر⚠️ سلاممممم الزينات جبت ليكم واحد لالة مولاتي قصة🖤 جامعة من كل فن طرب✨✨غادي تحماقو عليها وهي أول كتاباتي نتمنى تعجبكم.💗🎉 مجموع فيها كلشي ضحك والنشاط والتفرشيخخخ و الرومانسية المافيا و التبزنيز وزيد وزيد...💥 العنوان# وردة هارون بقل...
