وردة هارون

3

خرجات كضور فالدرب دابا الدنيا عامرة ماشي بحال لبارح العيالات مجعين حدا البيبان شادين الحديت و لبراهش كيتغاوتو و يلعبو كورة و شماكرية غير مشتتين و مدابزات مرة هنا مرة لهيه، دايزة وهي شادة فعبايتها حيت طويلة مشات عند مول الحانوت هو لول.

وردة: حسن الله يحفضك ارا السميدة.

حسن مول لحانوت: هي عيشة ناوية دير لينا الحرشة ليوم بغيتي الغليضة ولا الرقيقة.

وردة(بقيت غير كنقلب عيني هاد السؤال صعب من الوطني كامل) : اودي ارا لي كان بعدا حسن شد مرتك عندك كل مرة داخلة مدرمة عندنا لدار حاضية غير التبرگيگ الله يستر.

حسن: هادا هو حالها وحال عيالات درب كتبقا بوحدها فدار كتقنط.

وردة: تنوض دير شي حرفة تعلم لي خياطة ولا الحلويات بلاصة متدي ذنوب عباد الله.

صافي بقيت مجمعا مع حسن حتى قلبتها لمول خمسة الدراهم دخلت وخلاص كان عامر بالبنات كيشريو ماكياج بخمسة دراهم كيضيعو وجههم انا نخاطر بكلشي الا وجهي حبيبي. دزت ضربت جوج شيبسات و بواطة ديال طون ودرت عند حمزة باش نخلص حيت هو لمحال ديال باه الله يرحمو اوا هو كيترزق بيه دابا واخا هو راه واحد لعنيبة منو مكان.

وردة: واحد السلام عليكم

حمزة: هاي هاي شرفتينا و نورتينا اش هاد لغبورات بقينا شفناك ازين عندك سطاش الدرهم.

وردة: اودي احميزو راه غير مع شقا و صافي و هادشي لي بغيت نشري راه بغاه روبال.

حمزة( بقا غير كيتفتف) : بغاه روبال صافي غير ديه فابور كادو من عندي.

وردة (خارجة كضحك) : الله يحفضك العشير

مشيت طايرة بالفرحة دايما كنديرها الحمزة و كتصدق دزت من حدا مول الصندويتشات ضربت واحد خانا و بنين لدوك لفلوس لي جبت على ود مول خمسة دراهم داهم هادا هانية المهم نعمر الكريشة بقيت غادية و كناكل حتى طلاقيت مهدي ولد حميدة الخياط هادا لي عاد رجع من ألمانيا.

مهدي: وردة كبرتي و زيانيتي العفريتة هي نجي نخطب.

وردة( كنضور خصلة من شعري فيدي): منين ولداتني عويشة و انا زينة عاد شفتيني ا مهدزي.

مهدي : شفت فالزعرات حتى عييت ولكن غير شفتك نتي و انا ندوخ.

وردة: هههه باينة تما كنتي عاطيها غير لتقح*بين دابا حتى نتا غادي تولي حشايشي بحال خوتك.

مديتهاش فيه وزدت بحالي صحاب ليا غادي يرجع راجل مفيهش هاد التبرهيش ساعا صدمني صافي دغيا نسيتو و تميت راجعة بالاتي لدار حتى كنلقا قدام دار خدوج مجمعات لبنات حدا لباب و كاينة معاهم بنتها الصغيرة ماشي ديك هاجر هي حاضية غير البريكولات هههه الصغيرة سميتها فاتن وحدة فيهم عيطات ليا.