وردة هارون

7

بقيت غير كنخشي فوجهي مديتها فحتى واحد خلاص لقيت سي السيد خلا ليا بلاصة حداه مهدرتوش دايرة فيها عزة نفسي خلاص الزعرة ضربات الطم كون زادت شي هدرة كون ضربتها ليها بأحسن ترييشة هادي غير بنت عمو عساك بنت خالتو كي دايرة غير متكونش عندو حسن خليني بعدا نشطحو هادشي كامل كيضور فراسي وانا كنخشي فمي توحشت فاس دربنا دارنا بيتي كلشي فوقاش يتسالا هاد لعام اوفف صافي ساليت لفطور و نضت ونوضت ماما كلشي ناض وجات عندي الحاجة.

الحاجة زهرة: واش صافي غادي تمشي ابنيتي ( هزيت لهيا راسي مع ضحيكة فشفايفي) زوريني ابنتي طلي عليا عجبتيني رتاحيت ليك والله شاهد علاي حسبتك بحال حفداتي ( شافت فماما) دوز مرة مرة الالة عيشة غادي نتوحشوكم.

عيشة : ان شاء الله الحاجة تهلاي فراسك.

صافي سلمنا عليهم غير من بعيد و لحاجة بست ليها يديها من باب الإحترام و اصلا رتاحيت لهيا كون طلعات شي شالوطية بحال هادو نبقا غير نخنزر هزيت راسي حتى بانت ليا دكي لمرا ضريفة ديال لبارح كطل واقفة فدروج غير شافتني كنش ف فيها لوحات ليا بديها و بتاسمات بدلتها الإبتسامة صافي جمعنا لي فاليز وجينا خارجين حتى كنلقا كحل لعفطا تابعني ولد لحرام كرهتو مبقاش لموسيو خرجنا من لباب حتى وقف شد ليا فمعصمي حتى ضرت عندو خنزرت فيه.

هارون: غادي نوصلكم.

وردة(حيدت ليه يديه) : حتا م راسك اشريف عاقد عليا و انا مفخباريش إلى. كنتي نتايا من صحاب لفلوس منفتحين حنا لا.

بقا كيشوف فيا بتاسم بجنب وعقدها دغيا و بعد كيجيني بحالا عندو انفصام ولد لعبد حتى هدرات عيشة.

عيشة: لا بلاش رآه جاي ولدي غاد بيدينا راه نعت ليه هاد لبلاصة حنا معارفينش دار اصلا راه قرب يوصل.

هارون: واخا ماشي مشكل تهلاو فراسكم.

مرضيتش عليه جريت مي وزدت صافي خرجنا من داك لقصر حتى فشلو ليا ركابي و عيشة متشكات ما والو واقيلة شرفت قبل لوقت خرجنا لقينا لوطو ديال خويا باينة قادها لابس تيشورط و سروال ديال لكيطمة و tn فرجليه غير لمحنا طلعني ونزلني و عينيه حمارو حتى ماما لاحضاتها طلات عليا وبدات تويل طليت على راسي و انا نتفكر لكسوة ليوما ناكلها كون غير خليت كحل لعفطة يوصلني قرب لينا وشدني من شعري حتى قرب يطير.

روبال: درتي ضفار مقلنا باس طلقتي شعر طمرناها و سكتنا ولكن باش تلبسي ليا لعرا نخلي دار بوك شهاد تقح*بين اجمعي راسك الخوادرية غادي نوصلكم و نخرج عندي لخدمة غير نرجع تسنايني.

مطلقني حتى بديت نتغبن عليه ياكما يعفي عليا حيت عارفة راسي غادي ناكل فتلة ديال لكلاب خويا لعزيز عندو واحد لخباطات واحد نهار غير بضحك ضربني لكتفي شهر وانا فيا لحريق هز علينا لينا لي فاليز وهو عاقدهم غير كيخنزر حتى كنلقاه حل واحد لباليزة ديالي وبدا يقلب انا بديت نحمار و نصفار فيها داكشي ديال لبنات راكم عارفين لملابس الداخلية و شي لعيبات وحق الشهر  حتى جبد واحد جلابة وقالك نون يا أسود العيون منتحركو حتى تلبسيها دخلني لوطو بوحدي و خرج كيكمي جوان ماما بقات كتغطيني بالحوايج خلاص راه زاج كيبين صافي لبست ديك جلابة هي مكانتش سوقية بالعكس كانت زوينة وراقية لبست مع صندالة بلا لقيتها تم وضربت الطم بلا متسولوني علاش عيشة مهدرات هداك راه مومو دعينيها يدير لي يدير هي معاه اوا طلعنا و خلاص بقينا بحال لمرة لولة خويا لقدام حداه ماما و انا لور شدني لملل بقيت كنتفرج شوية فقسمة و نصيب داك البرنامج ديال الحب جان لملل و حطيتو و بديت حاضية شوارع كازا المكتضة و خويا غير كيسب هادا و يتعاير مع لاخور اوا صافي يدينا كندخلو فالدروبة و انا غير كنضور فعيني.