وردة هارون

2

فاقت معطلة كيف مولفة دخلات لطواليط قدات حاجتها حكات سنانها و غسلات وجها وهبطات باش تفطر.

وردة هابطة و كتكسل: عويشتي داك العجل ديال ولدك خرجوه ولا مزال فالضيافة جاوبها واحد الصوت غليض.

روبال: خرجوني باش نعطي لمك شي قتلة بان ليا توحشتي العصة ابنت الكلبة.

رجعات لور و كتهدر وهي دايرة ضحكة صفرة

وردة:خويا العزيز توحشتك بقات بلاصتك خاوية راك نتا عمارة الدار عرفتي راني فرحانةةة راها مكنبينش داكشي فالداخل ديالي.

(عماد أو روبال هو لي حاكم المسيرة وجوايه كاملين عندو معارف من البوليس و يمشي لكازا تما فين عندو الخدمة الصحيحة يسافر بزاف و كيدخل لحبس بزاف هادشي علاش بطلتنا مطلوقة و كدير لي بغات كون لقا ليها لوقت كون دارت الخيمار زعما راه مسلم عيونو كوحل وشعرو حتى هو ضخم البنية مgلدم بمعنى الكلمة داتو كاملة عامرة وشام من غير وجهو حتى عنقو عامر وصوتو غليض كيخلع) مشيت عنقتو خنقتو بغيت زعما نبين ليه قوة اشتياقي واخا انا ما عجبني حال كيكحل عليا عيشتي كان هو gالس الكوزينة كيفطر ومي كتقاد ليه الشهيوات مخلات حتى حاجة مدرتها على ود هاد لعجل بعدا راتي مزالة نعنقاه وفمو عامر بالخبز دفعني بالزعافة.

روبال:  قتليني وتهناي يخ ندمتونا بناقس من شي فطور.

عيشة: الله يهديك اوليدي gلس كمل فطورك (شافت فيا) هانتي وحلتيها لخوك هادشي لي بغيتي سيري طلعي هبطي النشير من السطح و اجي تفطري.

يلاه بغيت نبدا نتبوحط مفيا لي يطلع فهاد الشموشات وانا عاد فايقة خنزر فيا عماد واحد التخنزيرة قلت دابا ينوض يخلي دار بويا طلعت هازة السلة على سعدي ووعدي نمشي نجيب النشير غير وقفت بديت نجمع حتى كنسمع شي صوت جاي من سطح لي اونفاص.

هاجر: بس بس زين وريدة

وردة(ضرت عندها وقلت ليها بعينيا شكاين)

هاجر: منلقاش عندك شي ميتين درهم الله يحفضك راه عندي واحد البريكول.

وردة: فاش نلقاها انا بعدا عاد نبدا نصدق على عباد الله.

هاجر: ياك ابنت عيشة حتى نتي طبقتي علينا جناوحك كن كنتي ماشي خت روبال كن عطيتك علاش تقلبي.

وردة: اوا اجي قيصيني لا سميتك مرا ضسرنا علينا لقحاب صحاب ليك معارفاش دوك لبريكولات ديال والو و ضوري بساحتي إلى مخليتش دار بوك راني ماشي بنت عيشة.

هاجر : خسارة خرج ليا واحد الشغل طارئ اما كون وريتك اش كنسوا.

وردة: ههه خلعتيني اش هاد الأشغال غادا تمشي تمصي الزبو*بة اودي انا بقيت بلا شغل كنتعاطا مع لقح*اب سيري قدي الأشغال.

هبطت فرحانة عطيت بنت خدوج علاياش كتقلب حطيت السلة عامرة فصالون ودرت الكوزينة لقيت نبع الحنان كتجمع فالطبلة ديال الفطور.