وردة هارون

9

صافي كملنا الضورة درت فدرب كامل زنقة بزنقة واخا راه كيخلع ولكن الأجواء زوينة على لأقل نفس الأجواء فمدينتي الغزالة رجعت لدار توادعت مع ليلى من بعد ما خذيت نمرتها و طلعت لدار لقيت ماما و جدة كلا وحدة شادة سداري و متبعين مسلسل تركي سلمت عليهم طلعت لبيتي دخلت دوشت وغير خرجت كنت دايرة غير فوطة ديال دوش خفيفة و كنشف شعري حتى وصلاتني شي رسالة ف تيليفون لقيت نمرة غريبة مصيفطة
"غدا مع 13 تكوني واقفة فراس الدرب غاد يندوز عليك"
بقيت كنستوعب و نلصق لخيوطة هادا ميكون غير لموسيو كحل لعفطا ولا يقدر تكون شي مافيا كبيرة يخطفوني لا لا يكون شي هاكر عالمي من شحال وهو طايح فيا بقيت كنضحك على أفكاري لهبيلة مشيت كندهن لماسك لوجهي و كنفكر فشنو بغاني لموسيو حتى كنسمع لباب تحلات بالجهد قفزت من بلاصتي حتى سمعت واحد الصوت لي زاد فشلني.

روبال : وردةةةةة

ليوم تاكلو عليا كسكسو نضت كنجري كنقلب على ساروت و طرقت عليا بيتي و هزيت واحد لكرسي كان حدا شرجم و حطيتو زعما باش ميقدرش يدخل و تقنت مورا لباب كنترعد حييت عارفة ليوم يخرجها مني كنسمع خطاويه لكبار و عيشة تابعاه كتبرد فيه تما حتى جدة علم الله فينها بغا يحل لباب لقاها مسورتابقا مدة وهو كيدفع فيها و يعاير جاتني واحد الفكرة فراسي الله يسمح ليا و صافي مشيت هزيت تيليفون من من فوق السرير و دوزت نيشان ليلى.

ليلى: الو زين.

وردة : عتقي روح اليلى إلى كنت عزيزة علكي غير من هاد النهار لي عرفتيني فيه طيري كتجري لعندنا قبل متحضري لگنازتي.

يلاه جات بغات تهدر و انا نقطع غير حطيت التيليفون وهي تحل لباب بالجهالة ضرت بالتقالة و الرعدة شاداني كنلقا لعجل ديال ولد عيشة واقف و كشاكشو خارجين ليوم يتعشا بيا.

وردة: اناااا مدرتتت والووو اخويا والله.

بقيت كنتمتم عليه تما حتى بدأ كيطرطق فعنقو ونطق.

روبال : الوليدة خرجي و سدي لباب موراك غادي نعاود ترابي لبنتك و نجي.

ماما كانت واقفة حدا لباب كتشوف فيه و فيا و باينة فيها خايفة عليا حيت فاش كيضربني هاد صعصع كنتعوق شهر بقيت كنرغبها غير بعيني باش متخرجش.

روبال: قلتتت ليك الوليدةة خرجي وسدي لبابب.

نطق بحدة حتى قفزت انا وياها ماما مكان فيديها مدير دارت داكشي لي قال و مشات بقيت غير انا وياه حيد السمطة و لواها على يديه و بقاكيوشف فيا و نطق.

روبال: انا البرهوشة ضحكي فيا الدرب دوي.

عطاني شحطة ليدي حتى قفزت و ضربتها بغاوتة حلقي خرج.

روبال: سكت لبك بزافففق ليوم نربي مك.

يلاه بغا يزيدني شحطة خرا حتى تسمع دقان مجهد فالباب.

ليلى(بقلق) : وردة حلي لباب اش واقع راني سمعت غواتك حلي اوردة.

عماد غير سمع صوتها حط السمطة ورجع لور وهادي كانت هي الخطة ديالي عارفة عماد واخا بزناز و محشش و كماي و حبايسي ولكن مكيضحكش على بنات الناس و من هادشي لي دار تأكد بلي راه كيبغي ليلى،، مشا حل لباب حتى كيلقاها قدامو بقيت حاضياهم هو كيشوف فعينيها و هي كتشوف فعينيه بقاو شي دقيقة وهوما هكاك حتى كحزاتهم جدة و جات داخلة عندي كتجري.

جدة: اويلي على المزغوب بغا يضرب ليا الدرية يرزيني فبنت ولدي.

بقات كتفحصني و انا كنشكي عليها شوية ديال تبوحيط مافيها باس حتى شفت عماد خرج من البيت و هبط لتحت كنشوف فليلى لقيت ملامحها باهتة و تنهدات تنهيدة خارجة من اعماقها بحالا جامعة گاع هموم الدنيا صراحة بقا فيا لحال مكنتش باغها تلاقاه بديك الطريقة و لكن خاصني نعتق راسي قبل ميمشي يزوقني من شي جيهة و غدا غادي نتلاقا مع الموسيو هزات ليلى عينيها فيا و جات كتفحصني و عنقاتني حتى بدات كتبكي شفت جدة بغات تقرب ليها تشوف مالها قلت ليها بعينيا غير تخلينا بوحدنا خرجات و سدات لباب گلست انا و ليلى فالسرير و كملات لبكا ديالها و هي معنقاني ندمت على الصرف ديالي حسيت براسي أنانية خليتها حتى سالات و هزات عينيها فيا.

ليلى: مشاف فيا حتى الشوفة معبرنيش و انا قلبي كيتقطع من لداخل عييت نحاول نساه ولكن مقدرتش.

وردة: هو لي خاسر فلخر نت يألف واحد يتمناك (كنحاول نكالميها) صافي اصاحبتي راه ميستاهلكش و ميستاهلش دموعك حبسي عليا لبكا.

ليلى(بدأت كتمسح فدموعها) : نقدر نبات معاك إلى بغيتي مبغيتش نبقا بوحدي غادي ندخل عينيا منفوخين غادي يبداو الأسئلة و انا مقادة نشوف حد.

وردة: صافي لي بغيتي الزين نمشي نعبد عند طامو تقولها لباك.

حركات ليا براسها و تكات فالسرير هبطت لقيت مي كنغسل لماعن وجدة مكورة فوق السداري كتفرج فداك اخوتي كانت گالسة حدا الشرجم غير قربت ليها نهدر معاها كيبان ليا خويا لتحت كيكمي فجوان و باينة فيه معصب مكرهتش نهبط عندو نشنق عليه بيدية على الشحط لي دارلي و دموع ديال ليلى ولكن معنديش الجرأة يصدق عاطيني الضوبل ديال داكشي قربت عند جدة قولتها ليها مشات بزز قنعات داك باها و انا طلعت عند ليلى لقيتها نعسات بقيت كنطلع ونهبط فالأنستا حتى داتني عيني.

_________________

سمحولي البنات عارفة راسي تعطلت عليكم بزاففففف مشالي الشغف ديال الكتابة رجعت غير كنقرا الروايات، دابا رجعت و غادي نحاول منتعطلش عليكم💗