وردة هارون

8

بقيت نتجمع مع جداتي و تعاود ليا على يامها مع جدي و قصة حبهم لي من نهار تزاديت و انا نسمعها حتى جات وقيتة ديال لغدا تغديت وطحت كاو ما فقت حتى لديك لخمسة ديال لعشية نزلت لتحت كنت لابسة قندورة مطلعاها حتى لركبة وشعري ضارب ضو كنبان كنخلع وصلت لصالون لقيت جدة مليوحة فجيه ناعسة و ماما فجيه تخشيا بيناتهم وبديت كنتفرج فتلفازة حتى سمعت دقان مشت عل ى سعدي وعدي قاديت شعري بيدي باش منخلعش هاذا لي كيدق.

وردة: سلام عليكم.

كان واحد الشاب شمكاررر باينة فيه مدوا لحبس و فاين لهيه.

.... :وعليكم السلام بشاخخخخ لحاجة طامو مصحابش ليا مخبية عندها توت.

وردة(درت ليه ضحكة صفرة) : جينا غير زيارة شي ليامات و نمشي فحالي اوا اش حب لخاطر.

......: هاكي هادي الصخرة صيفطها روبال قالك ديالكم.

مدلي واحد لقفة فيها التقدية شكرتو ومشا بحالو دخلت لقيت عيشة فاقت و كفيق جدة لي بالمناسبة سميتها طامو حرام واش بغات تفيق ليها حنا عارفينها نعاسها تقيللل واخا يضرب الزلزال متنوضش مشيت كنبقشش ف الكوزينة مالقيت ميتاكل نضت كنتفرج فقسمة و نصيب تاني دازت نص ساعة عاد فاقت مي طامو مشيت شديت ماما.

وردة : عويشة لعار مخرجيني نضور نشوف هاد لحي ونولفو شوية راه غادي نقنط يمشي يشدني شي إكتئاب نصدق رامية راسي راه نديرها و نفوتها لهيه.

عويشة ( قوصات فيا حجبانها) : ديريها راه شرجم و لا طلعي للسطح دقة بطلة اما الخروج وهي لي مغتخرجيهش.

وردة(بديت كنتغبن) : ياك اعيشة ياك هادا ماكنسوا عندك مي طامو شاهدة.

جات كي طامو وجراتني وراها و حنزرات فماما.

مي طامو: كلشي اعيشة إلى حفيدتي كبدتي مزيان تبارك الله على مرت ولدي كتسيف فين مشات الضرافة و الحشمة.

عيشة : داكشي كان شحال هاذي غير مات المرحوم تبدلات عيشة نتي راه معشتي شعرة من داكشي لي دوزت ( شفات فيا) سيري خرجي و رجعي قبل مايجي خوك انا راه مافيا لي يخرج.

مي طامو (كتوجه كلامها ليا) : دقيقة ازينة لبنات هانا جاية.

حلات باب الدار و وهبطات وقفات حدا واحد الشرجم ديال الدار لي مقابلة ليها.

مي طامو : بنتتتت لگزارررررر واا بنت حمد تي تعالي بغيتك.

وهبطات عندها وحدة حالة لباب و انا كنتفرج غير من حدا باب الدار خرجات واحد ختنا تكون فأوائل العشرينات شعرها بني فايت كتفها شوية و عينيها كبار عسليين و عندها واحد لخالة صغيورة فوق شفايفها صراحة لحق يتقال لبنت زويونة ولكن متكونش بحال زيني هههه التقة فنفس هي لولة ديك البنت كانت لابسة واحد البيجامة دوبياس مطلعا سروال حتى لركابيها و شادة كراطة غير حلات لباب لما خرج من دار.