هلاو بنات اليوم جبتلجن قصة اتطگ بلگاع
تحجي عن ابنية من بغداد واصلهم عمارة
اسمهاا آيات) الاسم موحقيقي مستعار لاخفاء الشخصيات
العمر20
العائله متكونه من اب وام واخت دعاء
وثنين اخوان الجبير ضرغام متزوج اسم زوجته زهراء
وعدهم ولد اسمه علي واخوه والثاني ذوالفقار مامتزوج
★ــــــــــــــــــــــــــــــــــــــــــــــــــ★
صباحآ 9:00
ام ضرغام : ولج ايوته دعيوه اكعدن صارت ساعه 9
ايات: اي هسه اكوم.. وماادري بنفسي ورجعت نمت البارحه شربت كلاص چاي ع عشه وتأخرت يله غفيت
ام ضرغام: ولللجن بعدجن نايمات كووومي ندهي زهراء هم يله تاكلن شي وتكفن شغلجن
ايات: ونبي كعدت... كمت من الفراش تربعت شوي اكلب بالجهاز اشوف شكو ماكو كالعادة ...
گمت كعدت دعيوه وبعدين رحت اكعد زهراء
دكيت الباب وصحت زهررراء يله كومي ماما تريدنه
زهراء: اي اي كعدت بس اغير ملابسي وانزل
ايات: طبعا بيتنه قاطين وغرفنه فووك...نزلت خليت الچاي ع نار
وصحت ولللج دعيوه تعااي سوي البيض
دعاء: انتي سوي البيض واني احضر الصينيه وانتي تسوينه اطيب مني
ايات: كل مره تخليني اسوي البيض هسه عليج انتي سوي واني احضر الصينيه
دعاء: ههههههه غير انتي الجبيرة ... شافتنه امي وضلت تهز
ايدها
ام ضرغام: ولجن يله فضنها تتعاركن ع الريوك شوكت تسون الغده كون من يأذن الضهر تصبن الغده
ايات: يله اني اسوي البيض
دعاء: غصبن عليج هههههه
ايات: حيوووانه راح اجي اطيح حضج
دعاء: طييييططط هههههه
ايات: طيط بعينج شنو هل سوالف الطايح حضهه طيط ومدري شنو استحي ترا انتي مو صغيرونه
دعاء: طييططط ههههههههه
ايات: الحمدلله والشكر ع نعمه العقل شبيج انتي خبله
دعاء: ماغيرج الخبله
ايات: حضري نفسج وره ما نخلص اكل ناخذج نربطج بالامام موسى الكاظم بلكي تعقلين شوي
دعاء: ايي اخذيني حته يربطونه اثنينه
بهل أثناء طلع ذو الفقار من الاستقبال هستوه كاعد عاقج وجه ويفرك بعيونه طبعا شامرينه بلاستقبال هههههه
ذو الفقار: اني اربطجن بشباچ ابو فاضل (؏) بس فضنها عااد عفيه شكد تتعاركن شبيجن من الصباحيات بالعات مسجل لوك لوك لوك
ايات: ههههههه هاا كعدت
ذو الفقار: لا بعدني نايم
دعاء: هههههههه شبيكم انتم مخابيل
