يَحبني بطريقة ابي ، كإنني طُفلته.♥
༺ــــــــــــــــــــــــــــــــــ༻
بيت ابو علي...
سيف: بعد مرور اسبوع ع حادث حسن وطبعا سولفت وي حسن وكتله البنات الشفناهن بالمول طلعن خوات ذوالفقار لان شفت وحده منهن ضلينه نتردد اني وحسن على بيت ابو ضرغام نكعد يم ذوالفقار نتونس شوي بين الچايات والنراگل ولعب دومنه لو طاولي لو نلعب لودو.. كل مره احاول اشوف اخته الماعرف اسمها بس مايصادف الحظ وياي بس اسمع صوتهن بالبيت... وهيج مرت الايام بين الشغل والونسه.. راحت ايام واجت اياام اجه اليوم الي اعرف اسمها
علي: سيوفي تلعب كيم
سيف: يله
علي: ادخل للعبه حتى ادزلك دعوه بس شووف حسن يدخل ويانه لولا
سيف: مااشي بس وي منو راح نلعب؟؟
علي: فقار
سيف: اووك.... راسلت حسن وكتله...
💬هاا خره.. كاعد نايم
💬ياستار شعجب مراسلني
💬اريد امووت عندك مانع
💬لا عندي براسيتول هه هه هه
💬ماتضحك راح اكول لـ علي يلملك ضحكات
💬ههههه لا والله جديات شتريد محتاج شي
💬تلعب كيم ويانه اني وعلي وفقار
💬اي عادي ضيفوني وياكم
💬ماشي ادخل للعبه حتى ادزلك دعوه
💬ماشي حبيبي
💬يله ولي دوختني
سيف: راسلته يكول اي وياكم العب
علي: ماشي يله راح ادزلكم دعوه
سيف: دخلت للعبه ودزلنه علاوي دعوه ودخلنه للكيم وسلمنه على فقار.... هلا بالضلع
ذوالفقار: هلا بيك حبيبي شلونك شخبارك
سيف: بخير دامك انته بخير
ذوالفقار: بعد روحي الغالي
حسن: خلصتوا خلوني اسلم على خال جهالي
علي وسيف: نفس الصوت والصيحه هييييييييوووو يحاولون يضيعون ع چفصتي ههههه
ذوالفقار: منو خال جهالك؟؟
علي: حبيبي فقار عوفه معليك بي اليوم شارب
حسن: اي والله شربت خمسه گلاصات چااي
سيف: اي اشوفك مضيع الاول والتالي طلع عقلك شاخط
حسن: بس خلوني افهمه واذا كتله خال جهالي شبيها يعني غير صديقي ويصير خال لجهالي
ذوالفقار: بعد حيلي والنعم منك ومن صداقتك
حسن: عزيزي ونعم من اصلك
سيف: كملنه لعب عادي بعد چفصة حسن كدام ذوالفقار ردنه نحور السالفه بس ماكدرنه بس يله المهم عدتت سلامات ههههه... واحنه جاي نلعب وناس گاصبه ناس محد يقبل ع نفسه الخسارة مندمجين بالعبه ومانحس غير بصوت رگعه الباب وصوت البنات شلون يحجن وي فقار ودشي اكيد ميزت صوتها من صوت اختها وعرفت اسمها ايات... انطيت ميوت واختنكت من الضحك على سوالفهم ودعيت ربي يحفظهم
...............................................
