في قانون النسُـاء :
إذا كنت تحبها فـ عليك أن تكَره
جميع نساء الأرض .
༺ــــــــــــــــــــــــــــــــــــــــــ༻
بيت ابو علي....
سيف: طلعنه من بيت ابو ضرغام اني وحسن وصلت حسن على بيتهم واني طلعت كبل على بيتنه وجبت الطريق طول بعرض اني افكر بيها واضحك ع صدمتها من شافتني لو من ركضت دخلت للصاله لكيت علاوي وامي والبنات سلمت وكعدت مقابيلهم
سيف: حسن سوه حادث شوكت تروح تشوفه
ام علي: ياااا يممه شلوون سووه الحاادث بسس لااا تأااذه
علي: هسه رايح اشوفه خااف محتاج شي
سيف: لا حجيه مابي شي بس كسر بايده وجبروها اله
ام علي: الحمدالله انشاءالله بليل اروح اشوفه
سيف: هاذ هوا اني اخذج ورا العشه
ام علي: اي بعد امك وكلبها
علي: يله اني رايح سلاام
سيف: الله ويااك
ام علي: محرووس بالله ومحمد وعلي ديربالك ع نفسك يحيلي
علي: انشاءالله حجيه... طلعت من البيت ورحت لبيت عمي واني بالي كله يم عشق الطفوله وصلت للبيت دكيت الباب وسمعت صوتها فتحتلي الباب اسألها وتجاوبني واني نضري كله مركزه بملامح وجها واتأملها من كالت حسن بالغرفه
گرصت خدها ومشيت.. اووويلي يابه ماجن گارص خدها جن نفذت احدى انجازاتي المهمه... دخلت يم حسن وسولفت وياه والحمدالله وضعه عال العال اجت بروو جابت الماي عيني مانزلتها منها واشوفها مارفعت عيونها ابد وخدودها حمر ههه اكيد خجلت من سوايتي هاي هيه بعد اني خليتج بالي ومنا وهيج الفرج راح يطل عليه
كملت من حسن كتله عندي شغل واني مخلي بالي بروو شفتها وسألتها اذا محتاجه شي واشوفها كوه جاوبني من الخجل واني امووت ع خباثه وزدت عليها من كلتلها حبيبي ههههه وطلعت من بيتهم رجعت لبيتنه
♡،ـــــــــــــــــــــــــــــــــــــــــــــــــ♡
ايات: بعد ماترزلنه من امي وصعدنه اني ودعوو فووك ميتين ضحك صراحه اول مره هيج نحجي كداام امي وابوي كله من ورا دعااء سوتلي واهس هههه
ومشت الايام هيج بين سوالف وضحك وبين طلايب ذوالفقار وسوادين دعاء المايكضي مر اسبوع ع سالفتي وي صديق فقوري بعد ماشفته ابد لا طلعنه ولا مشينه
ايات: دعااء شنو رائيج اليوم نطلع لشي مكان نتونس شوي
دعاء: اي والله اني مليت من البيت ماكو شي جديد كله نفس الروتين
ايات: تعاي نكول لامي
دعاء: بس وين نرووح؟؟
ايات: ماادري نروح لشي حديقه نكعد بيها شوي
