شتاكيت الك يالمبتعد مثل..
المريض متاني عافيته ترد
♬ــــــــــــــــــــ♪ـــــــــــــــــــــــــ♬
صباحا7:00 يوم السبت
دك المنبه الساعه 7:00 متعود اكعد هيج وكت حتى اطلع ع شغلي... طفيت المنبه وكمت من فراشي رحت للمغاسل غسلت ومشيت للمطبخ لكيت الوالده تسوي بالريوك صبحت عليها
سيف: صباح الخير يالغاليه
ام علي : هله يمه صباح العافيه... تعال اكعد كمل الريوك اكلك لكمه بين مااكعد اخوك
سيف: اي يمه اجيت.... كعدت اتريك شوي ودخل علاوي يطوطح ويفرك بعيونه بعده مامصصح ضحكت ع شكله المبهذل
علي: خير شبيك تتمضحك من الصبح
سيف: اول شي كول صباح الخير وبعدين تعارك
علي: شبيك عقلك شاخط؟
ام علي: يايمه شبيكم تتداهرون بعدنه ماكايلين بسم الله
علي: جا كولي بسم الله منو لازمج
سيف: طاح حظك وحظ لسانك الزفت
علي: اليوم مغبش شعندك؟
سيف: البارحه استلمت خط مدرسه صباحي
علي: اي يابه كون يشلعن كلبك ويطلعن روحك من خشمك
سيف: الله ينتقم على راسك شبيك ولك مفاولني من هسه
علي: هههههههههه من حبك لاشاك
سيف: مااريدك لا تحبني ولا تلاشيني كفني شرك الله يكفك شر بنادم
علي: ياااابه دررررࢪوح هسه فوكاها من ادعيله
ام علي: يله يمه هم يله تلحكون ع شغلكم بسكم من العرك
سيف: اي حبيبه كملت
علي: تريد بس تخلص منه هههههه
ام علي : ياااااا. خايب يمه شجااك
سيف: يله مع سلامه
ام علي : الله وياك يمه الله يفتحها بوجهك انشاءالله
علي: انتظري ذبني ع طريقك... يله يمه سلااام
ام علي : الله وياك يمه
سيف: طلعت من البيت اني وهاذ الحقنه استلمته اول ماصعد كتله.... شوف ولك تصعد وانته ساكت وتنزل هم وانته ساكت صوت مااريد اسمعلك
علي: بله اريد انزل بفلان مكان شلون اكولك نزلني
سيف: اقرب حاويه زباله انزلك يمها
علي: انعم الله عليك
وصلته يم السوك الكيارة واني طلعت للخط اخذ البنات للمدرسه وصلت للبيوت البنات صعدن وصبحن عليه ورديت عليهن بعد ماسمعتلهن صوت يحجن بيناتهن بهدوء تاام
