مرت عليه بحلم سمره وخصرها يوازي
كالت مراحب واختفت واشتعل جد اعزازي
♕ــــــــــــــــــــــــــــــــــــــــــــــــ♕
لا تنسون التصويت ★
الكاتب: علي الاكبر
♔ــــــــــــــــــــــــــــــــــــــــــــــــــ♔
وصلنه للمول وضلينه نفتر بي
علي: تعالوا ندخل هنا نشوف الملابس العنده
مبينات حلوات
حسن: يله بس نص مشترياتي ع حسابك
علي: ابن المسموط مخلفك وناسيك شكالولك كاعد ع بنك المركزي لو مستلم راتب خالتك الزركه
سيف: ولكم شبيكم فضحتونه
حسن: احترم نفسك عووف خالتي ع صفحه... وثاني شي
اجينه نفتر ونشوف ونشبع قهر مااجينه نشتري
علي: اي عادي انتو ضلوا اشبعوا قهر واني راح اشتري
حسن: اكلك اشو اخوك داك صدره ويمشي بزوده
يحظي انته شمالك أيد ورا وأيد كدام
علي: اي اي حط عينك عليه
سيف: لا صدك كاافي تعالوا نشتري النحتاجه
حسن: ع حسابك اشتري؟
سيف: حجيت بأنفعال.. ابن الاوادم هوا اني شعندي
واشتريلك ع حسابي
حسن: شبيكم تبجون بوجه الله صخونه يالغمان
علي: تعالو نروح هنااك الولد عنده ساعات أطك بالگااع
حسن: اي مو النهار كله اني لابس ساعه واباوع بيها
سيف: اشتريلك ساعه ع حسابي .... وغمزتله
حسن: مادام هيج يله البسها حتى بليل واني نايم هههه
علي: هاذ الماشايف ههههه
سيف: غير فرحان بيها هههههه
رحنه الأبو الساعات ضلينه نفتر بالمحل نشوف شنو الوجبه
عنده ساعات صدك يطگن بالگاع يخبلن بشكل
سيف: واحنه جاي نگلب بالساعات وانشوفهن دخلن أثنين بنات
بس شنو من بنات دخيل الله يجلطن
حسن: بصوت ناصي ايسمعة بس علي وسيف واني اشوف البنات الدخلن للمحل.... ولك عليوان علاااااوووي ولك الحك اخووك تسرسح
علي: ولك شبيك تخبلت
حسن: مو بنيه حلغوم
علي: باوعت ع البنات صدك حلوات الله يحفظهن
بس اني عندي عادي لان بالسوك واشوف اشكال والاوان
علي: دخيييل الحمزه ولللك خزيتنه
اجه سيف عيونه علينه ويضحك
لان سمع حسن وخبالات حسن
سيف: شباب الصراحة اني عجبتني ام الفستان
حسن: ياذوقك الخايس ولك شوف ام الاسود طركاااااعه
