وٌمًآکْوٌ بًکْلَبًيَ غُيَر عٌيَوٌنِکْ آلَصّلَفُهّ 😍
༺༺༺༻༻༻
بيت ابوضرغام...
ايات: راحت ايام واجت ايام ويصادف باجر طبره الامام ﴿عـــلـــي﴾(؏) فـ كلت... دعاء باجر الطبره الامام ليش مانكللهم ياخذونه لزيارة هم صارلنه هواي مرايحين
دعاء: لا تحاجيني هسه
ايات: ليش؟؟!
دعاء: ميته جووع ومااكدر اركز ويااج
ايات: ماشي لعد اني اروح اكللهم واذا قبلوا انتي ماترحين تضلين هناا
دعاء: انجبي هيي هسه اكووم وياج نقنعهم
ايات: صدوك لو كالو الخوف يعدل الشوف
دعاء: يعدل عيونج انشاءالله عود انتو ليش ماتعذرون واحد جوعان
كمت وي ايات ونزلنه رحنه لغرفه امي حاجيناها...
ايات: ماما خلينه باجر نروح للزيارة صارلنه هوااي مزايرين
ام ضرغام: يااا وللج يممه رمضاان ماينطلع بي الجو حاار وعطش بالعيد نرووح
دعاء: تردين تموتينه هيه بالعيد اكو مكان غير تصير كض اخوك لا يضيع حتى مانكدر ندخل للضريح
ام ضرغام: بكيفجن اني مالي علاقه ذاك ابوجن بالستقبال روحن وحجن وياه
ايات: لعد احنه المن اجينه الج غير حتى تقنعينه
بأثناء الكلام دخل ذوالفقار للغرفه يباوع صفح
ذوالفقار: ياستار هاي لمتجن ماارتاحلها
دعاء: ليش عيني شبينه؟؟
ذوالفقار: غمزتلهن... شعدجن هنا ملتمات ترا حراام تاخذن غيبه طركاعه حتى برمضان ماتگضن لساناتجن
ايات: لا والله ماناخذ غيبه بس نريد نروح للزيارة ونكول لامي روحني قنعي بابا وماترضه تكول انتن روحن
ذوالفقار: يميي سهله اني اروح اقنع ابووي....
دعاء: هللا بأخووي هلا ابأبوووي
ذو الفقار: رحت لابوي بالستقبال لكيته يقرة قرأن خليتلي مخدة ونمت كدامه باوعلي ورجع كمل قرائه من خلص الصفحه كال...
ابو ضرغام: هاا بويه شعندك محتاج شي؟
ذوالفقار: لا بويه سلامتك بس باجر طبره الامام علي عليه السلام والحجيه والبنات يردن يرحن للزيارة والحجيه تكول صارلنه هوااي مرايحين
ابو ضرغام: يابه طلعه برمضان وطريق طويل راح تعبون اجلوها بعد العيد
ذوالفقار: شسالفه حجي اني اخذكم بسيارتي واذا صار وتعبنه نطبك على شي حسينيه نرتااح بيها
