لا تنسون التصويت ★
الكاتب: علي الاكبر
☜ـــــــــــــــــــــــــــــــــــــــــ☞
11:00
مساءاً
ضرغام: اجيت من الشغل تعبان كلش دگيت الباب فتحلي ذو الفقار ودخلت
ذو الفقار: الله يساعدك
ضرغام: يساعد بختك
.. گعدت شويه بلاستقبال و وراهاا صعدت فوگ لغرفتي لگيت الباب مقفول دگيت الباب
زهراء: ايي اجييت ثوااني
ضرغام: فتحتلي الباب بس انتبهت عليهاا مرتبكة گلتلهاا.. شكو قافله الباب؟
زهراء: جنت اغير ملابسي الله يساعدك حبيبي
ضرغام: اهاا ماشي ويساعدج يرويحتي
زهراء: اسويلك عشة؟؟
ضرغام: لا اتعشيت بلمطعم واني اشتغل.. واجه باسهاا بخدهاا
زهراء:ابتسمت وگلتله.. عوافي گلبي
ضرغام: يعافيج بس طلعيلي ملابس اريد اسبح تعبان ومحتر
زهراء: ماشي.. رحت طلعتله تراك ومنشفة ونزلت
خليتهن بلحمام ثواني وشفته نزل گرص خدي
ودخل يسبح
ضرغام: روحي صعدي يم علوش خاف يگعد
زهراء: ماشي... عفته وصعدت للغرفة لزمت موبايلي اگلب بي منتضرته يجي
نص ساعه وانفتح الباب دخل ينشف بشعره واجه گعد يمي
ضرغام: بابتسامة واني اباوع بعيونهاا.. شلونج يروحي
زهراء: بضوجه.. تمام
ضرغام: بس اني احسج مو تمام ليش احس ضايجه
زهراء: لا ماضايجه
ضرغام: لا امبين ضايجة گولي شنو المضوجج؟
زهراء: تدري بخواتك اليوم راحن للمول لو لا؟؟
ضرغام: لاا ما ادري
زهراء: ههه راحن بدون ماتدري انت
ضرغام: اكيد گايلات الـ امي.. هذا السبب الي مضوجج؟
زهراء: ايي راحن الساعة ب5 العصر ورجعن ب10 بليل شكو هل گد مطولات بلمول اني اخاف عليهن مو على شي
ضرغام: لا بالله؟؟ ب10 اجن
زهراء: ايي گلتلهن ما اگدر اروح لأن علوش يشلع گلبي محد گالتلي بلجذب اني اساعدج بي
ضرغام: على تاخرهن بلمول باجر الصبح احاجيهن شنو باقيات لل10 شنو شباب هنه وعلى روحتج عادي تردين اني اخذج العصر اذا محتاجه شي
زهراء: خليها ابالك اني ما جاي احجي هيج حته اسوي مشاكل بس اشوفهه مايصير هيج يطولن بلمول علمودهن اني والله
