اراث المدينه

بارت 15

يرجآ التصويت ★
*************

دَخيل عُيونج شگد بيهِن سوالِف 😍
"" "" "" "" "" "" "" "" "" "" "" "
نرجس العمر 21👇

من النجف وحطينه جديد بغداد اني الوحيدة لهلي ابوي توفه وامي مره چبيره بالعمر مريضه حيل مزمنه سكر.. احنه سادة ابآآ عن جد.. جنه عايشين بالنجف بس من ابوي مات عمامي باعوا البيت الكاعدين بي لان بيت العائله لجدي الله يرحمه

من باعوا وانطونه حصتنه من الورث خالي جابنه هنا يمه بغداد وشافلنه بيت صحيح صغير على كدنه بس الحمدالله نضيف وبمنطقه كلش حلوة. 

البدايات مانندل بالمنطقه وضل ابن خالي يمنه اكله وشربه ونومته هوا يسوكلنه ويجيب علاج امي مرات ياخذني وياه حتى عود شوي اندل بالمنطقه وزين اندليت طريقي بسااع للسوك ولاي صيدليه اشوفها بالشارع اشتري منها وهمزين جانت اكو وحدة قريبه علينه

مره عصريات كاعده بالحديقه مال بيتنه مخليه هتفوناتي باذني واسمع قصيدة باسم الكربلائي

"دنــيــا مابيه بس هم غدر... دنــيــا "
"ومنين اجيبلها صبر... دنــيــا"
"راوتني نجمات الظهر... دنــيــا"
"ليله وداعك ثواني... بسرعه مرت"
"چانت اسررع.من دمعتي"
"لحظه فراگك مسافه... بلا نهايه"
"هواايه اطول.من دمعتي"
"والعمر بالفرگه يطول... يمته يخلص"
"حتى اخلص. من غربتي"
"دهرري راوني انوع الالم... دهررري"
"كل لحظه يرميني بسهم... دهرري"
"واعرف نهايه هالعمر... دنــيــا"

اسمع بالقصيده وسارحه بخيالي كل مااسمعها جسمي يكزبر بكد ماكلماتها قويه وباسم الكربلائي دائمن مبدع بقصائدة.واحب اكثر شي هاي القصيدة ان احسها تحجي عن حالي. اتذكر كل الموقف الموحلوة المرت بحياتي مواقف كسرتني.مواقف خذلتني.مواقف خسرتني اعز شخص على كلبي(ابوي).واتذكر اهانه عمامي ونسوانهم النه.واتذكر مذلتهم.ذولنه هوواي بعد وفاة ابوي.. حسيت على ايد امي حطتها على ظهري وكعدت بصفي طفيت القصيدة وشلت الهتفونات من اذني وكلتلها..

نرجس: هايمه محتاجه شي

ام نرجس: لا يمه اجيت اشوفج شبيج كاعده هنا والهم ماخذ من حيلج

نرجس: لا يمه مابيه شي بس مليت من البيت وكعدت هنا

ام نرجس: انهضي خلينه نروح اني وياج نجيب علاج وهم نشتري مسواگ