عاهرة القيصر

الجزء 8

قيصر:(كيضحك)واخا الالة نزيدك فالخلصة اش باقي خاصك
انا:ملاحظتيش واحد لحاجة
قيصر:(بتعجب)اشنو!
انا:فالصباح كتكون فشكل وفاليل كتكون فشكل اخر
قيصر:(جمع ضحكة اناري)انا كنمشي علي حساب تصروفاتك كنتي غادية كيما بغيتك راه حتي انا كنكون كيفما بغيتي...درتي شي حاجة ماعجباتنيش حتي انا كندير لحوايج لي ماكيعجبوكش دابا نتي لي كتحكمي علي راسك
انا:ههه هي داكشي لي زرعتو انا هو لي كنحصد
قيصر:هكاك هانتي بديتي كتفهمي..واش عرفتي اكثر حاجة كنكرها انا..هي نقول لشي حد شي حاجة ويدير عكس هضرتي..كنتجنن ديك ساعة راسي ماكنعقلش عليه
انا:انت اصلان مجنون...شحال عندك فالعمر
قيصر:كان عندي 15 عام ملي ولداتك ماماك
انا:سبحان لله لعضيم ماتقدرش تقول عندي 33 عام ديريكت ضروري دوخني معاك
قيصر:واو واكطيري فالحساب صحابني مكلخة فيه حتي هو
انا:ههه لفلوس ولحساب عندي معاهم ماتحكرنيش ههه
قيصر:ييه لفلوس كاع كتحسبيهم فالسماء
انا:لا كنحسبهم فوق طبلة
قيصر:ههه واخا اجي ناكلو ونكملو هضرتنا حيت انتي لهضرة ماكاتساليش منها
انا:ههه حيت ماكنتش كنهضر فاش كنت صغيرة كنت ضريفة وسكوتية
قيصر:ههه انا ماباقيش نتيق فيك كان كيصاحب ليا نيت واش ضريفة ساع هاد لبراءة وهاد الانوثة كاملة لي كتصنعي خسرتيها الصباح بنتي جعواقة ومسمومة وشاطة ماطا وبنت لكاريان %100 ماكينش لعب
انا:لالا ولله حتي ضريفة راه هي لي جبداتني واش تعايرني بأصلي ونسكت ليها مايمكنش اصلان كتقلب عليا لقاتني
قيصر:اوووه سنفورتي واعرة زعما
بقا كيتمشخر عليا تعشينا فجو ديال ضحك...ليلة كلها دازت واعرة بالنسبة ليا خديت راحتي بلا قياس معاه دوزنا وقت زوين بالجهد...من بعد مشينا نعسو انا حاطة راسي علي صدرو وهو كيلعب بتيليفونو
انا:اجي واش باقي انا فدور قيصر!
قيصر:وي...علاش!!
انا:اوي حط داك لقجقال ونعس
قيصر:(كيضحك)واخا سمح ليا مسيو قيصر ههه...ماتقدريش تقوليها وانتي سهيلة
انا:ايه نقولها باش نشوف النجوم فالصباح
قيصر:قلت ليك غير خودي راحتك...ماعمرني نعاود نحط عليك يدي
انا:بلا كدوب عاد صباح عطيتيني تصرفيقة نسيت فيها سميتي
قيصر:ههه مزيان فيك باش تعلمي تخليني ناعس وتنوضي من حداية كنت زعما بغيت نفيق نصبح عليك ساع مصبح علي لمشاكيل خسرتي ليا نهار كولو لله ياخد فيك للحق
انا:(كنضحك)واش هادشي علاش كنتي معصب...وانا صحابني تقلقتي حيت ضربتها

انا:ماتكونش كداب قلتي ليا لبارح غاتخليني نمشي
قيصر:(كيضحك)اجي هنا راه غير كنضحك معاك
رجعت عندو
انا:ياله خليني نمشي
قيصر:واخا بلاتي حتي يجي هود باش يمشي معاك رجليك برجليه ماتفاوتيش معاه
انا:واخا
قيصر:جاتك زوينة سنسلة
انا:ياله رديتي ليها لبال
قيصر:ماكنتيش دايراها لبارح ياك
انا:نو كنت دايراها ملي درتيها ليا ماحيتهاش وماعمرني نحيدها
قيصر:(شد وجهي وباسني فحنكي)هكاك نبغيك سنفورتي واخا يوقع لي وقع ماعمرك تحيديها من عنقك..نهار تحيديها نتخاصم معاك
انا:لا عمرني نحيديها~هود تعطل لا
قيصر:ماحاملاش تجلسي معايا بغيتي غير امتي تهناي مني
انا:(عنقتو)لالا ولله بالعكس
شدني من عنقي وباسني فشفايفي نسينا راسنا هود جا دق ماجاوبو حتي حد وحل لقانا غارقين مامسالينش
هود:حم حم
قيصر:(رد لبال)هاهو هود الالة جا~كلشي خدام
هود:وي مسيو قيصر كلشي هو هداك
قيصر:(دار عندي)ياله نوضي سيري 2دقايق ماتفوتيهمش
انا:(خرجت عيني)كيفاش اويلي علي جوج دقايق
قيصر:واخا 2سوايع
انا:اربي من نيتك
قيصر:كتسنايني نقول ليك يوماين سيري غير نعيط لهود واجيو
خرج هود سبقني وتميت تابعاه
قيصر:شفتك غادية بلا ماتسلمي عليا
انا:بحالا غادية لفرانسا
قيصر:الي بغيتي نمشيو ليها
انا:سكت سكت انت غير هنا ماخليتني نمشي ليه حتي شحفتيني ههه
قيصر:كتقلبي عليا نبدل الرائ ديالي واقيلة
انا:غير كنضحك معاك احبي
مشيت بالزربة سلمت عليه تميت غادية وهو يضربني لمؤخرتي
انا:ولله حتي عرفتك غاديرها
قيصر بقا كيضحك صيفط بوسة فالهوا انا خرجت لحقت علي هود ماهضرتش معاه زعما كاعيا من تصرفيقة ديال لبارح
ركب هو انا تلاقيت مع حنان قدام لباب عاد راجعة ماعرفت فين كانت بقيت مجمعة معاها ماكنساليوش حتي عيط ليا هود مشيت ركبت حداه ماهضرتش معاه
هود:ناري ناري لله علي هدوء شحال زوين ماعرفت فين مات شي يهودي حتي سوسو ساكتة
انا عوجت فيه ودورت راسي جيهت شرجم
هود:وايلي...واش كاعيا مني زعما
ماتسوقتش ليه بقا كيعنكشني ويهضر انا مابغيتش نضحك جمع وجهي كولو بيديه
انا:وصافي رصا بعد مني اش هاد تعنكيش
هود:هاهي لمشة هضرات~ولله يامك وتباقي تكعاي عليا حتي نخلطك
انا:سير سير راه ماكنحملكش بلا ماتعدب راسك
هود:انا بعدا كنحماق عليك ازين ديالي
انا:راك حمق اصلان
بقينا مشادين كيف لمش ولفار طريق كلها
¤فمكان اخر
مراد:سي علي ديك سهيلة عاد بانت ليا خارجة من لوطيل هي وهود راه صيفط رجالنا يتبعوهوم
علي:سير تبعهم حتي انت شحال وانا نتسنا هاد لفرصة ماترجعوش من غيرها~وراك عارف فين غاتديها مابغيتش جن لزرق يطيح عليها حتي نشوفو سي قيصر اشنو غايدير
مراد:واخا اسي علي غانبلغك بكل جديد طيط طيط طيط
...بعد مدة قصيرة وصلنا لدربنا اول ماحطيت رجلي فيه تفكرت كاع سينين لي دوزتها فيه
هود:ياله سيري دغيا انا غانتسناك هنا
انا:اويلي لا زيد دخل معايا واش حماقيتي مسيو قيصر قال ليا رجلي برجليك مانتفاوتش معاك
هود:ههه واخا ربطيني معاك حسن ههه
انا:واخا غير زيد هبط
شديت ليه فدارعو ودخلنا لدرب لبركاكة غير مشايرين لله يستر ماعندهم شغل حتي سعدية شافتني هابطة من حديدة مطرطقة وشادة فراجل مهيب وهازا خنافري لسما
انا:شفتي ديك دار لي جالسين فيها دوك جوج بنات تما فين كانت ساكنة واهيبة
هود:ههه واو كيفاش كنتو عايشين فهاد الدرب اناري
انا:ههه والكحط ولكرفي وتمارا شي ايام دوزنا فهاد درب ولله ماتلقا بحالهم
هود:زيدي زيدي طلقينا راك كضيعي فالوقت
طلعنا دقينا فالباب علي شحال عاد حلات لينا عزيزة شافتني تصدمات
عزيزة:علي سلامتك الحاجة
انا:لله يسلمك
دخلات وجريت هود حتي هو دخلنا مابقا فاهم والو صحاب ليه غانتعانقو ونتباكاو وماعرفت اش ههه
انا:لبركة فراسك من جيهت مك
عزيزة:مامشا معاك باس فين غبرتي!شكون هو هدا!؟
انا:(شديت فيه)هدا هود حبيبي وخطيبي قربنا نتزوجو
عزيزة:مزيان(دارت عندو)سلام لاباس
هود مسكين تصدم من كلمة خاطيبي وحبيبي ماقال والو بقا غير كيشوف
عزيزة:واش ماكيفهمش لعربية
انا:لا راه كاوري ماشي مغريبي
عزيزة:اويلي وكيفاش كتفاهمو
انا:بالاشارات
هود غير سمعني وهو يتفرشخ بالضحك ماقدرش يحبس ضحكة انا:(عتقت لموقف)فين هو ادم
عزيزة:ناعس بغيتيه نفيقو ليك
انا:وي بغيت نشوفو علي قبلو جيت توحشتو
مشات تجيبو
هود:دخلنا عليك بالله هداك وجهك ولا قفاك اودي اودي علي خاطيبي ولله ماحشمتي
انا:سكت سكت غاتشوهنا
عزيزة:(مدات ليا ادم)خوك وقتما مشيت عندو كيسول عليك
انا:(كنبوس فيه لفنكوش)ايه واش قلتي ليه
عزيزة:ماقلت ليه والو لخبار وصلاتها سعدية لولدها وشلا مازادت عليها راه كيتحلف فيك غير تسنايه يخرج المسخوطة
انا:تمشي تعاود لراسها هي ولدها انا ماكيهمني حتي حد
عزيزة:ايه من حقك راك طحتي علي دجاجة بكامونها باينة عليه مرفح
انا:خسمة كيما شتيه تخليه
عزيزة:اوي اشنو ماغاديش ترجعي
انا:نرجع فين غانرجع مانقدرش انا اصلان ماكيناش هنا بزز باش خديت هاد ساعتاين نشوفك
بقات كتسول فيا انا مرة نجاوبها مرة...