عاهرة القيصر

الجزء الأول

***الجزء الأول ***

...المجهول1:-كيما قلتي راه درت عليه لحراسة وجابوليا خبارو... اشنو غادي دير معاه
مجهول2:-غير خليه دابا مامساليش ليه ...والكن من بعد موجد ليه دقة لكبيرة ..صحاب ليه غادي يفلت بديك لفعلة اقسم بالله ماغاديش تبقي فيه... غانمحيه من علي وجه لكرة الارضية
مجهول1:-سمعت بلي داير فيلا فالغابة كيقصر فيها مرة مرة مع شي بيطاسات...والكن ماعرفتش فين بالضبط داكشي علاش درت عليه لحراسة مشددة 24ساعة علي 24 ساعة كيما امرتي سيادتك
مجهول2:-دابا غير قلب علي هاد لموضوع عندي حوايج اهم منو... والكن من بعد مانرجع من سفار غادي نعرف شغلي معاه مزيان
مجهول2:-اوكي سي(****) لي بان ليك
♡♡♡♡♡♡♡♡♡♡♡♡♡♡♡♡♡♡♡♡
واهيبة:-سوسو وا لقردة فينك
انا:-شوووو ازبلة راه با ليل كولو وهو مسهرني عاد نعس ومال مك مبرزطانة مع نبوري اش عندك
واهيبة:-والو ابنت لحرام شحفت وانا نعيط ليك وانتي ماكيناش مسايقة خبار لأش واقع
انا:-لله يحرق طواسلك كنت كنقاد لبا بلاصتو باش ينعس
واهيبة:-(بابتسامة)نتي مخشية فهاد لخربة وماجايبة لدنيا خبار
انا:-(بتعجب)اشنو واقع !!داكشي لي مقابلة غير خبارات الناس
واهيبة:-وتي سكتي تسمعي علاه ماشي لبارح باليل لبوليس كانو قالبين دنيا هنا فدار حليمة
انا:-(خرجت عيني👀)اويلي عاوتاني جاو ليها
واهيبة:وتي سمعي بنت لفقيه الالة لقاوها وهي وشي وحدين فدار حليمة شدوهم كاملين ياختي عارفين واش حليمة دايرة ديك دار غير للدعارة انا تصدمت ملي خرجو حتي بنت لفقيه يالالة ناس ديال قال لله قال الرسول اش كيديرو ..ياختي كضرب غير من تحت دف..ناري وراه قالوها لفقيه لي كنتسناو براكتو دخل لجامع ببلغتو
انا:-لله يستر اختي ماعرفت اشنو خاصها بخيرها بخميرها اش داها لشي دعارة
واهيبة:-انا كتقتلني غير ديك مها لي نهار ومطال شدا فينا نميمية هاهوما خرجو هاهوما دخلو كاتبان ليها غير بنت شيخة يدوزو بيها اتاي
انا:-ينعل جدها انا ماعندها ماتصور مني نهار نسمعها بودني جبداتني بشي كلمة نوريها سهيلة اش كتسوا راه كيقولوها دوز حدا لواد لهرهوري لا دوز حدا سكوتي
واهيبة:-وايه اختي غير لله يستر قولي ليا بعدا اشنو درتي فديك لخدمة
انا:-سيري لداركم انا خاصني نجمع دار من بعد نهضرو الي بقيت مقابلاك محال ندير لغدا
واهيبة:-سيري سيري انا نيت خاصني نمشي قبل مايجريو عليا من داك لوزين ديال النحس تفو
انا:-حمدي لله وشكريه لقيتي خدمة ابنت لحرام كيتي انا مهم سيري منين ترجعي دوزي عندي نعاود ليك اشنو وقع
واهيبة:-واخا بسلامة ازين
انا:-بسلامة
خليتها ودخلت لدار سديت علي با لبيت فطرت ودرت موسيقي وبديت نجمع دار ونشقا ولا عرفتو نطفي لموسيقي حسن ونعاود ليكم قصة حياتي واخا حياتي مازال مابدات ههه
☆مهم انا سميتي سهيلة والكن قليل فاش كنسمع سميتي حيت كل واحد اش كيعيط ليا شي سوسو شي بنت شيخة شي خت لبزناز تعددت الاسماء والشخص واحد هو انا نعرفكم عليا كتر انا تزاديت بلا اب تقدرو تقولو عليا بنت لحرام وكاتجيني عادية حيت بصح انا بنت لحرام علاش غادي نكر حتي الاب ديالي ماعرفتوش حيت الام ديالي كانت عاهرة والكن ماشي اي عاهرة لا لا عاهرة همة وشان كيفاش حتي مشات لهاد طريق علمي علمك ماعمرني ديت وجبت معاها فالهضرة باش نسولها مهم هي بصارحة الله زوينة بزاف بزاف كانت كتفتن بزين كيقولو الي مشا زين كيبقاو حروفو فيامتها كانت كتمشي غير مع لكور والاجانب وصحاب لعاقة مهم اغلبية ماشي عرب اوي لحيوانات لمنوية ديال دوك الاجانب تما منين تكونت انا مي ماعرفاتش واش بابا هو نصراني ولا سويدي ولا مريكاني ولا لبرازيلي ولا تركي ولا سعودي ولا الايطالي ولا شينوي ولا يوناني والقائمة طويلة ...كانت غادية فطريق دعارة مزيان ولي جابو ليل يديه نهار حتي نهار تلقات خبر لي ممكن زعزع حياتها عارفات راسها حملات بالغلط واخا كانت دايرا الاحتياطات ديالها مهم شهر فاش عرفات بلي راه حاملة ماعرفاتش من من بالضبط حيت كانت مدوزة نص ديال دول العالم لاحول ولا قوة الا بالله اوي علي قولتها هي ديك ساعة كان لعهر بحلاوتو وبفلوسو قليل لي تلقاها خارجة طريق وكتكون معروفة علي لمدينة كاملة الام ديالي كانت خدامة غيسيبسونيست فأوطيل وتما فين كتعرف علي كليانها من بعد ملي حملات بيا توقف سوقها وجلسات من لخدمة واخا حاولات عدة مرات دير الاجهاض والكن إرادة الله كتخالف شاءت الاقدار نجي لهاد دنيا كانت عندها واحد صاحبتها هي لي دبرات ليها علي خدمة باش تعيش ماسولتونيش اشناهيا لخدمة واخا واخا انا نقول ليكم ختنا خدمات شيخة مهم فنفس الميدان العهر ومشتقاته اوي الالة كرشها لفمها وتغني فالعراس والحفلات لخاصة ماشي سوقنا فيها داكشي علاش كبرت حتي انا زهوانية عزيز عليا نشاط راضعاه منها واخا هي ديما كتعتابرني قدام نحس عليها حيت منهار حملات بيا وهي للور للور علي قولتها منهار شفتك ماشفت نهار لبيض...والكن واخا هكاك عمرها تخلات عليا واخا عاهرة مفرطة فراسها وفشرفها عمرها فرطات فيا....