انا تعجبت وشفت فيه مافهمت والو...هو كيشوف فيا شوفة ديال وحدة ميؤوس منها ومفضية..~كنعرف هاد شوفة هكا كتشوف فيا واهيبة منين كندير شي حاجة لا علاقة
انا:( باستغراب )اشنو!
قيصر:(تنهد تنهيدة طويلة خرجها من الاعماق)كنتمنى شي نهار تفهميني بلا مانتعصب ونفرشخ ديلمك!!سبحان لله مايمكنش نهار لي نشوفك فيه يدوز بيخير..~ضروري تخسريه بالغباء ديالك واش هادشي عندكم وراثي!!
انا بقيت كنشوف فيه مفاهمة والو وغلبات عليا ضحكة عيت نحبسها ولكن ماقدرتش تكرشخت بالضحك وهو بقا كيخنزر
قيصر:( بعصبية)مال ديلمك!!اشنو قلت كيضحك
انا:(حابسة ضحكة )لا ولله ماعليك..~كنضحك على راسي ولكلاخ لي عطاني لله
قيصر:( باستهزاء) بصح نيت راكي غير ضحكة خاصكي ضحكي نتي وتعيطي على لي يعاونك ويضحك عليك
انا:مالك ماتعاوني انت نيت ولا بحالك ماكيعرفوش يضحكو ( اوبس..~ويلي ويلي لساني مبري مني اعوذ بالله)
قيصر:(كيخنزر)قربي عندي هنا
انا:(كنتمتم)سس.سمح ليا والله ما...
قيصر:(قاطعني)قلت ليك قربي عندي هنا
انا شفت فيه مافيهاش يفوت فيا شي دقة تفو على لساني قربت ليه وانا كنقفقف شدني وحط راسي على صدرو وزيرني بيديه بحال إلى غنهرب
قيصر:( بعصبية)نعسي، نعسي وسكتي قبل مانوليو فشي حاجة خرا ماتعجبكش..راه هاد لسان عندك طويل خاصني نقطع بابااه من جدر
انا تكيت عليه وزميت فمي تفو ديما جابد ليا صداع حطيت يدي حتى هي على صدرو ناري هادشي عندو مطراسي وقاسح بحالو ههه وديك لفورمة شحال كتحمق بقيت كنسمع دقات قلبو وهو يديه كيلعبو في خصلات شعري حتى داني نعاس..~
¤فالصباح فقت لقيت راسي معنقاه ومخشية فيه وحتى هو معنقني بيديه ناموسية قدها قد لخلا ومزاحمين فشوية حيدت يديه بشوية باش نوض ومانفيقوش بستو فصدرو لاإراديا صارحة تصدمت ماعرفتش اش قال ليا راسي ماحسيتش كندير..من بعد نضت لدوش كندوش ساليت نشفت راسي لبست كسيوة فالكري نشفت شعري وجمعتو وخرجت بان ليا باقي ناعس بقيت كنشوف فيه شحال بحال الى كنحفض ملامح ديالو حيت منين كيكون فايق ماكنقدرش نطول فيه شوفة كنحشم زعما ههه حسيت بيه بغا يفيق ونضت جلست فوق لفوطوي حتى داز من قدامي دخل لدوش بقا فيه شوية وهو يعيط ليا نضت حليت لباب و بقيت متكية عليه وكنتمنضر فداك لجسم عندو ولما مهود منو واو
انا:نعام ميسو قيصر
قيصر:مسيو زمر هدا!سيري لجناح ديالي جيبي ليا شي حاجة نلبسها ياربي تعطلي
انا بقيت كنتعجب مال هدا معصب على صباح واش ماكاميش خرجت هزيت(lpast ) من جيب ديال سروالو ومشيت لجناح ديالو كان قريب دخلت كنتمنضر كيحمقني هاد لجناح ديالو فن مشيت لماريو كنقلب تلفت ماعرفت اش غاندي ليه هزيت سروال سوفيطمة كحل وتيشورت ديالو كحل خديت كاع داكشي لي غايحتاج وتميت غادية حتى بانت ليا واحد لعلبة ديال شكلاط عامرة محطوطة فوق كوافوز حليتها ودقت للولة وتبعتها ثانية بقيت وحدة مورا وحدة عجبني هزيت ريحتو حتى هي رشيت منها اويلي بقششت ليه كاع داكشي ديالو كانت طبلة كبيرة حتى هي فيها وروود مشكلة وشكلااط نوع اخر وقرعة ديال الشرااب ....الفاخر ... كلشي بقششت فييه شوها تفكرت راسي تعطلت عليه ومشيت بالجرا لقيتو كينشف فشعرو عطيتو حوايجو وتكيت فوق الناموسية حتى سالا لبس وجلس حدا رجلي كيبقشش فتيليفونو
قيصر:( بدون مايشوف جيهتي)اشنو بغيتي تفطري
انا:( بارتباك)أا..لا..مافياش جوع
قيصر:(طلع راسو كيخنزر)مافيكش زبل..مالكي معكسة انم قولي اشنو بغيتي قبل ماتجهلي ديلمي عاوتاني
انا:( بسرعة)ماشي موشكيل اي حاجة
قرب مني وهز تيليفون الارضي وهضر مع شي حد الانجليزية مافهمتش اش قال ليه
انا:( براءة)اشنو قلتي ليه
قيصر:(عرفني مافهمت حتى زفتة)قلت ليه اجي دي عليا هاد لكارثة قبل ماندوز عليها بشي جنوية حافية
انا:(خرجت عيني) بصح
قيصر:اه بصح~اجي اشنو داك لريحتي بعدا
انا:( بارتباك)أاا..لاغير عجباتني وصافي
قيصر:مالكي حمقة إلى عجباتك خاصكي تشميها فشي حد اخر ماشي دوشي بيها نتي اصلا هاديك راه ديال رجال ماشي ديال لقصار
انا:كيفاش قصار ماتزيدش فيه انا ماقصيراش انت لي طويل بزاف
قيصر:( بعناد)لالالا انتي لي قصيرة ولسانك طويل
خليتو ماجاوبتوش هو بقا كيلعب فتيليفونو حتي سمعنا دقان
قيصر:( بابتسامة)نوضي اسنفورة حلي لباب ولكن قبل لبسي شي صندالة عالية باش تباني لهذا لي كيدق ههه(كيضحك)
انا شفت فيه ونضت بغيت نحل لباب قبل مانتحرك عطاني واحد دقة لمؤخرة اوف تعصبت خنزرت فيه وهو كيضحك مشيت حليت لباب لقيت ديك لبنت ديال روم سيرفيس جايبة لفطور حطاتو بلاصتو انا كنعبر راسي بيها قدي قدها فطول وهي كتشوف فيا تمات خارجة وانا نهضر معاها
انا:ختي واش نتي قصيرة ولا طويلة
هي:( بابتسامة) بين و بين ماقصيرة ماطويلة
انا:اه مزيان
شافت فيا وخرجات واقيلة جيتها حمقة قلبت على قيصر بان ليا فالبالكون كيهضر فالتيليفون انا بديت كنقب فداكشي حتى حسيت بضربة خرا فطرماحتي
انا: ولله حتى حشومة عليك
قيصر:( ببرود)واجلسي وكولي..~مالكي كاتاكلي وانتي واقفة(سكت شوية وعاود نطق)ههه اه ولا قولي ليا ياله جيتي مع طبلة مقادة وانتي واقفة إلى جلستي ماغاتبقايش تباني وانا نعيق
أنت تقرأ
عاهرة القيصر
Acciónهذه القصة عزيزة علي واخة قديمة و لكن عندها واحد المعزة في قلبي هذشي علاش بغيت نشاركها معكم هي قديمة و لكن احداتها زوينين نتمنى تعجبكم
